កាលពីថ្ងៃទី១០ ខែមេសាកន្លងទៅនេះ លោក YCN TOMIE នៃក្រុម La Cima Cartel បានធ្វើការទំលាក់បទចម្រៀង Official Visualizer ចំនួន៣បទពីក្នុង អាល់ប៊ុមទី៣ Cartel Meeting Vol3. ដែលមានបទ«កំរ» «ស្រាមួយកែវ» និង«ណយអឿយ»នៅលើឆាណែលយូធូបផ្លូវការ La Cima Cartel។ គួររំលឹកផងដែរថាកាលពីថ្ងៃ១៣ ខែមីនាកន្លងទៅនេះ លោក YCN TOMIE និងដៃគូរបស់លោក HASHA បានធ្លាប់បញ្ចេញវិដេអូ Teaser បទចម្រៀងខ្លះៗពីក្នុងអាល់ប៊ុមទី៣របស់ពួកលោករួចមកហើយនៅលើបណ្តាញសង្គម Tik Tok និង Facebook ដែលធ្វើអោយមានការផុសផុល និងការចែករំលែកជាច្រើន។ ទាក់ទងនឹងការបញ្ចេញបទចម្រៀងម្តងទាំងបីបទនេះ លោក YCN TOMIE ក៏បានធ្វើការចែករំលែកបន្តបទនីមួយៗពីក្នុងយូធូប និងបានសរសេរ Capture យកចំនុច Highlight សំខាន់ៗពីក្នុងបទចំរៀងទាំងនោះ។ លោក YCN TOMIE បានធ្វើការចែករំលែកបទ«កំរ» ដំបូងគេបង្អស់ និងបាន Mention លោក Mut Phearin ដៃគូចំរៀងនៅក្នុងបទមួយនេះជាមួយនឹងលោក ដោយបានសរសេរខេបសិនឡើងថា«មនុស្សកំរ»។ ចំណែកបទទី២ លោកបានធ្វើការចែករំលែកបទ«ស្រាមួយកែវ» ដែលជាបទរួមគ្នានឹងលោក HASHAនិងបានភ្ជាប់ជាមួយខេបសិនឡើងថា«ស្រាមួយកែវអោយផ្តើមភ្លើងស្នេហ៍»។ ខណៈដែលបទចុងក្រោយ លោកបានធ្វើការចែករំលែកបទ«ណយអឿយ» ដែលជាបទរួមគ្នានឹងលោក HASHA ដូចគ្នា ដោយភ្ជាប់នឹងសារឡើងថា«នាងរាំឡួយពេលដែលនាងផឹកស្រា»។ តើទស្សនិកជនបានស្តាប់ទាំងបីបទនេះហើយរឺនៅ និងពេញចិត្តកម្រិតណា? តោះខមមែនខាងក្រោមនេះទាំងអស់គ្នា!
