កាលពីថ្ងៃទី១៣ ខែមីនាកន្លងទៅនេះ លោក YCN Tomie បានធ្វើការទំលាក់ Teaser វិដេអូបទចម្រៀងថ្មីមួយនៅលើ Tik Tok របស់លោកដោយមានរូបលោកសម្តែងរួមគ្នាជាមួយនឹងលោក Hasha នៃក្រុម La CimaCartel ជាមួយនឹងខេបសិនថា«ស្រាមួយកែវអោយយើងផ្តើមភ្លើងស្នេហ៍» ដែលគួរអោយចាប់អារម្មណ៍ផងដែរចង្វាក់ភ្លេងនៅក្នុងបទចម្រៀងមួយនេះគឺបានយកលំនាំតាមបទចម្រៀងមរតកជំនាន់ដើមមួយបទរបស់អ្នកនាងរស់សេរីសុទ្ធាដែលមានចំណងជើងថា«ស្រាមួយកែវ» និងMix បញ្ចូលថែមជាមួយនឹងការរ៉េបយ៉ាងឡូយតែម្តង។ លើសពីនេះទៅទៀតលោក YCN Tomie បានបញ្ចេញសញ្ញាជាច្រើនសានៅលើហ្វេសប៊ុកផងដែរទាក់ទងអំពីការចេញ Cartel Meeting Vol 3 នាពេលឆាប់ៗនេះដែលជាការចេញផ្សាយនូវអាល់ប៊ុមទី3 របស់ពួកគេ។ យ៉ាងណាមិញតាមពីក្រោយនេះផងដែរលោកវណ្ណដាដែលជាមិត្តរួមក្រុមហ៊ុនតន្រ្តីបារមីជាមួយគ្នានេះក៏បានចាប់ផ្តើមមានសកម្មភាពនៅលើ Tik Tok ផងដែរ ជាមួយនឹងការបង្ហោះវិដេអូលោកញញឹមទៅតាមបទចម្រៀង Background ជាមួយនឹងខេបសិនថា «Tell your bestfriend…» កាលពីថ្ងៃទី១៤ ខែមីនាកន្លងទៅនេះ បន្ទាប់ពីការទំលាក់ Teaser បទចម្រៀង First thing first របស់លោក ក៏ដូចគ្នាផងដែរវិដេអូតែមួយនេះក៏ត្រូវបង្ហោះឡើងនៅលើ Story Instagram របស់លោកដូចគ្នា។ បណ្តាអ្នកគាំទ្រមួយចំនួនកំពុងសង្ស័យឡើងថាលោកវណ្ណដា និងលោក YCN Tomie អាចនឹងមានគំរោងសហការការងារជាមួយគ្នាទៅលើបទចម្រៀងមួយនេះ ដោយសារតែបទភ្លេងដែលប្រើទៅលើបទចម្រៀងទាំងពីរនោះមានភាពប្រហាក់ប្រហែលគ្នាដែលអាចព្រលាំចូលគ្នាបាន។ ប៉ុន្តែគួររំលឹកផងដែរភាពប្រាកដជាក់ច្បាស់គឺលោក YCN Tomie នឹង feature ជាមួយនឹងលោក Hasha ហើយនៅក្នុងបទចម្រៀងមួយនេះ។ យ៉ាងណាមិញផងដែរខាងក្រុមហ៊ុនតន្រ្តីបារមី ក៏ដូចជាលោកវណ្ណដា និងលោក YCN Tomie នៅមិនទាន់បានធ្វើការឆ្លើយតបទៅកាន់ចម្ងល់មួយនេះនៅឡើយទេ។ តើទស្សនិកជនទាំងអស់គ្នាយល់ឃើញយ៉ាងណាដែរ Let me know in your comment below!
