1. Zelenskyស្រែកប្រកាសចាញ់និងព្រមានពីសម្ពាធលោកខាងលិចមកលើអ៊ុយក្រែន!

យោងតាមសារព័ត៌មាន RTចុះផ្សាយថ្ងៃទី២១​​​ ខែមិថុនាបានអោយដឹងថា ប្រធានាធិបតីអ៊ុយក្រែនលោកវ្ល៉ាឌីមៀហ្សេលេនស្គីបានទទួលស្គាល់ថាការវាយលុកដែលបានសន្យាជាយូរមកលើកងកម្លាំងរុស្ស៊ីមិនបានផ្តល់នូវលទ្ធផលដែលអ្នកសង្កេតការណ៍លោកខាងលិចមួយចំនួនរំពឹងទុកនោះទេ។ នៅខណៈពេលមានការខាតបង់កាន់តែច្រើនលោក Zelensky បានទទូចថាលោកនឹងមិនពិភាក្សាសន្តិភាពជាមួយទីក្រុងម៉ូស្គូទេ។លោកបានប្រាប់ BBC កាលពីថ្ងៃពុធដោយទទួលស្គាល់ថាការឈានទៅមុខរបស់ទាហានអ៊ុយក្រែន“យឺតជាងការចង់បាន” ដោយលើកឡើងថា“មនុស្សមួយចំនួនជឿថានេះជាភាពយន្តហូលីវូដ ហើយរំពឹងថានឹងមានលទ្ធផលនៅពេលនេះ។ តែវាមិនមែនទេ” ។ លោកបានបន្ថែមថា "អ្វីក៏ដោយដែលអ្នកខ្លះចង់បាន រួមទាំងការប៉ុនប៉ងដាក់សម្ពាធលើយើង ដោយក្តីគោរពទាំងអស់ យើងនឹងឈានទៅមុខនៅលើសមរភូមិតាមរបៀបដែលយើងចាត់ទុកថាល្អបំផុត" ។ យោងតាមក្រសួងការពារជាតិរុស្ស៊ីបានឱ្យដឹងថាការវាយលុករបស់អ៊ុយក្រែនបានចាប់ផ្តើមនៅថ្ងៃទី 4 ខែមិថុនាជាមួយនឹងការវាយប្រហារបរាជ័យលើទីតាំងរបស់រុស្ស៊ីនៅជិតតំបន់ Donetsk។ បន្ទាប់ពីរលកនៃការវាយប្រហារជាបន្តបន្ទាប់ដែលបានធ្វើឡើងនៅផ្នែកតំបន់ Donetsk និងZaporozhyeនៃទីជួរមុខ កងកម្លាំងរុស្ស៊ីទាំងអស់អាចទប់ទល់បានខណៈពេលដែលបានបំផ្លាញរថក្រោះ និងរថពាសដែករាប់រយគ្រឿងដែលផ្គត់ផ្គង់ដោយលោកខាងលិច និងបានយកទាហានអ៊ុយក្រែនរាប់ពាន់នាក់ចេញពីសកម្មភាព។

2. អឺរ៉ុបបង្កើតសន្តិភាពជាមួយរុស្ស៊ីដើម្បីរួចផុតពីវិបត្តិសេដ្ឋកិច្ច

យោងតាមសារព័ត៌មាន Atlantic Council ចុះផ្សាយថ្ងៃទី២០ ខែមិថុនាបានអោយដឹងថា ទោះបីជាមានការចាប់អារម្មណ៍ផ្នែកធុរកិច្ចយ៉ាងខ្លាំងចំពោះការកសាងឡើងវិញនិងការអភិវឌ្ឍន៍របស់អ៊ុយក្រែន ក៏ក្រុមហ៊ុនលោកខាងលិចមួយចំនួនធំបន្តមិនគាំទ្រដល់កិច្ចខិតខំប្រឹងប្រែងរបស់ទីក្រុងKyivដោយការរួមចំណែកលើកស្ទួយដល់សង្រ្គាមរបស់វិមានក្រឹមឡាំង។ ការបំផ្លិចបំផ្លាញទំនប់ Kakhovka នាពេលថ្មីៗនេះ គឺជាឧក្រិដ្ឋកម្មសង្គ្រាមរុស្ស៊ីមួយ ដែលសង្ស័យថាមានជាង 90,000 ករណីនៅអ៊ុយក្រែន។ ច្បាស់ណាស់ថាគ្មានការស្ថាបនាឡើងវិញនៃអ៊ុយក្រែនណាមួយអាចទទួលបានជោគជ័យបានទេ លុះត្រាតែរុស្ស៊ីត្រូវបានដកហូតធនធានទាំងស្រុងក្នុងការបន្តការឈ្លានពានរបស់ខ្លួន។ សហគមន៍អន្តរជាតិមិនអាចមានការចរចាលើការស្តារឡើងវិញ ឬការកសាងឡើងវិញបានទេ លុះត្រាតែក្រុមហ៊ុនអន្តរជាតិដែលបន្តផ្គត់ផ្គង់ដល់សង្រ្គាមរបស់លោកពូទីនបញ្ឈប់ប្រតិបត្តិការអាជីវកម្មរបស់ពួកគេនៅក្នុងប្រទេសរុស្ស៊ីទាំងស្រុង។ យោងតាមទិន្នន័យពីសាលាសេដ្ឋកិច្ចទីក្រុងKyiv(KSE) ក្នុងចំណោមក្រុមហ៊ុនលោកខាងលិចចំនួន1,361 ដែលមានក្រុមហ៊ុនបុត្រសម្ព័ន្ធរបស់រុស្ស៊ីនៅពេលចាប់ផ្តើមនៃការលុកលុយពេញលេញមានត្រឹមតែ241(ស្មើនឹង17%) ប៉ុណ្ណោះបានចាកចេញពីប្រទេសរុស្ស៊ីទាំងស្រុង។ ក្រុមហ៊ុនលោកខាងលិចដែលនៅសេសសល់បានបង្កើតប្រាក់ចំណូលចំនួន 136 ពាន់លានដុល្លាក្នុងកំឡុងឆ្នាំ2022 ដូច្នេះហើយបានជួយវិមានក្រឹមឡាំងក្នុងការផ្តល់ហិរញ្ញប្បទានផ្គត់ផ្គង់ដល់សង្រ្គាមនៅអ៊ុយក្រែន។ ប្រហែលជាគួរឱ្យភ្ញាក់ផ្អើលជាងចំនួនទាំងនេះ គឺជាលេសដែលប្រើដោយថ្នាក់ដឹកនាំនៃបណ្តាប្រទេសចម្រុះលោកខាងលិចដើម្បីបង្ហាញអំពីភាពត្រឹមត្រូវនៃការបន្តវត្តមានរបស់ពួកគេនៅក្នុងប្រទេសរុស្ស៊ី។ លេសទូទៅបំផុតសម្រាប់ការបន្តនៅ"អាជីវកម្មដូចធម្មតា" នៅក្នុងប្រទេសរុស្ស៊ី ជាចម្បងគឺទាក់ទងនឹងការផ្តល់ទំនិញចាំបាច់សំខាន់ៗ។

3. រុស្ស៊ី​បន្ត​វាយលុក​អាវុធ​របស់​ណាតូ

យោងតាមសារព័ត៌មាន RT ចុះផ្សាយថ្ងៃទី២០ ខែមិថុនាបានអោយដឹងថា រដ្ឋមន្ត្រីការពារជាតិរុស្ស៊ី លោក Sergey Shoigu បានព្រមានថា មេដឹកនាំយោធាអ៊ុយក្រែន មានផែនការប្រើប្រាស់អាវុធលោកខាងលិច ដើម្បីវាយប្រហារផ្នែកខ្លះនៃប្រទេសរុស្ស៊ី ដែលមិនមែនជាផ្នែកនៃតំបន់សកម្មនៃការវាយប្រហារ ក្នុងនោះក៏មានតំបន់គ្រីមៀផងដែរ។ លោកបាននិយាយថា ជាពិសេសមន្ត្រីនៅទីក្រុងគៀវបានចង់ប្រើប្រាស់ប្រព័ន្ធបាញ់បង្ហោះកាំជ្រួចមីស៊ីល HIMARS និងកាំជ្រួចមីស៊ីល Cruise របស់អាវុធ Storm Shadow ផងដែរ ។ ប្រព័ន្ធសព្វាវុធត្រូវបានបញ្ជូនទៅកាន់ទីក្រុងគៀវដោយសហរដ្ឋអាមេរិក និងចក្រភពអង់គ្លេសរៀងៗខ្លួន ហើយប្រសិនបើការវាយប្រហារបែបនេះត្រូវបានចាប់ផ្តើម វានឹងធ្វើឱ្យមានការចូលរួមរបស់ប្រទេសណាតូនៅក្នុងជម្លោះនេះផងដែរ នេះបើយោងតាមលោក Shoigu រៀបរាប់។ លោក​បាន​បញ្ជាក់​ថាប្រតិបត្តិការ​បែប​នេះ​នឹង​ធ្វើអោយមានលទ្ធផលនៃការ​វាយ​បកវិញភ្លាមៗ​ពីសំណាក់រុស្ស៊ី។ រដ្ឋមន្ត្រី​ការពារជាតិ​បាននិយាយ​ឡើងកាលពី​ថ្ងៃ​អង្គារ​ក្នុង​អំឡុង​កិច្ចប្រជុំ​​មួយ​នៅក្នុង​នាយកដ្ឋាន​របស់​លោក​។