Zedes Top 3 របស់ The Rapper បានត្រលប់មកបង្ហាញមុខសាជាថ្មីតាមរយៈបទថ្មីដែលមានចំណងជើងថា «ក្រឡុកទីក្រុង»។ ស្របពេលដែលបទចម្រៀងនេះមិនទាន់បានចេញជាផ្លូវការនៅឡើយ ត្រឹមតែបកស្រោមសម្ពោធនៅលើ Tik Tok ជាមុន មហាជនផ្ទុះការចាប់អារម្មណ៍ជាខ្លាំង រហូតធ្វើអោយបទចម្រៀងនេះឡើងចំនួនទស្សនារហូតទៅដល់១លាន Viewនៅលើ Tik Tok ត្រឹមរយៈពេល៤ថ្ងៃ ខណៈកាលពីពេលថ្មីៗនេះផងដែរ លោក Zedes ក៏បានធ្វើការថ្លែងអំណរគុណទៅកាន់ហ្វេនៗរបស់លោកនៅលើ Story Facebook ផងដែរថា«អរគុណអ្នកទាំងអស់គ្នាសម្រាប់១លាន Views» និងបានធ្វើការ Screenshot Pinpost របស់លោកពីបណ្តាញសង្គម Tik Tok។
អ្វីដែលកាន់តែចៃដន្យជាខ្លាំង កាលពីយប់ម្សិលមិញនេះ បទ«ក្រឡុកទីក្រុង» របស់លោក Zedes បានផ្ទុះឡើងស្របពេលដែលបណ្តាញសង្គមហ្វេសប៊ុកត្រូវបានខូចផ្អើលអស់ពេញមួយយប់ ធ្វើអោយមហាជនមួយចំនួនបានបង្ហោះស្តេធឺសលេងសើចថា«Zedes ក្រឡុកទីក្រុង Mark Zuckerberg ក្រឡុកពិភពលោក»។ គួរបញ្ជាក់ផងដែរ ម្ចាស់បទចម្រៀង«ចម្រោះជីវិត»មួយនេះ មានឈ្មោះពិតថា ជា ប្រាថ្នា គឺជាបេក្ខជនមួយរូបក្នុងចំណោមអ្នកដែលទទួលបានការចាប់អារម្មណ៍ជាខ្លាំងកាលពីរដូវកាលទី១ ហើយលោកក៏បានកើនឡើងចំនួនអ្នកគាំទ្រជាលំដាប់ផងដែរ និងសង្កេតឃើញថាមានអ្នកគាំទ្រជាច្រើននាក់កំពុងទន្ទឹងរង់ចាំ និងបានពុះពោរបង្ហាញការគាំទ្រចំពោះការទម្លាក់បទចម្រៀងរបស់លោក។ ចុះទស្សនិកជនយល់ឃើញយ៉ាងណាដែរ? តើបទនេះស៊ីនឹងសំលេងលោកដែររឺទេ?
