បន្ទាប់ពីលោក Changster បានបកស្រាយពាក់ព័ន្ធនឹងការ Disstrack ហើយនៅក្នុងសង្គ្រាមរ៉េបរបស់លោក Tep Piseth, លោក Zoombie និងលោកNPN កាលពីអំឡុងខែមករាកន្លងទៅនេះ គួររំលឹកបានថា លោកបានបកស្រាយថា ទង្វើនៃការចេញផ្សាយបទរ៉េបកាចៗរបស់ពួកលោកជាបន្តបន្ទាប់នេះគឺត្រូវបានចាត់ទុកហៅថាជា ការ Taking Shots និយាយពីការពិតមួយចំនួនតែប៉ុណ្ណោះ មិនមែនហៅថាជាការ Disstrack រវាងគ្នានោះឡើយ។ ក៏ប៉ុន្តែសម្រាប់ក្នុងថ្ងៃនេះផងដែរ សង្កេតឃើញថាលោក Zoombie ក៏ទើបតែបានទំលាក់បទកាចៗរបស់លោកថ្មីមួយទៀតថែមនោះទេដែលមានចំណងជើងថា «168+252»។

បើតាមការសង្កេតឃើញ ចំនួនលេខនេះបើគណនាបូកចូលគ្នាគឺនឹងស្មើ 420 តែម្តង តើលោកZoombie ដាក់ចំណងជើងនេះ គឺលោកកំពុងចង់សំដៅដល់ម្ចាស់ពានកម្មវិធី The Rapper លោក Yuuhai ដែររឺទេ? បើផ្អែកតាមអត្ថន័យនៃបទចម្រៀងរ៉េបនេះវិញ គឺហាក់ដូចជាបង្ហាញអារម្មណ៍បញ្ជួសបន្សោកទៅកាន់ក្រុមក្មេងស្ទាវស្រាវៗដែលចូលចិត្តប្រមូលគ្នាអួតក្អេងក្អាង។ តើនេះអាចជាការTaking Shots និងនិយាយបញ្ឆិតបញ្ឆៀងទៅកាន់ក្រុមរបស់លោក Yuuhai ដែររឺទេ? ចុះទស្សនិកជនយល់ឃើញយ៉ាងណាដែរ? គួរបញ្ជាក់ផងដែរ កាលពីពេលថ្មីៗនេះ លោក Yuuhai ក៏ទើបតែបានបញ្ចេញបទចម្រៀងថ្មីដំបូងរបស់លោកផងដែរ ដែលមានចំណងជើងថា «All In» និងមានប្រយោគដែលគួរអោយចាប់អារម្មណ៍លោកបានច្រៀងឡើងថា«ខ្ញុំហោះហើរនៅលើវេហារ this shit is too cold 0អង្សារ អ្នកមិនអាចនឹងមកជិត ចង់មកមុសា ខ្ញុំលែងរអារៗ»។