ជាការពិតណាស់របបអាហារដែលលោកអ្នកទទួលទានរាល់ថ្ងៃពិតជាសំខាន់ណាស់ដល់សុខភាពតម្រងនោម។ ដូច្នេះហើយទើបក្រុមការងារ BeeTube News នឹងធ្វើការបកស្រាយនូវអាហារមួយចំនួនដែលលោកអ្នកគួរតែកាត់បន្ថយឬជៀសវាងតែម្តង។

១. សាច់ក្រហម

តាមរយៈ Medical News Today បានកត់សំគាល់ថាមិនថាសាច់ជ្រូក ឬសាច់ចៀមក៏ត្រូវបានចាត់ចូលក្នុងថ្នាក់ជាសាច់ប្រភេទនេះផងដែរ។ ការសិក្សាមួយធ្វើឡើងក្នុងរយៈពេល១៥ ឆ្នាំបានរកឃើញថាការញ៉ាំសាច់ក្រហមបានបង្កើនឱកាសនៃការវិវត្តទៅជាជំងឺតម្រងនោមដំណាក់កាលចុងក្រោយ។ លើសពីនេះទៀត ទិន្នន័យបានបង្ហាញថា ការផ្លាស់ប្តូរពីការបរិភោគសាច់ក្រហមមួយដងក្នុងមួយសប្តាហ៍ជំនួសវិញដោយប្រូតេអ៊ីនប្រភេទមួយផ្សេងៗទៀត បានកាត់បន្ថយលទ្ធភាពនៃជំងឺតម្រងនោមជាង ៦០%។ ដូច្នេះប្រសិនបើអ្នកមានជំងឺតម្រងនោមរ៉ាំរ៉ៃអ្នកគួរតែកំណត់កម្រិតនៃសាច់ក្រហមអោយតិចតាមដែលអាចធ្វើបាន។

២.​ នំប៉័ងស្រូវសាលី

នំប៉័ងដែលមានស្រូវសាលី និងគ្រាប់ធញ្ញជាតិច្រើន មានប៉ូតាស្យូម និងផូស្វ័រច្រើន ដែលសារធាតុទាំងពីរនេះអាចប៉ះពាល់ដល់តម្រងនោមរបស់អ្នក។ លើសពីនេះទៅទៀតនំប៉័ងជាទូទៅមានជាតិសូដ្យូមច្រើនដែលអាចបង្កើនឱកាសក្នុងការវិវត្តទៅជាគ្រួសក្នុងតម្រងនោម នេះបើយោងតាម Healthline និង Harvard Health Publishing។ 

៣. ផ្លែចេក

សម្រាប់អ្នកដែលមានតម្រងនោមខូច ចេកអាចយកធ្វើឱ្យវាកាន់តែធ្ងន់ធ្ងរឡើង ពីព្រោះផ្លែចេកសម្បូរទៅដោយជាតិប៉ូតាស្យូមរ៉ែ នៅពេលដែលតម្រងនោមរបស់អ្នកខូចខាតហើយវាបណ្តាលឱ្យកម្រិតប៉ូតាស្យូមនៅក្នុងឈាមរបស់អ្នកកើនឡើង ដែលអាចធ្វើឱ្យប៉ះពាល់ដល់សុខភាពបេះដូងរបស់អ្នក និងអាចបណ្តាលឱ្យគាំងបេះដូង។ 

៤. សូដាគ្មានជាតិស្ករ

ការញ៉ាំសូដាគ្មានជាតិស្កររាល់ថ្ងៃអាចធ្វើឱ្យអ្នកកើតមាននូវបញ្ហាសុខភាពមួយចំនួន។ ការសិក្សាមួយដែលចំណាយរយៈពេល ២០ ឆ្នាំ បានរកឃើញថា ការទទួលទានសូដាជាតិស្ករសិប្បនិម្មិតរាល់ថ្ងៃអាចធ្វើឱ្យប៉ះពាល់ដល់តម្រងនោមរបស់អ្នក យោងតាម National Kidney Foundation។ ដូចនេះអ្នកអាចទទួលទានទឹកផ្លែឈើដែលច្រប៉ាច់ធ្វើនៅឯផ្ទះជំនួសវិញ។

៥. ត្រីសាឌីនកំប៉ុង

ត្រីសាឌីន ភាគច្រើនបានចិញ្ចឹមទៅលើរុក្ខជាតិ និងជីវិតសត្វតូចៗដែលគេហៅថា plankton ដែលជាក់ស្តែងគឺជារបបអាហារដ៏ល្អឥតខ្ចោះ។ លើសពីនេះទៅទៀត ត្រីប្រភេទនេះ គឺជាប្រភពដ៏ល្អនៃអាស៊ីតខ្លាញ់អូមេហ្គា ៣ ដែលល្អចំពោះបេះដូង និងប្រព័ន្ធឈាមរត់របស់អ្នក។ ថ្វីត្បិតតែត្រីសាឌីនកំប៉ុងមានអត្ថប្រយោជន៍ចំពោះសុខភាពក៏ដោយ ក៏វាសំបូរទៅដោយសារធាតុគីមីដែលគេហៅថា purines (យោងតាម WebMD) ។ នៅពេលដែលអ្នកទទួលទានសាឌីន រាងកាយរបស់អ្នកនឹងបញ្ជូលសារធាតុ purines របស់ត្រីទៅជាសារធាតុម្យ៉ាងហៅថាអាស៊ីតអ៊ុយរិក ដែលបង្កើនឱកាសនៃការកើតគ្រួសក្នុងតម្រងនោម។ ត្រីសាឌីនកំប៉ុងមានជាតិប្រៃខ្លាំង ហើយវាអាចបណ្តាលឲ្យមានគ្រួសក្នុងតម្រងនោម ដោយសារសូដ្យូមជួយបង្កើនកម្រិតកាល់ស្យូមនៅក្នុងទឹកនោម។ក្រៅពីមានផលអវិជ្ជមានចំពោះតម្រងនោមរបស់អ្នក សារធាតុ purines នៅក្នុងសាឌីនកំប៉ុងក៏អាចធ្វើឱ្យជំងឺរលាកសន្លាក់ដែលជាជំងឺប៉ះពាល់ដល់ការរំលាយអាហាររបស់អ្នក ហើយអាចបណ្តាលឱ្យឈឺសន្លាក់រាំរ៉ៃផងដែរ។ លើសពីនេះទៅទៀត អំបិលនៅក្នុងត្រីសាឌីនមានផលអាក្រក់ចំពោះសម្ពាធឈាម ព្រោះជាតិសូដ្យូមបង្កឱ្យមានការរក្សាទឹកដែលអាចបង្កើនបរិមាណឈាមរបស់អ្នកដែលធ្វើឱ្យបេះដូងពិបាកក្នុងកាគ្រប់គ្រងចរន្តឈាម។

៦. ផ្លែស្ពឺ

ផ្លែស្ពឺត្រូវបានគេទទួលស្គាល់ថាមានសារធាតុការ៉ាមបូឡា “carambola” ដែលសំបូរទៅដោយសារធាតុប្រឆាំងអុកស៊ីតកម្ម នៅពេលទទួលទានផ្លែស្ពឺច្រើនពេក ឬញ៉ាំជាអាហារសម្រន់ពេលដែលវាមិនទាន់ទុំ អាចធ្វើឱ្យប៉ះពាល់ដល់តម្រងនោមរបស់អ្នក ។នេះក៏ព្រោះតែផ្លែស្ពឺ ផ្ទុកទៅដោយសារធាតុ oxalate ដែលមានបរិមាណច្រើន អាចបណ្តាលឱ្យមានដុំគ្រួសក្នុងតម្រងនោមរបស់អ្នកផងដែរ។ តាមពិតទៅប្រភេទគ្រួសក្នុងតម្រងនោមទូទៅ គឺជាការរួមបញ្ចូលគ្នារវាងកាល់ស្យូម និងអុកសាឡាត(oxalate) ឬផូស្វ័រ(phosphorus)។ ការញ៉ាំផ្លែស្ពឺអាចបណ្តាលឲ្យមានគ្រោះថ្នាក់ខ្លាំង និងអាចបណ្តាលឱ្យស្លាប់។

កែសំរួលអត្ថបទ និងរៀបរៀងវីដេអូដោយ BeeTube News Team