តៃបុិ-លោកប្រធានាធិបតី ស៊ី ជីងពីង បានសរសេរសំបុត្រអបអរសាទរមួយទៅកាន់មេគណបក្សប្រឆាំងដែលទើបនឹងត្រូវជ្រើសរើសតែងតាំងជាប្រធានគណបក្សប្រឆាំងតៃវ៉ាន់ថ្មី ដែលបានអះអាងថាលោកនឹងធ្វើឲ្យមានទំនាក់ទំនង ជជែកគ្នាឡើងវិញជាមួយទីក្រុងប៉េកាំង ដែលនៅក្នុងលិខិតនោះលោកស៊ីងបានបញ្ជាក់ថា ស្ថានការណ៍នៅក្រុងតៃបុិមានភាពស្មុគ្រស្មាញនិងដូចជាមិនសូវល្អ។
 

អតីតអភិបាលក្រុង លោក Erich Chu ត្រូវបានបោះឆ្នោតជ្រើសរើសជាប្រធានគណបក្ស គួរមីតាង  (KMT )កាលពីថ្ងៃសៅរ៍ ។ចិនបានអះអាងថា តៃវ៉ាន់គឺជាទឹកដីរបស់ចិន ហើយបានប្រើប្រាស់នូវកំលាំងយោធាព្រមទាំងសម្ពាធនយោបាយដើម្បីបង្ខំឲ្យដែនកោះដែលគ្រប់គ្រងតាមលទ្ធិប្រជាធិបតេយ្យមួយនេះទទួលស្គាល់ថាខ្លួនជាបូរណភាពដែនដីចិន បើទោះបីជាភាគច្រើននៃជនជាតិតៃវ៉ាន់លើដែនកោះនេះបានបង្ហាញថាគេមិនមានចំណាប់អារម្មណ៍ជាមួយនឹងការគ្រប់គ្រងដោយរបបកុម្មុយនិស្តក៏ដោយ។

នៅក្នុងសំបុត្ររបស់លោកXi ដែលថតចម្លងមួយសន្លឹកដោយគណបក្ស គួរមីងតាង លោកXi បាននិយាយថា”គណបក្សយើងទាំង២ធ្លាប់មាន អន្តរប្រតិកម្មល្អ ដោយឈរនៅលើការប្រឆាំងរួមគ្នាចំពោះការប្រកាសឯករាជ្យរបស់តៃវ៉ាន់ ។បច្ចុប្បន្នសា្ថនការណ៍នៅតៃវ៉ាន់ មានសភាពស្មុគ្រស្មាញនិងមិនសូវល្អទាល់តែសោះ កុលបុត្រ កុលធីតាចិនត្រូវតែធ្វើការរួមគ្នាក្នុងបេះដូងតែ១ បោះជំហ៊ានទៅមុខ “ ។

លោកបានបញ្ជាក់ទៀតថា គណបក្សយើងទាំង២ អាចនឹងធ្វើកិច្ចសហប្រតិបត្តិការណ៍ ស្វែងរកសន្តិភាពនៅក្នុងច្រកតៃវ៉ាន់ ស្វែងរកការបង្រួបបង្រួមជាតិ និងស្វែងរកការស់រានមានជីវិតឡើងវិញ។
លោកChu ធ្លាប់បានចាញ់ការប្រកួតប្រជែងក្នុងការបោះឆ្នោតជ្រើសរើសប្រធានាធិបតីយ៉ាងជូរចត់និងដោយអាម៉ាស់ចំពោះអ្នកស្រីប្រធានាធិបតីបច្ចុប្បន្ន Tsai Ian wein កាលពីឆ្នាំ២០១៥។