មនុស្សភាគច្រើន អាចមានរឿងរ៉ាវជាច្រើនដែលធ្វើឲ្យចិត្តពួកគេមិនស្ងប់ សំឡេងរោទិ៍រថយន្តនៅពេលកណ្តាលអាធ្រាត ឬត្រូវការប្រើប្រាស់បន្ទប់ទឹកជាដើម ដែលធ្វើឲ្យមានការដឹងខ្លួននៅពេលពាក់កណ្តាលយប់។ ហើយបើយោងតាមគេហទំព័រ Sleep.org ការទៅបន្ទប់ទឹកនៅពាក់កណ្តាលអធ្រាត្ររបស់លោកអ្នក ដើម្បីនោមជាញឹកញាប់ត្រូវបានគេហៅថា nocturia ។ ភាគច្រើននៃបុរស និងស្ត្រីដែលមានអាយុលើសពី 40 ឆ្នាំរាយការណ៍ថា ភ្ញាក់ពីគេងដើម្បីប្រើបន្ទប់ទឹកយ៉ាងហោចណាស់ម្តងក្នុងមួយយប់។

យើងទាំងអស់គ្នាចង់ទៅដោះទុក្ខសត្វ ប៉ុន្តែវាក៏សំខាន់ផងដែរក្នុងការការពារគុណភាពនៃការគេងដែលអ្នកទទួលបានរាល់យប់។ នោះហើយជាមូលហេតុដែលប្រសិនបើអ្នកកំពុងជៀសវាងការផឹកទឹក ដើម្បីជៀសវាងការប្រើប្រាស់បន្ទប់ម្តង ឬច្រើនដងនៅពេលយប់ អ្នកប្រហែលជាចង់សាកល្បងវិធីផ្ទុយពីនេះហើយ។

ការផឹកទឹកជាមួយនឹងអំបិលមួយចឹប ​អាចរារាំងអ្នកមិនឱ្យភ្ញាក់ពីគេង

តើការផឹកទឹកមុនចូលគេង អាចជាថ្នាំបំបាត់ការប្រើប្រាស់បន្ទប់ទឹកនៅពេលយប់ដោយរបៀបណា? គិលានុបដ្ឋាយិកា Jonathan Steele បាននិយាយតាមរយៈ HuffPost ថាគ្រាន់តែបន្ថែមអំបិលមួយចឹបទៅក្នុងទឹក។ ការរក្សាតុល្យភាពនៃទឹក និងអេឡិចត្រូលីតខាងក្នុងនៅក្នុងប្រព័ន្ធរាងកាយរបស់អ្នក អាចរារាំងអ្នកពីការនោមមុនពេលម៉ោងរោទិ៍របស់អ្នកដាស់អ្នក។ គាត់បានបន្ថែមថា "អំបិលដែលមិនទាន់កែច្នៃ ជួយឱ្យទឹកចូលទៅក្នុងកោសិកាទាំងអស់របស់យើង" ។

ការផ្លាស់ប្តូរមកផឹកទឹកតែ ឬទឹកដោះគោក្តៅមួយកែវនៅពេលយប់របស់អ្នក មកជាការផឹកទឹកជាមួយនឹងអំបិលមួយចឹប អាចធ្វើឱ្យអ្នកមិនភ្ញាក់ពីគេងដើម្បីប្រើបន្ទប់ទឹកឡើយ។ ទោះជាយ៉ាងណាក៏ដោយ CDC អះអាងថា មនុស្សពេញវ័យភាគច្រើនប្រើប្រាស់ជាតិសូដ្យូមច្រើនជាងការទទួលទានប្រចាំថ្ងៃ ដែលបានណែនាំ។ ដូច្នេះ ប្រសិនបើអ្នកនឹងបន្ថែមអំបិលទៅក្នុងទឹក បើទោះបីជាវាគ្រាន់តែបន្តិចបន្តួចក៏ដោយ អ្នកប្រហែលជាត្រូវឱ្យប្រាកដថា ការប្រើប្រាស់ជាតិសូដ្យូមរបស់អ្នកស្ថិតក្នុងកម្រិតដែលមានសុខភាពល្អជាមុនសិន ដើម្បីរក្សាសុខភាពរបស់អ្នកឲ្យបានល្អ។ យ៉ាងណាមិញ ការធ្វើឱ្យមានតុល្យភាពកម្រិតត្រឹមត្រូវនៃសូដ្យូមដែលយើងមាននៅខាងក្នុងរាងកាយ អាចជាអ្វីដែលរារាំងយើងមិនឱ្យក្រោកពីដំណេកនៅពេលយប់។