ទស្សនិកជនមួយចំនួនបានងាកមកចាប់អារម្មណ៍ក្រុមតន្រ្តីតូចៗដែលប្រគំសម្តែងលេងនៅតាម Pub រឺក្លឹបកំសាន្តមួយចំនួននាពេលថ្មីៗនេះ ខណៈរូបភាពចែកលែកនៃការសម្តែងរបស់ពួកគេក៏ត្រូវបានបង្ហោះនៅតាមបណ្តាញសង្គម ធ្វើអោយប្រជាប្រិយភាពរបស់ក្រុម Band នីមួយៗរបស់យើងកាន់តែមានសន្ទុះកើនឡើង។ យ៉ាងណាមិញផងដែរ ក្រុម Rizer Band ក៏កំពុងតែមានប្រជាប្រិយភាពលេចធ្លោនៅតាម Pub កំសាន្តនីមួយៗផងដែរ ដែខណៈដែលអ្នកទាំងអស់គ្នាប្រហែលជាមិននឹកស្មានដល់ ព្រោះនៅក្នុងសមាជិកទាំង៥នាក់របស់ក្រុម Rizer Band នៅក្នុងនោះក៏មានលោក Zoombie ម្នាក់ផងដែរ ដែលជាម្ចាស់បទ «For Fun» នៅក្នុងរដូវកាលផ្ទុះសង្គ្រាមរ៉េបជាមួយលោកទេពពិសិដ្ឋ និងលោកNPN។ សមាជិករបស់ក្រុម Rizer Band ផ្សេងទៀតគឺរួមមាន លោកLeMing ដែលជា Main Singer, លោក Tom Saradeth ជា Quitarist, លោក Dat គឺជា Bassist និងលោក Boer គឺជា Drummer ខណៈលោក Zoombie គឺជា Rapper។
បើក្រលេកមើលទៅកាលពីប៉ុន្មានឆ្នាំមុន ក្រុម Rizer band បានធ្វើអោយទស្សនិកជនស្គាល់ពួកគេតាមរយៈបទ«ចងចាំ» ខណៈបន្ទាប់មកក៏មានការបន្ថែម រឺផ្លាស់ប្តូរសមាជិកមួយចំនួនគួរអោយកត់សម្គាល់។ យ៉ាងណាមិញក្រុម Rizer Band នាពេលបច្ចុប្បន្នបានបន្ថែមភាពលេចធ្លោជាមួយនឹងបទថ្មីៗមួយចំនួនដូចជា«Switching Life», «Out of the bar», «I wanna be your man» និង«ស្រមើស្រម៉ៃ» ជាដើម។ ខណៈលោក Zoombie វិញក៏មិនភ្លេចនឹងអោយយើងទទួលបាននូវរសជាតិថ្មីៗពីបទចម្រៀងផ្ទាល់ខ្លួនរបស់លោកដែលបង្ហោះឡើងនៅលើឆាណែលយូធូបផ្លូវការនោះដែរ ដែលកាលពីពេលថ្មីៗនេះ លោកបានចេញនូវអាល់ប៊ុមថ្មីមួយមានឈ្មោះថា 8V OF ME គឺរួមមាននូវបទ«កំហឹង» «4 N 4» «What is love» «កូនច្បង» «Late Night» «Break Up» «Who Wrong?» និង «Look at the moon»។ តើមួយណាជា Favorite Song របស់ទស្សនិកជនទាំងអស់គ្នា?
