កាលពីពេលថ្មីៗនេះ ផ្ទុះកក្រើកនូវការចែករំលែកបទចម្រៀងបែកធ្លាយថ្មីរបលោក YCN Rakhie នៅក្នុងការប្រគំតន្រ្តី EDM Raveground កាលពីថ្ងៃទី១០ ខែមិថុនាកន្លងទៅនេះ។ គួរបញ្ជាក់ផងដែរថា កាលពីរយៈពេល៤ថ្ងៃកន្លងទៅនេះ ក្រុមចម្រៀង La Cima Cartel បានចូលរួមសម្តែងនៅក្នុងការប្រគំតន្រ្តីដ៏ធំកក្រើកមួយហៅថា EDM Raveground 2023 ដែលធ្វើឡើងនៅអគារ OCIC ដោយមានបណ្តាទស្សនិកជន និងអ្នកគាំទ្រជាច្រើននាក់បានចូលរួមទស្សនា និងផ្តិតយកទិដ្ឋភាពនិងសកម្មភាពនៃការសម្តែងជាច្រើន។

នៅក្នុងការសម្តែងមួយរបស់លោក YCN Rakhie និងសមាជិកនៃក្រុម La Cima Cartel ពីររូបទៀតដែលមានMeezy24K និងលោកមុត ភារិន លោក YCN Rakhie បាន Surprise ទស្សនិកជនជាមួយនឹងការផ្តើមឡើងនិយាយថា«ខ្ញុំចង់អោយអ្នកទាំងអស់គ្នាលោតរាំសប្បាយរីករាយជាមួយខ្ញុំ ព្រោះខ្ញុំបានធ្វើបទនេះសំរាប់អ្នកទាំងអស់គ្នា!» បន្ទាប់មកពួកគេក៏បានពន្ញាក់អារម្មណ៍ដោយនាំយកនូវទស្សនីយភាពសម្តែងបទថ្មីជាមួយភ្លេងដ៏កន្រ្តាក់អារម្មណ៍ថ្មីមួយ។ 

គួរអោយចាប់អារម្មណ៍ផងដែរ បទចម្រៀង«កំរ» ដ៏ល្បីរបស់សមាជិកក្រុមនេះ ក៏ត្រូវបានលើកមកសម្តែងយ៉ាងកក្រើកជុំគ្នាថែមទៀតផងដែរ ដោយធ្វើអោយទស្សនិកជនអាចព្យាយាម Focus បានលើសមាជិកដែលពួកគេពេញចិត្តជាពិសេសបកស្រាយលើបទចម្រៀងដ៏ផ្អែមល្ហែមមួយនេះ។ ចុះទស្សនិកជនមានចំណាប់អារម្មណ៍យ៉ាងណាដែរទៅលើការសម្តែងរបស់ពួកគេទាំងអស់គ្នា?