1. Zelensky បដិសេធបាត់បង់ការគ្រប់គ្រងទីក្រុង Bakhmut ខណៈ Biden សន្យាបន្តការគាំទ្រអ៊ុយក្រែន

យោងតាមសារព័ត៌មាន The New York Times ចុះផ្សាយថ្ងៃទី២២ ខែឧសភាបានអោយដឹងថា នៅឯកិច្ចប្រជុំកំពូល G7 នៅប្រទេសជប៉ុន ប្រធានាធិបតីអ៊ុយក្រែន លោក Volodymyr Zelensky បាននិយាយថា កងកម្លាំងរបស់ Kyiv នៅតែប្រយុទ្ធដើម្បីទីក្រុង Bakhmut ។ ប៉ុន្តែទោះបីជាទីក្រុង Bakhmut ដួលរលំក៏ដោយ ផលប្រយោជន៍ដែលទទួលបាននៅឯជាយក្រុងនេះពិតជាផ្តល់ឱ្យអ៊ុយក្រែននូវឱកាសយុទ្ធសាស្ត្រពិសេសមួយ។ អ៊ុយក្រែន គ្រោងនឹងធ្វើឱ្យសំណើមានភាពលំបាកមួយ ដោយការបាញ់កាំភ្លើងធំមកលើកងកម្លាំងរុស្ស៊ី ដែលកាន់កាប់ទីក្រុង Bakhmut នេះបើយោងតាមមន្ត្រីអ៊ុយក្រែន។ ក្រុមអ្នកវិភាគយោធាបាននិយាយថា ប្រសិនបើទីក្រុងមូស្គូនៅតែបន្តបញ្ជូនកម្លាំងបន្ថែមដើម្បីការពារទីក្រុងនោះ នោះអាចធ្វើឱ្យសមត្ថភាពរបស់កងកម្លាំងរុស្ស៊ីចុះខ្សោយក្នុងការទប់ទល់នឹងការវាយលុកដ៏ធំទូលំទូលាយដែលអ៊ុយក្រែននិយាយថាហៀបនឹងចាប់ផ្តើម។ អនុរដ្ឋមន្ត្រីការពារជាតិអ៊ុយក្រែន លោក Hanna Maliar បាននិយាយកាលពីថ្ងៃអាទិត្យថា កងកម្លាំងអ៊ុយក្រែននាពេលថ្មីៗនេះបានដណ្តើមយកមកវិញនូវទីតាំងខ្ពស់នៅឯជាយក្រុង ហើយជឿថាសំរាប់អ្នកដែលអាចបន្តទៅមុន នឹងធ្វើអោយ"ពិតជាបង្កភាពស្មុគស្មាញដល់សត្រូវនៅ ក្នុងទីក្រុង Bakhmutនោះជាមិនខាន" ។ ប្រសិនបើកងកម្លាំងអ៊ុយក្រែនអាចបន្តការវាយលុករបស់ខ្លួន វានឹងធ្វើឱ្យរុស្ស៊ីត្រៀមដាក់កម្លាំងការពារនៅទូទាំងស្ទើរតែទាំងអស់នៃកំលាំងជួរមុខ ដែលលាតសន្ធឹងរាប់រយម៉ាយ និងធ្វើអោយសមត្ថភាពរបស់ពួកគេចុះទន់ខ្សោយបានដូចគ្នា។

2. ប៉ូឡូញចង់ឱ្យ Zelenesky សុំទោសចំពោះការសម្លាប់រង្គាលរបស់ណាស៊ីអ៊ុយក្រែននៅសង្គ្រាមលោកលើកទី 2

យោងតាមសារព័ត៌មាន RT ចុះផ្សាយថ្ងៃទី២០ ខែឧសភាបានអោយដឹងថា អ្នកនាំពាក្យក្រសួងការបរទេសប៉ូឡូញបាននិយាយថា ទីក្រុងកៀវគួរតែទទួលខុសត្រូវបន្ថែមទៀតចំពោះអំពើឃោរឃៅកន្លងមករបស់ប្រទេសនេះ។​ អ្នកនាំពាក្យក្រសួងការបរទេសប៉ូឡូញ លោក Lukasz Jasina បាននិយាយថា ប្រធានាធិបតីអ៊ុយក្រែនលោក Vladimir Zelensky គួរតែទទួលខុសត្រូវបន្ថែមទៀតសម្រាប់ប្រទេសជាតិរបស់លោក នៅពេលនិយាយអំពីការសម្លាប់រង្គាលនៅក្នុងតំបន់ Volyn ដែលជាការសម្លាប់រង្គាលប្រព្រឹត្តឡើងដោយអ្នកជាតិនិយមអ៊ុយក្រែនប្រឆាំងនឹងជនជាតិប៉ូលក្នុងអំឡុងសង្គ្រាមលោកលើកទី២។ នៅក្នុងបទសម្ភាសន៍ជាមួយប្រព័ន្ធផ្សព្វផ្សាយព័ត៌មានអនឡាញ Onet របស់ប្រទេសប៉ូឡូញ កាលពីថ្ងៃសុក្រ មន្ត្រីត្រូវបានសួរថាតើលោក Zelensky គួរសុំទោសចំពោះការសម្លាប់រង្គាលនេះដែរឬទេ។ លោក Jasina បាននិយាយថា "ភាគីអ៊ុយក្រែនមិនបានធ្វើរឿងនេះទេប៉ុន្តែប្រធានាធិបតី លោក Zelensky គួរតែទទួលខុសត្រូវបន្ថែមទៀតសម្រាប់អ៊ុយក្រែន" ។ លោក​បាន​បន្ថែម​ថា បញ្ហា​នេះ​មាន​សារៈសំខាន់​សម្រាប់ទី​ក្រុង Warsaw ដែល​វាត្រូវ​តែ​ដោះស្រាយ​ក្នុង​កម្រិត​ខ្ពស់​បំផុត​។ អតីតកាលដ៏ខ្មៅងងឹតនៃការសម្លាប់រង្គាលនៃខេត្ត Volyn នៅតែលងបន្លាចទំនាក់ទំនងទ្វេភាគីរវាងប្រទេសជិតខាងទាំងពីរ និង "រារាំងគំនិតផ្តួចផ្តើមរួមគ្នាជាច្រើន" នេះយោងទៅតាមការរៀបរាប់ឡើងរបស់អ្នកនាំពាក្យ។

3. ចិនបង្ហាញភាពខ្លាំងខាងការទូតរបស់ខ្លួនជាមួយបណ្តាប្រទេសក្រោមអតីតសូវៀត

យោងតាមសារព័ត៌មាន RadioFreeEurope ចុះផ្សាយថ្ងៃទី១៩ ខែឧសភាបានអោយដឹងថា ប្រធានាធិបតីចិន Xi Jinpin និងមេដឹកនាំនៃរដ្ឋអាស៊ីកណ្តាលទាំងប្រាំគឺ កាហ្សាក់ស្ថាន កៀហ្ស៊ីស៊ីស្ថាន តាជីគីស្ថាន តូមិននីស្ថាន និងអ៊ូសបេគីស្ថាន បានចុះហត្ថលេខាលើសេចក្តីប្រកាសមួយបង្ហាញពីការគាំទ្ររបស់ពួកគេចំពោះគ្នាទៅវិញទៅមក ខណៈដែលទីក្រុងប៉េកាំងសម្លឹងមើលការពង្រឹងទំនាក់ទំនងជាមួយប្រទេសជិតខាងរបស់ខ្លួនពីអតីតសហភាពសូវៀត។ លោក Xi បានប្រាប់អ្នកយកព័ត៌មានកាលពីថ្ងៃទី 19 ឧសភា នៅទីក្រុងបុរាណ Xi'an របស់ប្រទេសចិនថា"ប្រទេសចិន និងបណ្តាប្រទេសអាស៊ីកណ្តាលនឹងគាំទ្រគ្នាទៅវិញទៅមកលើបញ្ហាទាក់ទងនឹងផលប្រយោជន៍ស្នូលរៀងៗខ្លួន ដូចជាអធិបតេយ្យភាព ឯករាជ្យភាព សន្តិសុខ និងបូរណភាពទឹកដី" នេះយោងទៅតាមសេចក្តីប្រកាសដែលកើតចេញពីកិច្ចប្រជុំកំពូលចិន-អាស៊ីកណ្តាលរយៈពេលពីរថ្ងៃ។ លោក Xi បានសង្កត់ធ្ងន់ថា "កិច្ចប្រជុំកំពូលនេះបានបន្ថែមកម្លាំងជំរុញថ្មីដល់ការអភិវឌ្ឍន៍ និងការរស់ឡើងវិញនៃប្រទេសទាំងប្រាំមួយ និងបានបញ្ចូលថាមពលវិជ្ជមានដ៏រឹងមាំទៅក្នុងសន្តិភាព និងស្ថិរភាពក្នុងតំបន់" ដោយបន្ថែមថាមេដឹកនាំបានយល់ព្រមលើកកម្ពស់កិច្ចសហប្រតិបត្តិការស៊ីជម្រៅនៅទូទាំងក្រុមប្រឹក្សាជាមួយនឹងអាទិភាពដែលបានផ្តល់ឱ្យនូវការដឹកជញ្ជូន សេដ្ឋកិច្ច និងពាណិជ្ជកម្ម ការវិនិយោគ និងឧស្សាហកម្ម កសិកម្ម ថាមពល គយ និងការផ្លាស់ប្តូរពីប្រជាជនទៅប្រជាជន។