ជំងឺរាតត្បាតជាសកលបានបង្ខំឱ្យមនុស្សជាច្រើននាក់ ធ្វើការពីផ្ទះជាញឹកញាប់។ បុគ្គលិកជាច្រើន មានជម្រើសតិចតួចក្នុងការសម្រេចចិត្ត មានពេលកំណត់ក្នុងការរៀបចំ ខ្វះជំនាញក្នុងប្រើប្រាស់ឧបករណ៍បច្ចេកវិជ្ជា និងការធ្វើការនៅផ្ទះមានកន្លែងមិនគ្រប់គ្រាន់។ អ្នកគ្រប់គ្រងខ្លះ មិនបានអើពើនឹងបុគ្គលិកដែលនៅឆ្ងាយ ខណៈអ្នកគ្រប់គ្រងផ្សេងទៀត តែងតែឃ្លាំមើលយ៉ាងខ្នះខ្នែង ដូច្នេះ ប្រសិនបើអ្នកសំរេចចិត្តបន្តធ្វើការពីផ្ទះ បន្ទាប់ពីជំងឺរាតត្បាត តើវាជារឿងល្អ ឬអាក្រក់សម្រាប់សុខភាពអ្នក នៅថ្ងៃក្រោយទៅ?
១. ហាត់ប្រាណបានតិច ឬ ហាត់ប្រាណបានច្រើន?
បុគ្គលិកខ្លះ បានធ្វើការងាររបស់ពួកគេជាច្រើនម៉ោង ដោយអង្គុយក្នុងស្ថានភាពខុសឆ្គងដោយគ្មានពេលសម្រាក។ ការប្រើកុំព្យូទ័រច្រើនពេក អាចធ្វើឱ្យខូច retina (retina គឺជាស្រទាប់ខាងក្នុងបំផុតនៃជាលិកាភ្នែកនៃឆ្អឹងកងខ្នង និង ស្លែមួយចំនួន) ហើយកន្លែងធ្វើការដែលមិនបានរចនាបានល្អ អាចបង្កើតឲ្យមានការឈឺខ្នង និងមានរបួសមួយចំនួនដែលបង្កដោយសារស្ត្រេស។ ឥរិយាបថអង្គុយលេងក្នុងរយៈពេលវែង អាចបណ្តាលឲ្យមានបញ្ហាសុខភាពដល់រាងកាយជាច្រើន រួមទាំងហានិភ័យដែលបណ្តាលឲ្យមានជំងឺមហារីកទៀតផង។
ទោះបីជាយ៉ាងណា ការធ្វើការពីផ្ទះឱ្យបានត្រឹមត្រូវ អាចធ្វើឱ្យសុខភាពបុគ្គលិកកាន់តែប្រសើរឡើង។ ពួកគេអាចធ្វើការហាត់ប្រាណបាន ដោយកំណត់កាលវិភាគនៅពេលវេលាសមស្របណាមួយ។ វាបានបង្កើតឱកាសសម្រាប់ឲ្យបុគ្គលិកមានពេលឈប់សម្រាកពីកុំព្យូទ័រ ដើម្បីបោកខោអាវ យកឆ្កែទៅដើរលេង ឬសម្អាតកំរាលព្រំជាដើម។ សកម្មភាពបន្តិចបន្តួចទាំងនេះ មានផលវិជ្ជមានក្នុងរយៈពេលវែង ទៅលើសុខភាពផ្លូវកាយ និងផ្លូវចិត្ត។ ការចំណាយពេល ១០ នាទីនៃការឡើងជណ្តើរនៅក្នុងផ្ទះរបស់អ្នក អាចបង្កើនសមត្ថភាពសួតរបស់អ្នក និងបង្កើនស្មារតីរបស់អ្នក។
ការសម្រេចបាននូវអត្ថប្រយោជន៍ទាំងនោះ តម្រូវឱ្យបុគ្គលិកមានការគ្រប់គ្រងលើកាលវិភាគការងាររបស់ពួកគេផងដែរ។ ក្រុមហ៊ុន ឬអង្គការណាមួយដែលមានបុគ្គលិក ឬនិយោជិត ដែលបំពេញការងារពីផ្ទះ អាចជួយផ្តល់នូវធនធានផ្សេងៗ ដើម្បីរចនាកន្លែងធ្វើការនៅផ្ទះ និងបង្កើតកម្មវិធី software ឲ្យល្អជាមុន ដែលជួយជំរុញឱ្យបុគ្គលិកមានពេលឈប់សម្រាកពេញមួយថ្ងៃ។
២. ពេលទំនេរច្រើន ឬ ធ្វើការច្រើនជាងនេះ?
ការធ្វើដំណើរ ជាពិសេសដោយរថយន្ត អាចបណ្តាលឱ្យបុគ្គលិកបំពុលបរិយាកាស និងបង្កើនហានិភ័យដល់បញ្ហាផ្លូវដង្ហើម ឬសរសៃឈាមបេះដូង។ តាមទ្រឹស្តី ការធ្វើការពីផ្ទះ បានធ្វើឱ្យបុគ្គលិកមានភាពងាយស្រួលទាំងផ្លូវកាយ និងផ្លូវចិត្ត។ ទោះបីជាយ៉ាងណាក៏ដោយ ការធ្វើដំណើរមានមុខងារដ៏សំខាន់ ប៉ុន្តែជារឿយៗ ត្រូវបានគេមើលរំលង។ វាបានផ្តល់ពេលវេលាដល់បុគ្គលិកក្នុងបែងចែកឲ្យដាច់ររវាង តួនាទីការងារ និងជីវិតផ្ទាល់ខ្លួន ដែលមានសារៈសំខាន់ ជាពិសេសសម្រាប់មនុស្សដែលមានការពិបាកក្នុងការបំពេញការងារប្រកបដោយវិជ្ជាជីវៈ។
៣. ការរំខានតិច ឬមានភាពឯការ ហើយមិនមានការទំនាក់ទំនង?
ការធ្វើការពីផ្ទះ អាចបង្កើតឱកាសសម្រាប់បុគ្គលិកធ្វើ “ការងារឲ្យកាន់តែស៊ីជម្រៅ” ព្រោះការផ្តោតលើការងារទាមទារដោយគ្មានការរំខាន។ វាជួយឱ្យបុគ្គលិកយកចិត្តទុកដាក់លើការងាររបស់ពួកគេ នៅពេលដែលពួកគេកំពុងធ្វើការ និងធ្វើឲ្យមានអារម្មណ៍ផ្លូវចិត្តល្អច្រើន ពេលបានចំណាយពេលគ្រួសារ នៅពេលពួកគេមិនធ្វើការ៕
