ក្រោយពីក្រុម La Cima Cartel បានចេញផ្សាយបទចម្រៀងរួមគ្នារបស់ខ្លួន «ធ្មេញមាស» កាលពីពេលថ្មីៗនេះ សមាជិករបស់ក្រុម La Cima Cartel ពីររូបទៀតគឺលោក YCN Rakhie និងលោក All3rgy ក៏បានសំរេចចិត្តទំលាក់បទចម្រៀងថ្មីរបស់ពួកគេមួយបទទៀតតាមពីក្រោយដែលមានចំណងជើងថា«10» កាលពីល្ងាចថ្ងៃទី៣ ខែមេសាកន្លងទៅនេះ។ កត់សម្គាល់ឃើញដែរថា ក្រុម La Cima Cartel បានបញ្ជាក់អោយដឹងថាបទចម្រៀងនេះក៏ជាបទមួយក្នុងចំណោមបទផ្សេងៗទៀតរបស់ពួកគេពីក្នុងអាល់ប៊ុមទី៣ CartelMeetingVol3 ផងដែរ ដូចគ្នាទៅនឹងបទ«ធ្មេញមាស» ដែលបានចេញផ្សាយដំបូងគេបង្អស់។ ម្យ៉ាងវិញទៀតផងដែរ ក្រុមចម្រៀង Rapper ឡួយសង្ហាមួយក្រុមនេះក៏បានអោយដឹងទៀតថា សំរាប់កាលបរិច្ឆេទនៃការចេញផ្សាយវិញ ក៏ត្រូវបានជ្រើសរើសចេញនៅក្នុងថ្ងៃពិសេសជាថ្ងៃខួបកំណើតរបស់លោក YCN Rakhie ដូចគ្នា ដើម្បីជាកាដូបទចម្រៀងពិសេសជូនទៅកាន់បណ្តាអ្នកគាំទ្ររបស់លោក។ ខណៈនោះផងដែរ លោក All3rgy ដែលជាដៃគូរួមបទចម្រៀងជាមួយលោក ក៏បានសរសេរសារនៅក្នុងការបញ្ចេញមតិក្រោមវិដេអូចម្រៀងនោះឡើងថា«Let's say a happy birthday to my brother YCN RAKHIE» នៅលើឆាណែលយូធូបផ្លូវ

ការរបស់ក្រុម។ គួរអោយចាប់អារម្មណ៍ផងដែរថា គិតមកទល់ពេលនេះត្រឹមរយៈពេលជាងពីរសប្តាហ៍ប៉ុណ្ណោះ ក្រុម La Cima Cartel បានបញ្ចេញបទចម្រៀងថ្មីរបស់ខ្លួនពីរបទរួចមកហើ់យពីក្នុងអាល់ប៊ុមទី៣ CartelMeetingVol3 និងសង្ឃឹមថាបទថ្មីៗរបស់ពួកគេជាច្រើនទៀតនឹងបន្តចេញផ្សាយនៅក្នុងពេលឆាប់ៗនេះ។ គួរបញ្ជាក់ផងដែរថា លោកAll3rgy ក៏ធ្លាប់បានចេញផ្សាយបទចម្រៀងគំរោងធំមួយរបស់លោក«La Cima Nights» ដែលមានការសហការជាមួយ

សិល្បករល្បីៗជំរើសមុខដូចជាលោក VANNDA, SONGHA,RXTHY និងYCN RAKHIE កាលពី២ឆ្នាំមុន។ ចុះគិតមកទល់ពេលនេះ តើទស្សនិកជនពេញចិត្តបទថ្មីរបស់ពួកគេកម្រិតណា តោះខមមែនប្រាប់អេដមីនម្នាក់មួយផងណា!