Eurasia-

រដ្ឋមន្ត្រីក្រសួងការបរទេស Antony Blinken និងរដ្ឋមន្ត្រីក្រសួងការពារជាតិ Lloyd Austin នឹងមកធ្វើទស្សនកិច្ចនៅទីក្រុង Kyiv នៅថ្ងៃអាទិត្យ លោកប្រធានាធិបតីអ៊ុយក្រែន Volodymyr Zelenskyបាននិយាយ។ "ថ្ងៃស្អែក មន្ត្រីសហរដ្ឋអាមេរិកនិងមកប្រទេសយើងខ្ញុំនឹងជួបជាមួយរដ្ឋមន្ត្រីក្រសួងការពារប្រទេស Lloyd Austin និង Antony Blinken" Zelensky បានប្រាប់អ្នកកាសែតកាលពីថ្ងៃសៅរ៍ ដែលជាទស្សនកិច្ចលើកទី១ ជាផ្លូវការណ៍របស់មន្ត្រីរដ្ឋាភិបាលអាមេរិកចាប់តាំងពីរុស្សីឈ្លានពានអ៊ុយក្រែនកាលពីថ្ងៃទី២៤ខែកុម្ភៈ។

អ្នកនាំពាក្យក្រសួងការបរទេសអាមេរិកបាននិយាយកាលពីថ្ងៃសៅរ៍ប្រាប់ VOA តាម e-mail កាលពីថ្ងៃសៅរ៍ “យើងសុំមិនធ្វើអត្ថាធិប្បាយ” មន្ទីរបញ្ចកោណក៏មិនអាចបញ្ជាក់ពីព័ត៌មានផងដែរចំពោះ VOA  សេតវិមានក៏ប្រកែកមិនព្រមធ្វើអត្ថាធិប្បាយ។ មន្រ្តី​អង់គ្លេសនិយាយកាលពីថ្ងៃសៅរ៍ថាកងទ័ពរុស្សីមិនបានកាន់កាប់ទីតាំងដ៏សំខាន់ៗនោះទេ ទោះបីជាបានប្រកាសថាបានរៀបចំការវាយលុកជាថ្មីនៅតាមសមរភូមិភាគខាងកើត ខណៈដែលអ៊ុយក្រែនបានប្រកាសនូវបំរាមគោចរទូទាំងប្រទេសមុនពេលបុណ្យ Easter នៅថ្ងៃអាទិត្យ។

អ៊ុយក្រែនបាននិយាយថាកងកម្លាំងរុស្សីបានរាំងខ្ទប់ការប៉ុនប៉ងដើម្បីជំលៀសជនភៀសខ្លួនចេញពីទីក្រុងកំពង់ផែ Mariupol ។ zelensKy ក៏បានបន្ថែមទៀតថា រុស្សីបានបន្តវាយលុក Mariupol បន្តទៀតដោយសារកងទ័ពអ៊ុយក្រែនដែលនៅសេសសល់នៅតែដាច់ខាតមិនព្រមដាក់អាវុធចុះចូល ហើយលោកបានបន្ថែមទៀតថា បើសិនជារុស្សីសម្លាប់ទាហាននៅទីនោះនឹងគ្មានការចរចារជាមួយរុស្សីនោះទេ។ សហរដ្ឋអាមេរិកបានបញ្ជូនជំនួយជាអាវុធបន្ថែមទៀតកាលពីដើមខែនេះដែលរួមបញ្ចូលមានទាំងឧទ្ធម្ភាគចក្រ Mi-17 កាំភ្លើងធំ Howitzer ដ្រូន  Switchblade និងសម្ភារៈការពារដ៏ទៃផ្សេងទៀត។

អ្នកនាំពាក្យនៃសេតវិមាន Jen Psaki បាននិយាយដោយទទូចកាលពីថ្ងៃច័ន្ទនៅក្នុងសន្និសីទកាសែតថានឹងមិនមានផែនការសម្រាប់លោក Biden ដើម្បីធ្វើដំណើរទៅកាន់ទីក្រុង Kyiv នោះទេ។​ ”វានឹងមិនមានការផ្លាស់ប្តូរនោះទេ អ្វីដែលជាការផ្តោតអារម្មណ៌របស់យើងនៅតែបន្តក្នុងការផ្តល់ជំនួយទៅកាន់អ៊ុយក្រែន រដ្ឋាភិបាលអ៊ុយក្រែន មេដឹកនាំអ៊ុយក្រែន ដែលជាជំនួយប្រវត្តិសាស្ត្រផ្នែកសន្តិសុខ” Psaki បានប្រាប់​ CNN។ Psaki បាននិយាយថាបើសិនជាមន្ត្រីរដ្ឋាភីបាលទៅធ្វើទស្សនកិច្ចនៅអ៊ុយក្រែន សេតវិមាននឹងមិនបញ្ចេញឲ្យដឹងជាសាធារណនោះទេដោយសារហេតុផលសន្តិសុខ។