Yahoo-
ចិនបានធ្វើការវាយប្រហារទៅលើ សមាគមកីឡាតេនីសពិភពលោក (WTA) បន្ទាប់ពីនាយកប្រតិបត្តិនៃអង្គការនេះ បានព្យួររាល់ព្រឹត្តិការណ៍នៃការប្រកួតកីឡាតេនីសទាំងអស់នៅក្នុងប្រទេសចិន ដោយសារតែស្ថានការណ៍នៅជុំវិញ Peng Shuai ។ កាលពីខែមុន Peng បានធ្វើការចោទប្រកាន់អំពីការចាប់រំលោភផ្លូវភេទមកលើរូបនាងដោយមន្ត្រីជាន់ខ្ពស់រដ្ឋាភិបាល ដែលក្រោយមកនាងក៍បានបាត់ខ្លួនជាសាធារណៈ។ កាលពីថ្ងៃពុធ WTA បានចេញសេចក្តីសំរេចមួយដូចគ្រាប់បែកបរិមាណូ ដែលនឹងព្យួររាល់ការប្រកួតតេនីសទាំងអស់នៅក្នុងប្រទេសចិន ដោយបានអំពាវនាវឲ្យមានការធានាពីសុខមាលភាព និងធ្វើការស៊ើបអង្កេតមុនពេលដែលសភាពការណ៍វិលត្រឡប់ទៅរកភាពធម្មតាវិញ។
“ខណៈដែលយើងដឹងថា Peng នៅទីកន្លែងណា ខ្ញុំមានការសង័្សយថានាងមានសេរីភាពទេ? មានសុវត្តិភាពទេ? នាងនឹងមិននៅក្រោមការគាបសង្កត់ គំរាមកំហែង” នាយកប្រតិបត្តិ Steve Simon បាននិយាយ “នាងបានត្រូវគេគំរាមឲ្យដកចេញនូវការចោទប្រកាន់វិញ។ អ្នកនាំពាក្យក្រសួងការបរទេស Wang Wenbin មិនបាននិយាយដោយចំទៅលើ WTA ទេ” កាលពីថ្ងៃព្រហស្បត៍ ប៉ុន្តែជាការចង្អុលបង្ហាញបាននិយាយថា “ចិនប្រឆាំងទៅនឹងការយកកីឡាទៅធ្វើជារឿងនយោបាយ”។ នៅក្នុងបទវិចារណកថាកាសែត GlobalTimes ដែលចេញផ្សាយដោយបក្សកុម្មុយនិស្តចិន បាននិយាយថា WTA បានក្បត់ទៅនឹងស្មារតីកីឡាអូឡាំពិក ព្រមទាំងបាននាំយកនយោបាយចូលមកក្នុងកីឡាតេនីស។
“ WTA បានធ្វើកិច្ចការនៅក្រោមឥទ្ធិពលមតិយោបល់បស្ចឹមប្រទេស ដែលប្រឆាំងទៅនឹងប្រព័ន្ធនយោបាយចិន” កាសែតនោះបានសសេរ។ “ពួកគេបានលេងល្បិចចាស់ដដែលម្តងទៀត ដោយរៀបចំឲ្យមានការធ្វើពហិការនៃព្រឹត្តការណ៍កីឡាសំរាប់គោលបំណងនយោបាយ ដែលរឿងនេះនឹងបង្កើតនូវភាពមិនច្បាស់លាស់នៅក្នុងកីឡាអន្តរជាតិ។” WTA បានបង្ហាញនូវការនិយាយពន្លើស ដែលជាសកម្មភាពនៃអ្នកនយោបាយបស្ចឺមប្រទេសជាអ្នកយល់ព្រម ដើម្បីដាក់សម្ពាធឲ្យកាន់តែមានទម្ងន់លើករណីនេះ។ WTA ថែមទាំងបានបញ្ចេញនូវរឿងរ៉ាវឯកជនរបស់ Peng ទៀតផង។
“វាគឺជាការអះអាងរបស់នាយកប្រតិបត្តិ WTA ដែលថាការនិយាយរបស់ Peng ថានាងមានសេចក្តីសុខជាធម្មតាទេ មិនអាចជឿជាក់បាន ព្រមទាំងបានធ្វើការចោទប្រកាន់ម្តងហើយម្តងទៀតលើទង្វើរបស់នាង សកម្មភាពរបស់ WTA វាជាការបង្ខិតបង្ខំយ៉ាងធ្ងន់ធ្ងរមកលើ Peng ”។ “ការបង្ខិតបង្ខំនិងគំរាមកំហែងនេះបានដកហូតយកសេរីភាពនៃការបញ្ចេញមតិ ដោយបានបង្ខំនាងឲ្យធ្វើតាមការស្រមៃ និងការរំពឹងគិតរបស់មតិសាធារណៈរបស់លោកខាងលិច និងបង្កើតនូវលេសថា នាងបានបាត់បង់សេរីភាព។”
Peng គឺជាអត្តពលិកដែលមានទិសដៅឆ្ពោះទៅរកការធ្វើទំនាក់ទំនងជាមួយបស្ចឹមប្រទេស សារដែល WTA ផ្ញើរមកឲ្យនាងគឺថាសរសេរយ៉ាងវែងក្នុងន័យចង់ឲ្យនាងផ្គាប់ចិត្តលោកខាងលិច ហើយជាចុងក្រោយនាងនឹងគាំទ្រជាសាធារណៈនូវការចោទប្រកាន់ប្រឆាំងនឹងចិន៕