នៅក្នុងកម្មវិធី The Rapper Cambodia កាលពីសប្ដាហ៍មុននេះ កូនក្រុមរបស់ Coach Norith នៃ Team NONO គឺ YuuHai បានបង្ហាញសមត្ថភាព Perform មួយយ៉ាងល្អនៅក្នុងវគ្គ PlayOff ដោយបានធ្វើឲ្យ Coach ទាំង3រូបនៃ Team ផ្សេងទៀតសំរេចចិត្តធ្វើការ Vote ឲ្យរូបគេឈ្នះឡើងទៅកាន់វគ្គ Final Rhyme ដោយស្វ័យប្រវត្តិ។

គួររំលឹកផងដែរថា YuuHai គឺជាបេក្ខជនមួយរូបដែលមាន Style តួអង្គ Character ផ្ទាល់ខ្លួនដ៏គួរអោយចាប់អារម្មណ៍មួយ អមជាមួយនឹងសមត្ថភាពនិពន្ធតាក់តែងប៉ារ៉ូលចំរៀង ដែលពោរពេញទៅដោយឃ្លោងឃ្លាពាក្យជួន, Punchline មុត ជ្រៅ យ៉ាងឆ្ងាញ់ ថែមទាំងពូកែលេង Flow ទៀតផង។ 

កត់សម្គាល់ថារូបគេនៅក្រោយពី Perform បទ ''ចេតនា'' ក្នុងវគ្គ PlayOff នេះរួចរាល់ លោកក៏បានធ្វើឲ្យ Producer Vannda របស់យើង លាន់មាត់សរសេីរឡើងថាជា Superstar YuuHai តែម្តង និងថែមទាំងប្រគល់ពិន្ទុអោយ 10 លើ 10 ទៀតផង។ 

បើក្រឡេកទៅមើល Video របស់គេកាលពីវគ្គ Audition ដែលជាវគ្គដំបូងវិញ ក្នុងនោះមានអ្នកចូលទស្សនារហូតទៅដល់ 3.8M Views ឯណោះនៅលើគណនី Tik Tok ផ្លូវការរបស់ផលិតកម្ម Baramey បន្ទាប់មករូបគេបានឡើងមកប៉ះនឹង The Speed នៅក្នុងវគ្គ The Battle មុននឹងឈានឡើងមកដល់វគ្គ The PlayOff នេះ។  ចុះទស្សនិកជនវិញគិតថា YuuHai នឹងធ្វើបានល្អកម្រិតណានៅក្នុងវគ្គបន្ទាប់នៅក្នុងចំណោម Rapper Next Generation ដែលមានសមត្ថភាពដទៃទៀត?