ការថែទាំស្បែកមិនមែនប្រើប្រាស់ផលិតផលតែមួយអាចដោះស្រាយរាល់បញ្ហារបស់អ្នកបាននោះទេ។ ដូច្នេះថ្ងៃនេះខ្ញុំបាទសូមណែនាំនូវការយល់ច្រលំទាំង៧ដែលទាក់ទងទៅនឹង សុខភាពស្បែកដែលអ្នកគួរតែដឹង!
១. ប្រើផលិតផលក្នុងបរិមាណតិចតួចពេក មុនពេលអ្នកប្រើផលិតផលណាមួយព្យាយាមដាក់បរិមាណដែលគេបានបញ្ជាក់នៅខាងក្រោយដបជាមុនសិន ពីព្រោះមុខរបស់មនុស្សគ្រប់រូប ទំហំនៃការស្រូបចូលទៅក្នុងមុខគឺខុសគ្នា។ ការដាក់ប្រេងពីរតំណក់ទៅលើមុខរបស់អ្នកអាចច្រើនពេកសម្រាប់ស្បែកខ្លាញ់ដែលមានតុល្យភាព ប៉ុន្តែបន្ទាប់ពីវាស្រូបទៅក្នុងស្បែកដែលខ្វះជាតិទឹក និងមានជាតិខ្លាញ់ វាអាចនឹងប្រែទៅជាតិចពេក។
២. ទឹកសម្អាតផ្ទៃមុខឬ (toner) ទឹកសម្អាតផ្ទៃមុខ អាចកម្ចាត់ភាពកខ្វក់ និងប្រេងចេញពីស្បែកមុខរបស់អ្នក មុនពេលលាបក្រែមផ្តល់សំណើម។ ខណៈពេលដែលអ្នកជឿថា ទឹកសម្អាតផ្ទៃមុខ អាចជួយអ្នកក្នុងការថែរក្សាសម្រស់បាន ក៏ប៉ុន្តែមិនមែនមនុស្សគ្រប់គ្នាសុទ្ធតែត្រូវការវានោះទេ។ ការប្រើប្រាស់ផលិតផលច្រើនពេក ក៏អាចបណ្តាលអោយមានការកក់នៅលើផ្ទៃមុខ និងមានកង្វះក្នុងការស្រូបចូលក្នុងផ្ទៃមុខផងដែរ។
៣. ក្រដាសជូតសម្អាតគ្រឿងសម្អាងគឺជាវិធីល្អបំផុត ដើម្បីលុបគ្រឿងសម្អាង ប្រសិនបើអ្នកងាយនឹងមានអាចម៏រុយលើផ្ទៃមុខក្រដាសជូតសម្អាតគ្រឿងសម្អាងអាចបង្កឱ្យមានការកកិត និងរលាកស្បែកបន្តិចម្តងៗនៅលើស្បែក ប្រសិនបើអ្នកប្រើវារាល់ថ្ងៃ។ លើសពីនេះ ក្រដាសជូតសម្អាតគ្រឿងសម្អាងច្រើនមានជាតិអាល់កុល ដែលអាចបង្កឱ្យរមាស់ស្បែកដែលងាយប្រតិកម្ម។
៤. វាយតម្លៃគុណប្រយោជន៏ផលិតផលទៅតាមតម្លៃរបស់វា ពេលខ្លះផលិតផលសាមញ្ញចំណាយតិច ហើយផលិតផលដែលមានធាតុផ្សំតិច ចំណាយកាន់តែច្រើន។នៅពេលដែលអ្នកមិនមានលទ្ធភាពទិញក្រែមផ្តល់សំណើមតម្លៃថ្លៃ អ្នកអាចជ្រើសរើសប្រើក្រែមផ្តល់សំណើម និងឡេការពារកម្តៅថ្ងៃ ដែលមានតម្លៃសមរម្យ ព្រោះវាអាចមានប្រសិទ្ធប្រហាក់ប្រហែលគ្នា។
៥. កុំប៉ះមុខដោយដៃផ្ទាល់ អ្នកប្រហែលជាធ្លាប់លឺថា “ជៀសវាងការប៉ះមុខរបស់អ្នក ដើម្បីការពារការកើតមុន” ប៉ុន្តែការប៉ះតែម្យ៉ាងមិនមែនជារឿងតែមួយគត់ដែលធ្វើអោយអ្នកមានការបារម្ភនោះទេ។ គ្រូពេទ្យជំនាញខាងសើស្បែកបានធ្វើការព្រមានអំពីការនិយាយទូរស័ព្ទដោយមិនប្រើកាស ហើយពេលអ្នកចុចឬអូសលេងទូរស័ព្ទរបស់អ្នកហើយ បន្ទាប់មកយកប៉ះមុខរបស់អ្នកនៅពេលក្រោយ។ ជាក់ស្តែងទូរស័ព្ទរបស់យើងផ្ទុកបាក់តេរីច្រើនជាងកៅអីបង្គន់ភាគច្រើនទៅទៀត។
៦. ទម្លាប់ថែទាំស្បែកអោយបានជាប់លាប់គឺជាគន្លឹះក្នុងការទប់ស្កាត់ការឡើងមុនទម្លាប់ថែរក្សាស្បែកដែលជាប់លាប់ នឹងមិនជួយសង្គ្រោះអ្នកពីការឡើងមុននោះទេ។ ការឡើងមុន អាចកើតឡើងដោយសារសុខភាពពោះវៀនខាងក្នុងនិងភាពតានតឹង។
៧. អ្នកមិនត្រូវការគ្រូពេទ្យជំនាញខាងសើស្បែកទេ កំហុសដ៏ធំបំផុតរបស់មនុស្សម្នាក់ៗនោះ គឺការសាកល្បងផលិតផលដោយខ្លួនឯងរហូតដល់ពួកគេអាចរកឃើញផលិតផលដែលសាកសមនឹងស្បែកមុខរបស់អ្នក។ សម្រាប់មនុស្សជាច្រើនទៀតការធ្វើបែបនេះ ក៏ព្រោះតែពួកគេមិនបានសិក្សាពីប្រភេទស្បែករបស់ពួកគេ ឬសូម្បីតែស្ថានភាពស្បែករបស់ពួកគេឲ្យបានច្បាស់លាស់ត្រូវចាំថាមានប្រភេទមុនផ្សេងៗគ្នា ហើយវាសុទ្ធតែត្រូវការការព្យាបាលផ្សេងៗផងដែរ៕
