គួរអោយសរសើរដែលបេក្ខជន The Rapper ម្នាក់ៗអាចរើសនូវខនសិបដ៏ប្លែកៗទាក់ចិត្តទស្សនិកជននៅក្នុងការសម្តែងរបស់ពួកគេកាលពីវគ្គ Final Rhyme ចុងសប្តាហ៍មុននេះ។ ក្រៅពីការ Review លោក Yuuhai កាលពីម្សិលមិញហើយ ថ្ងៃនេះអេដមីនសូម Review លោក Zedes វិញម្នាក់ ដែលក៏ជាបេក្ខជនមួយទទួលបានការចាប់អារម្មណ៍ជាច្រើនពីទស្សនិកជនផងដែរ។ តើអ្វីទៅគឺជាចំនុចទាក់ទាញរបស់លោក Zedes នោះ? ទស្សនិកជនមានដឹងទេ? 

កាលពីសប្តាហ៍មុននេះណា លោក VannDa បានប្រកាសចំណុចខ្លាំងរបស់លោក Zedes ងនៅក្នុងចំណោមមុខទស្ស​​​និកជនជាច្រើន និងដៃគូប្រកួតផ្សេងទៀតរបស់លោក Zedes តែម្តង ដោយថាលោក Zedes គឺជាបេក្ខជនមួយរូបដែលមានសំលេងប្លែកគេ កំររកបាននៅក្នុងប្រទេសកម្ពុជា ហើយលោកសក្តិសមនឹងទទួលឈ្មោះថាជា«Golden Voice»។

គួររំលឹកផងដែរ កាលពីវគ្គ Final Rhyme លោក Zedes បាន Perform នូវបទមួយមានចំណងជើងថា«ចម្រោះជីវិត» ដែលបានរៀបរាប់ពីតថភាពជីវិតពិតៗនៃព្រេងវាសនាមនុស្សម្នាក់ៗដែលមិនស្មើគ្នាឡើយ ពោរពេញដោយភាពទាំងឈឺចាប់ ទាំងការប្រឹងប្រែងតស៊ូដើម្បីយកឈ្នះលើព្រេងវាសនាខ្លួនឯង។ មួយបទនេះពិតជាបានធ្វើអោយប៉ះត្រូវបេះដូងទស្សនិកជនជាច្រើន ដែលធ្វើអោយពួកគេ Feel Related ដោយលោក Zedes ហាក់ដូចជាហ៊ាននិយាយពិតៗ ចំៗពីភាពឈឺចាប់ និងការប្រជែងគ្នានៃព្រេងវាសនារបស់មនុស្សម្នាក់ៗ។ តើទស្សនិកជនយល់ឃើញយ៉ាងណាដែរចំពោះខនសិបមួយនេះរបស់លោក Zedes?