យូធូប បានចាប់ផ្តើមពីអ្នកចូលលេងបន្តិចបន្តួច រហូតដល់មានអ្នកប្រើប្រាស់រាប់ពាន់លាននាក់ ដោយបង្ហោះវីដេអូលើប្រធានបទផ្សេងៗ និងអ្នកអាជីពជាច្រើនបានបោះជំហានដំបូងរបស់ពួកគេនៅលើវេទិកាយូធូបនេះ។

ឥឡូវនេះវាគឺ ជាប្រព័ន្ធផ្សព្វផ្សាយយក្សនៅក្នុងកម្មសិទ្ធិរបស់ខ្លួន ហើយប្រសិនបើមានវីដេអូរីករាលដាល នោះមានឱកាសច្រើនដែលអ្នកមើលវានៅលើយូធូប។ក្នុងរយៈពេលជិត ១៦ ឆ្នាំនៃការបង្កើតយូធូប វីដេអូប្លែកៗជាច្រើនបានកាន់កាប់ចំណងជើង “មានការមើលច្រើនបំផុត” ប៉ុន្តែតើបច្ចុប្បន្ននេះមានវីដេអូណាខ្លះដែលកាន់មកុដ? ខាងក្រោមនេះយើងបានរាយបញ្ជីវីដេអូយូធូបចំនួន ២០ ដែលមានការចូលមើលច្រើនបំផុតនៅលើយូធូបដូចជា៖

20. “Faded” ដោយ Alan Walker (មានចំនួនអ្នកមើល 3.13 ពាន់លាននាក់)

ដោយចាប់ផ្តើមពីលោក Alan Walker មានបទភ្លេង “រសាត់” ដែលទទួលបានការចាប់អារម្មណ៍ខ្លាំងក្នុងឆ្នាំ ២០១៥។

19. “Dark Horse” ដោយ Katy Perry (មានចំនួនអ្នកមើល 3.13 ពាន់លាននាក់)

បន្ទាប់គឺវីដេអូចម្រៀងសម្រាប់បទ “ Dark Horse ” របស់ Katy Perry ក្នុងឆ្នាំ ២០១៤។

18. “Wheels on the Bus” ដោយ Cocomelon - Nursery Rhymes (មានចំនួនអ្នកមើល 3.2 ពាន់លាននាក់)

វីដេអូដំបូងដែលសំដៅទៅលើកុមារ (ហើយមានច្រើនទៀត) ដែលវីដេអូនេះមានបទភ្លេងដ៏ល្បីសម្រាប់ការបង្រៀនកុមារ។

17. “Thinking Out Loud” ដោយ Ed Sheeran (មានចំនួនអ្នកមើល 3.3 ពាន់លាននាក់)

ឥឡូវនេះដល់វេនរបស់ Ed Sheeran ហើយជាមួយនឹងវីដេអូ “Thinking Out Loud” របស់គាត់ដែលទទួលបានចំនួនទស្សនាយ៉ាងច្រើនក្នុងរយៈពេលប៉ុន្មានឆ្នាំចុងក្រោយនេះ។

16. “Counting Stars” ដោយ OneRepublic (មានចំនួនអ្នកមើល 3.38 ពាន់លាននាក់)

ក្នុងករណីដែលអ្នកឆ្ងល់ថា ភាគច្រើនទាំងនេះគឺជាវីដេអូតន្ត្រី បន្ទាប់គឺវីដេអូពី OneRepublic ក្នុងឆ្នាំ ២០១៣។

15. “Roar” ដោយ Katy Perry (មានចំនួនអ្នកមើល 3.4 ពាន់លាននាក់)

រួមជាមួយ Taylor Swift តែ Katy Perry គឺជាតារាស្រីតែម្នាក់គត់ដែលបាននៅក្នុងបញ្ជីនេះ។

14. “Sorry” ដោយ Justin Bieber (មានចំនួនអ្នកមើល 3.45 ពាន់លាននាក់)

Justin Bieber ត្រូវបានគេរកឃើញតាមយូធូប ដូច្នេះវាមិនចម្លែកសម្រាប់គាត់ដែលមានឈ្មោះក្នុងបញ្ជីនេះ។ ខណៈពេលដែលបទ “Baby” របស់គាត់ក្នុងឆ្នាំ ២០១០ បានទទួលការគាំទ្រយ៉ាងខ្លាំងនៅលើ យូធូបនៅពេលដែលបទថ្មីរបស់គាត់ “Sorry” បានវ៉ាដាច់វា។

13. “Dame Tu Cosita” ដោយ El Chombo, featuring Cutty Ranks (មានចំនួនអ្នកមើល 3.49 ពាន់លាននាក់)

វីដេអូខ្លី និងចំលែកនេះជា ការសម្តែងអំពីប្រភេទមនុស្សក្រៅភពកំពុងរាំបទ “Dame Tu Cosita” ដោយ El Chombo ដែលអ្នកនឹងមិននឹកស្មានថា វាមានអ្នកទស្សនាជាង ៣ ពាន់លានដង។

12. “Sugar” ដោយ Maroon 5 (មានចំនួនអ្នកមើល 3.54 ពាន់លាននាក់)

បន្ទាប់មកយើងមាន Maroon 5 ដែលជាក្រុមតែមួយគត់ដែលធ្វើឱ្យវាស្ថិតក្នុងចំណាត់់ថ្នាក់ទាំង ២០។

11. “Phonics Song with Two Words” ដោយ ChuChu TV (មានចំនួនអ្នកមើល 4.1 ពាន់លាននាក់)

យើងបានឈានដល់វីដេអូដែលមិនមែនជាតន្ត្រីដំបូងរបស់យើងនៅក្នុងបញ្ជី។ ពេលនេះគឺជាការអប់រំដែលផ្តោតលើកុមារ (ហើយនេះមិនមែនជាលើកចុងក្រោយទេ) នៅក្នុងវីដេអូចម្រៀងនេះត្រូវបានប្រើដើម្បីជួយកុមារឱ្យយល់ពាក្យ និងអក្សរ។

10. “Gangnam Style” ដោយ Psy (មានចំនួនអ្នកមើល 4.14 ពាន់លាននាក់)

ប្រភេទវីឌី Youtube ដែលមានប្រជាប្រិយមួយក្នុងចំណោមវីដេអូចាស់ជាងគេ នៅក្នុងបញ្ជីនេះ គឺជា K-pop megastar Psy ជាមួយ “Gangnam Style” ។ ខណៈពេលដែលវាត្រូវបានគេចាត់ទុក ជាវីដេអូដែលមានការមើលច្រើនបំផុតនៅលើយូធូប ដោយចំណាយពេលតែ ១.៦៨៩ ថ្ងៃ និងមិនទាន់មាននរណាផ្សេងទៀតមកបំបែកកំណត់ត្រានេះបាននៅឡើយ។

9. “Uptown Funk” ដោយ Mark Ronson & Bruno Mars (មានចំនួនអ្នកមើល 4.27 ពាន់លាននាក់)

ចាប់ពីឆ្នាំ ២០១៧ មកវាគឺជាវីដេអូថ្មីបំផុតមួយនៅក្នុងបញ្ជីនេះ។ នៅទីនេះយើងមាន​ Mark Ronson ជាមួយនឹងបទល្បីទូទាំងពិភពលោករបស់គាត់គឺ “Uptown Funk” ។

8. “Masha and the Bear – Recipe for Disaster” ដោយ Get Movies (មានចំនួនអ្នកមើល 4.45 ពាន់លាននាក់)

វីដេអូរុស្ស៊ីនេះ ដកស្រង់ចេញពីស៊េរី ម៉ាសានិងខ្លាឃ្មុំ ដែលនិយាយអំពីខ្លាឃ្មុំជាឪពុកម្នាក់ដែលមើលថែម៉ាសា។

7. “Bath Song” ដោយ Cocomelon – Nursery Rhymes (មានចំនួនអ្នកមើល 4.48 ពាន់លាននាក់)

នេះគឺជាវីដេអូមួយទៀតដែលផ្តោតលើកុមារ។ វាគឺជាចម្រៀងកុមារអំពីការងូតទឹកដោយមានចលនាអមជាមួយ។ យើងសន្មតថាបច្ចេកទេសនេះធ្វើឱ្យវាក្លាយជាវីដេអូតន្ត្រី។

6. “Learning Colors – Colorful Eggs on a Farm” ដោយ Miroshka TV (មានចំនួនអ្នកមើល 4.49 ពាន់លាននាក់)

បន្ទាប់គឺជាវីដេអូអប់រំមួយទៀតសម្រាប់កុមារ។ នេះគឺជាគំនូរជីវចលដែលប្រើស៊ុតដែលមានលក្ខណៈជាមនុស្ស ដើម្បីបង្រៀនពួកគេអំពីពណ៌។

5. “See You Again” ដោយ Wiz Khalifa & Charlie Puth (មានចំនួនអ្នកមើល 5.2 ពាន់លាននាក់)

វីដេអូតន្ត្រីជាមួយនឹងបទ “See You Again” របស់ Wiz Khalifa’s ក្នុងឆ្នាំ ២០១៥។

4. “Shape of You” ដោយ Ed Sheeran (មានចំនួនអ្នកមើល 5.4 ពាន់លាននាក់)

Ed Sheeran បានមានឈ្មោះម្តងទៀត ដែលធ្វើឱ្យគាត់ក្លាយជាមនុស្សតែម្នាក់គត់ដែលមានវីដេអូពីរនៅក្នុង វីដេអូយូធូបទាំង ២០ ដែលមានអ្នកមើលច្រើនជាងគេ។

3. “Johny Johny Yes Papa” ដោយ LooLoo Kids (មានចំនួនអ្នកមើល 5.6 ពាន់លាននាក់)

គំនូរជីវចលមួយត្រូវបានរៀបចំឡើងតាមចង្វាក់ និងបណ្តុះកូន វីដេអូនេះក៏ត្រូវបានគេចែកចាយពេញបណ្តាញអ៊ីនធឺណេត បន្ទាប់ពីវាត្រូវបានគេកត់ត្រាទុកគ្មានទីបញ្ចប់នៅលើបណ្តាញសង្គម Twitter ដោយសារតែវាមានលក្ខណៈហួសសម័យនិងចម្លែក។

2. “Despacito” ដោយ Luis Fonsi & Daddy Yankee (មានចំនួនអ្នកមើល 7.51 ពាន់លាននាក់)

បទនេះធ្លាប់ឈរនៅលំដាប់លេខ ១ អស់រយៈពេល ១.១៨៦ ថ្ងៃហើយទំនងជាមានរាប់លាននាក់ចាប់តាំងពីវាត្រូវបានបង្កើតឡើង។

1. “Baby Shark Dance” ដោយ Pinkfong Kids’ Songs & Stories (មានចំនួនអ្នកមើល 9.24 ពាន់លាននាក់)

យើងឈានដល់ទីបញ្ចប់នៃដំណើររបស់យើងហើយ តើមានអ្វីទៀតដែលអាចជាវីដេអូតន្ត្ រីនិងវីដេអូសម្រាប់កុមារ?

អ្នកប្រហែលជាធ្លាប់បានលឺបទនេះហើយ ដែលគួរអោយចាប់អារម្មណ៏ ព្រោះវាបានសាយភាយពាសពេញពិភពលោកកាលពីប៉ុន្មានឆ្នាំមុន វាបានបន្តប្រមូលផ្តុំនូវការទស្សនា។ សូមប្រយ័ត្នការមើលវីដេអូនេះ នឹងធ្វើឱ្យបទចម្រៀងជាប់នៅក្នុងខួរក្បាលរបស់អ្នកយ៉ាងហោចណាស់ ៧២ ម៉ោង។

អត្ថបទដកស្រង់ Josh Boyd

បកប្រែ និងកែសម្រួលដោយ កញ្ញា នីម៉ូល