មនុស្សគ្រប់រូប តែងតែមានចំណុចចាប់អារម្មណ៍ខុសៗគ្នា ហើយមានលក្ខណៈរាងកាយមួយចំនួន ដែលមានការកត់សម្គាល់ច្រើន។ យោងតាម Psychology Today មនុស្សប្រុសដែលមានកម្ពស់ខ្ពស់ អាចធ្វើឲ្យសមត្ថភាពក្នុងការដឹកនាំការងារកាន់តែប្រសើរឡើង និងការមានទំនុកចិត្តលើខ្លួនឯង។ ប្រសិនបើមនុស្សស្រីងើយមើលមនុស្សប្រុសដែលមានកម្ពស់ខ្ពស់នោះ វាអាចនាំឱ្យគាត់ជឿថា គាត់កាន់តែមានភាពជឿជាក់។
ជីវវិទ្យា និងប្រព័ន្ធផ្សព្វផ្សាយ ដើរតួនាទីយ៉ាងសំខាន់ក្នុងរឿងនេះផងដែរ
ចំណងចំណូលចិត្តរបស់មនុស្សស្រីទៅលើមនុស្សប្រុសដែលមានកម្ពស់ខ្ពស់ ក៏អាចផ្អែកលើជីវវិទ្យាផងដែរ។ នៅក្នុងការសិក្សាដែលបានបង្ហាញតាមរយៈ WebMD, R.I.M. លោក Dunbar, Ph.D., មកពីសាកលវិទ្យាល័យ Liverpool, ប្រទេសអង់គ្លេស បានរកឃើញថា "មនុស្សប្រុសដែលមានកម្ពស់ខ្ពស់ គឺទទួលបានភាពជោគជ័យច្រើនជាងមនុស្សប្រុសដែលមានកម្ពស់ទាប ព្រោះវាបានបង្ហាញថា មនុស្សស្រីបានជ្រើសរើសមនុស្សប្រុសជាដៃគូភាគច្រើនផ្អែកលើកម្ពស់របស់ពួកគេ" ។
ប៉ុន្តែយើងត្រូវទទួលស្គាល់ថា ប្រព័ន្ធផ្សព្វផ្សាយ ក៏មានឥទ្ធិពលខ្លាំងលើអ្វីដែលចាត់ទុកថាមានភាពទាក់ទាញផងដែរ។ Psychology Today បានអះអាងថា មនុស្សប្រុសដែលមានកម្ពស់ទាប ត្រូវប្រឈមមុខនឹងការរើសអើងនៅក្នុងប្រព័ន្ធផ្សព្វផ្សាយផ្សេងៗ ដោយសារតែមនុស្សប្រុសដែលមានកម្ពស់ខ្ពស់ ភាគច្រើនត្រូវបានគេឲ្យសម្តែងជាវីរបុរស ឬជាតួឯក ក្នុងការផ្សព្វផ្សាយពាណិជ្ជកម្ម ឬក្នុងខ្សែភាពយន្តផ្សេងៗ។ ដូច្នេះ តើមនុស្សស្រីពិតជាទាក់ទាញទៅលើមនុស្សប្រុសដែលមានកម្ពស់ខ្ពស់មែនទេ? មើលទៅប្រហែលជាពិតហើយ។ ប៉ុន្តែមនុស្សម្នាក់ៗមានចំណុចទាក់ទាញខុសៗគ្នា ដូច្នេះកុំវិនិច្ឆ័យត្រឹមតែកម្ពស់របស់ពួកគេណា៕