Karyn Grossman អ្នកជំនាញផ្នែកសើស្បែក បានប្រាប់គេហៈទំព័រ Allure ថា "បបូរមាត់ស្អាត អាចធ្វើឱ្យមុខមើលទៅនៅក្មេងជាងវ័យ ហើយថែមទាំងធ្វើឱ្យការប្រើប្រាស់ និងការតុបតែងមុខកាន់តែប្រសើរឡើង"។
លោក David H. Song ប្រធានសមាគមគ្រូពេទ្យវះកាត់កែសម្ផស្សអាមេរិកបានប្រាប់គេហៈទំព័រ SELF ថា "អ្នកជំងឺកាន់តែមានផាសុកភាពក្នុងការពិភាក្សាពីការវះកាត់កែសម្ឆស្ស" ។ ហើយមានអ្នកជំងឺជាច្រើនដែលរំភើបជាមួយនឹងលទ្ធផល បន្ទាប់ពីទទួលបានការចាក់បំពេញបបូរមាត់។ ប៉ុន្តែដោយសារការវះកាត់កែសម្ឆស្សរមានការពេញនិយម មិនមែនមានន័យថា វាមានសុវត្ថិភាពនោះទេ។ ដូច្នេះហើយ មានផលប៉ះពាល់គួរឱ្យភ្ញាក់ផ្អើលមួយចំនួន ដែលអ្នកត្រូវដឹងមុនពេលអ្នកសម្រេចចិត្តចាក់បំពេញបបូរមាត់។
បបូរមាត់យារធ្លាក់ និងជាលិកាឈាមស្ទះ គឺជាផលរំខានដែលអាចកើតមានមនុស្សជាច្រើនបានដឹងថាការចាក់បំពេញបបូរមាត់មិនមែនមានប្រសិទ្ធិភាពរហូតនោះទេ។ "នៅពេលអ្នកពង្រីកបបូរមាត់ម្តងហើយម្តងទៀតច្របាច់វាឱ្យធំតាមដែលអាចធ្វើបានសារធាតុបំពេញអាចដើរតួជាអ្នកពង្រីកជាលិកាក្នុងការពង្រីកស្បែកជារៀងរហូត ដែលធ្វើឱ្យបបូរមាត់យារធ្លាក់និងខូចទ្រង់ទ្រាយនៅពេលដែលសារធាតុបំពេញអស់ប្រសិទ្ធិភាព" នេះបើយោងតាម Grossman ដែលបានប្រាប់មកកាន់គេហៈទំព័រ Allure ។
ដូចដែលបានបញ្ជាក់ដោយ National Health Service ស្នាមជាំស្រាលៗ និងហើម គឺជាផលរំខានទូទៅនៃការទទួលចាក់បំពេញបបូរមាត់។ ក្នុងករណីដ៏កម្រមួយចំនួន មានផលរំខានដ៏គួរឱ្យភ្ញាក់ផ្អើល ដូចជា មានរូបរាងដុំៗនៅក្រោមស្បែក ស្នាមសង្វារ និងស្ទះសរសៃឈាមនៅលើមុខ ហើយក៏មានករណីមួយចំនួនតូចទៀត ដែលអ្នកជំងឺចាក់បំពេញបបូរមាត់ មានប្រតិកម្មមិនល្អ បន្ទាប់ពីបានទទួលការចាក់វ៉ាក់សាំង COVID-19៕