កាលពីពេលថ្មីៗនេះ តារាចំរៀងរ៉េបកម្ពុជាឯករាជ្យមួយរូបគឺលោក Zoombie ដែលធ្វើអោយទស្សនិកជនបានស្គាល់លោកជាមួយនឹងបទ Disstrack«For Fun» ទៅកាន់លោកទេពពិសិដ្ឋ ស្រាប់តែស្ងាត់ៗបាត់មុខមួយរយៈពីលើបណ្តាញសង្គមយូធូប។ ដោយបណ្តាអ្នកគាំទ្របានចាប់ផ្តើមមានការងឿងឆ្ងល់ជាខ្លាំង ដោយបន្ទាប់ពីមិនអាចធ្វើការ Search រកឃើញឆាណែលយូធូបរបស់លោក Zoombie បាននៅលើយូធូប ដែលទំនងជាមានការសង្ស័យឡើងថាលោក Zoombie ប្រហែលជាធ្វើការលុបឆាណែលផ្ទាល់ខ្លួនរបស់លោកនោះបាត់ទៅហើយ។ ប៉ុន្តែហេតុអ្វីបានជាការ Active ជាខ្លាំងរបស់លោក Zoombie បែរជាធ្វើអោយលោកសំរេចចិត្តលុបឆាណែលរបស់លោកទៅវិញ? តើនេះអាចពាក់ព័ន្ធនឹងការ Disstrack គ្នាពីមុនរបស់លោករឺទេ?
យ៉ាងណាមិញ កាលពី២សប្តាហ៍មុននេះ លោក Zoombie បែរជា Surprise វិលមករកអ្នកគាំទ្រវិញដោយជាមួយនឹងការបង្កើតឆាណែលថ្មីរបស់លោកមួយទៀតនៅលើយូធូប។ មិនតែប៉ុណ្ណោះ លោកថែមទាំងបានទំលាក់បទថ្មីៗចំនួន៣ ព្រមជាមួយនឹងការសរសេរខេបសិននៅខាងក្រោមថា«យើងត្រលប់មកចាប់ផ្តើមឡើងវិញទាំងអស់គ្នាណាបងប្អូន»។ គួរបញ្ជាក់ផងដែរថា បទថ្មីៗទាំង៣របស់លោកនោះរួមមាន បទ«គ្មានកំហុស» «Out The Bar» និង«Out Of Me»។ តើទស្សនិកជនពេញចិត្តបទចម្រៀងមួយណាខ្លាំងជាងគេ?
