អ៊ុយក្រែនបាននាំអ្នកកាសែតលោកខាងលិចធ្វើដំណើរទៅកាន់ទីតាំងមិនបញ្ចេញឈ្មោះមួយក្នុងតំបន់ Chernihiv ក្បែរព្រំដែនភាគខាងជើងអ៊ុយក្រែនជាមួយរុស្ស៊ី។ លោកប្រធានាធិបតីអ៊ុយក្រែន Volodymyr Zelensky បានព្រមានថា លោកប្រធានាធិបតីរុស្ស៊ី វ្ល៉ាឌីមៀ ពូទីននឹងមិនឈប់ត្រឹមអ៊ុយក្រែននោះទេ ហើយនឹងបន្តវាយប្រហារប្រទេសជិតខាងផ្សេងទៀត លុះត្រាតែសម្ព័ន្ធមិត្តទាំងអស់រួមកម្លាំងដើម្បីបញ្ឈប់លោក។ លោកប្រធានាធិបតីអ៊ុយក្រែន Volodymyr Zelensky បានព្រមានថា លោកប្រធានាធិបតីរុស្ស៊ី វ្ល៉ាឌីមៀ ពូទីននឹងមិនឈប់ត្រឹមអ៊ុយក្រែននោះទេ ហើយនឹងបន្តវាយប្រហារប្រទេសជិតខាងផ្សេងទៀត លុះត្រាតែសម្ព័ន្ធមិត្តទាំងអស់រួមកម្លាំងដើម្បីបញ្ឈប់លោក។
-
អ៊ុយក្រែននឹងមានខ្សែការពារយ៉ាងក្រាស់
យោងតាមសារព័ត៌មាន Reuters ចុះផ្សាយថ្ងៃទី១១ ខែមករាបានអោយដឹងថា អ៊ុយក្រែនបាននាំអ្នកកាសែតលោកខាងលិចធ្វើដំណើរទៅកាន់ទីតាំងមិនបញ្ចេញឈ្មោះមួយក្នុងតំបន់ Chernihiv ក្បែរព្រំដែនភាគខាងជើងអ៊ុយក្រែនជាមួយរុស្ស៊ី។
រូបភាពពីតំបន់នោះ បានបង្ហាញរថយន្តវិស្វកម្មយោធាដ៏ធំ ដែលកំពុងធ្វើដំណើរឆ្លងកាត់ដីព្រិល ដើម្បីជីកលេណដ្ឋានដ៏ធំមួយ។
អ៊ុយក្រែនបានដាក់រួចរាល់ហើយនូវរបាំងបេតុងការពារដែលហៅថាជា'ធ្មេញនាគ' និងខ្សែលួសការពារដើម្បីក្នុងគោលបំណងរារាំងការឈានទៅមុខរបស់រុស្ស៊ី។
នៅភាគខាងជើងនៃប្រទេសអ៊ុយក្រែន យោធាកំពុងសាងសង់ខ្សែការពាររឹងមាំនៅតាមព្រំដែនជាមួយប្រទេសបេឡារុស្ស និងរុស្ស៊ី។
ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីខែវិច្ឆិកាថា ការសាងសង់ប្រព័ន្ធការពាររបស់អ៊ុយក្រែន ចាំបាច់ត្រូវមានការជំរុញ និងពន្លឿន។
-
Zelensky ថាពូទីននឹងមិនបញ្ឈប់ លុះត្រាយើងរួមដៃគ្នាបញ្ចប់លោក
យោងតាមសារព័ត៌មាន BARRON’s ចុះផ្សាយថ្ងៃទី១០ ខែមករាបានអោយដឹងថា លោកប្រធានាធិបតីអ៊ុយក្រែន Volodymyr Zelensky បានព្រមានថា លោកប្រធានាធិបតីរុស្ស៊ី វ្ល៉ាឌីមៀ ពូទីននឹងមិនឈប់ត្រឹមអ៊ុយក្រែននោះទេ ហើយនឹងបន្តវាយប្រហារប្រទេសជិតខាងផ្សេងទៀត លុះត្រាតែសម្ព័ន្ធមិត្តទាំងអស់រួមកម្លាំងដើម្បីបញ្ឈប់លោក។
លោកប្រធានាធិបតីអ៊ុយក្រែន Volodymyr Zelensky បានមកដល់ប្រទេសលីទុយអានីកាលពីថ្ងៃពុធក្នុងដំណើរទស្សនៈកិច្ចមិនបានប្រកាសឡើងមួយ ដើម្បីពង្រឹងសម្ព័ន្ធភាពនៃសម្ព័ន្ធមិត្តបាល់ទិកទាំងអស់ ខណៈដែលលោកកំពុងស្វែងរកការគាំទ្របន្ថែមទៀត បន្ទាប់ពីមានការរង្គោះរង្គើការគាំទ្រនៃបណ្តាប្រទេសលោកខាងលិចផ្សេងទៀត។
លោក Zelensky បាននិយាយក្នុងសន្និសីទសារព័ត៌មាននៅទីក្រុង Vilnius បន្ថែមថា "ប្រទេសលីទុយអានី ឡាតវី អេស្តូនី ម៉ុលដាវី អាចជាអ្នកបន្ទាប់" ប្រសិនបើអ៊ុយក្រែនមិនអាចទប់ទល់នឹងរុស្ស៊ីរួច។
-
ម៉ាល់ឌីវបង្កើនទំនាក់ទំនងជាមួយចិនខណៈមានជំលោះនឹងឥណ្ឌា
យោងតាមសារព័ត៌មាន Reuters ចុះផ្សាយថ្ងៃទី១១ ខែមករាបានអោយដឹងថា ប្រទេសចិន និងម៉ាល់ឌីវបានបង្កើនឡើងនូវទំនាក់ទំនងរបស់ពួកគេកាលពីថ្ងៃពុធក្នុងអំឡុងពេលដំណើរទស្សនកិច្ចរដ្ឋលើកដំបូងរបស់លោកប្រធានាធិបតីជាប់ឆ្នោតថ្មី Mohamed Muizzu ទៅកាន់ទីក្រុងប៉េកាំង បន្ទាប់ពីយុទ្ធនាការរបស់លោក ដែលលោកបានលើកឡើងថា ឥណ្ឌាដែលជាគូប្រជែងក្នុងតំបន់របស់ចិនគឺជាការគំរាមកំហែងដល់អធិបតេយ្យភាពរបស់ម៉ាល់ឌីវ។
ម៉ាឌីល និងចិនបានចុះហត្ថលេខាលើកិច្ចព្រមព្រៀងចំនួន២០ ក្នុងនោះមានកិច្ចព្រមព្រៀងមួយដែលបង្កើនកិច្ចសហប្រតិបត្តិការក្នុងគំរោងគំនិតផ្តួចផ្តើមខ្សែក្រវ៉ាត់ និងផ្លូវ។
តាមរយៈការរឹតបន្តឹងចំណងទំនាក់ទំនងជាមួយប្រទេសម៉ាល់ឌីវ ប្រទេសចិនកំពុងរៀបចំដំណាក់កាលសម្រាប់ការវិនិយោគបន្ថែមទៀតនៅក្នុងតំបន់នេះ ខណៈដែលឥណ្ឌាបានមើលឃើញថា ប្រទេសជិតខាងមួយទៀតដែលជាស្រីលង្កាក៏កំពុងខិតជិតទៅរកប្រទេសចិនផងដែរ។
