(AFP)- វរសេនីយ៍ទោ Mamady Doumbouya មេដឹកនាំធ្វើរដ្ឋប្រហារ ដែលមានការរៀនសូត្រខ្ពស់ ធ្លាប់បានទៅសិក្សាផ្នែកយោធានៅប្រទេសបារាំង។

កាលពីថ្ងៃអាទិត្យ កងកំលាំងពិសេសរបស់ Doumbouya បានចាប់ខ្លួនលោកប្រធានាធិបតី នៃប្រទេសអាហ្រ្វិកប៉ែកខាងលិច Alpha Conde អាយុ 83ឆ្នាំ ដែលជាជើងឯកប្រជាធិបតេយ្យ ដោយធ្វើការចោទប្រកាន់ថាលោកកំពុងធ្វើដំណើរទៅរកផ្លូវអត្តាធិបតេយ្យ។

Doumbouya បានប្រកាសរំលាយរដ្ឋធម្មនុញ្ញ ដែលធ្វើឲ្យលោកAlpha Conde បាត់បង់ឪកាសក្នុងការទៅប្រកួតប្រជែងយកអំណាចក្នុងអាណត្តិទី3 ព្រមទាំងអះអាងថា លោកនឹងគ្រប់គ្រងអំណាចអន្តរកាលដោយសន្តិវិធី។

លោកបានថ្លែងទៀតថា មានមនុស្សជាច្រើនបានឈឺចាប់ ស្លាប់ និងបង្ហូរទឹកភ្នែក ដោយការបង្រ្កាបយ៉ាងធ្ងន់ធ្ងរចំពោះការតវ៉ារបស់ពួកគេ ដោយបាតដៃប្រឡាក់ឈាមរបស់ លោកប្រធានាធិបតី។

« យើងធ្វើនេះមិនមែនជាការស្រឡាញ់អំណាច មិនមែនជាការលេងសើច តែយើងនឹងរៀនសូត្រអំពីកំហុសទាំងឡាយដែលកើតមានកន្លងមកនៅក្នុងមាតុភភូមិរបស់យើង»

សូមជំរាបផងដែរថា មេដឹកនាំរដ្ឋប្រហារ Mamady Doumbouya មានប្រពន្ធជាជនជាតិបារាំងនិងមានកូន3នាក់។