ថ្ងៃទី១១ ខែកញ្ញា ឆ្នាំ២០២១ នេះ ជាខួបលើកទី២០ ( ០៩/០៩/២០០១-០៩/០៩/២០២១ ) នៃការវាយប្រហារភេរវកម្មដោយប្រើប្រាស់យន្តហោះដឹកអ្នកដំណើរបុកអាគារនៅសហរដ្ឋអាមេរិក។
ការវាយប្រហារនេះប្រព្រឹត្តិឡើងដោយពួកភេវរករចំនួន១៩នាក់ជាក្រុមសាសនាអ៊ីស្លាមនិយមជ្រុលនៃក្រុមភេរវកម្មអៃកេដា (Al-Qaeda) បានចាប់ជំរិតយន្តហោះដឹកអ្នកដំណើរចំនួន៤គ្រឿងដោយបើកបំបុកអាគារពាណិជ្ជកម្មពិភពលោកនៅក្រុងញូងយក បុកអាគារមន្ទីរបញ្ចកោណ (ក្រសួងការពារជាតិ) និងយន្តហោះមួយគ្រឿងទៀតធ្លាក់នៅរដ្ឋប៉ាន់ស៊ីណាវៀ ។
អំពើភេវរកម្មនេះសម្លាប់ មនុស្សចំនួន២៩៧៧នាក់ និងបានបំផ្លាញអាគារពាណិជ្ជកម្មពិភពលោក World Trade Center ដ៍ធំសម្បើមនេះក្លាយផេះផង់។ករណីវាយទៅលើសហរដ្ឋអាមេរិកកាលពី២០មុននេះហើយជាដើមចម ដែលធ្វើអោយមេរិកនិងសម្ពន្ធ័មិត្ត បានតាមកម្ទេចក្រុមមេភេវរករដែល អាមេរិកបានស្រាវជ្រាវច្បាស់ ថាក្រុមពួកនេះ មានមូលដ្ឋាននៅក្នុងទឹកដីប្រទេសអាហ្វហ្គានីស្ថានដែលឈ្មោះបេឡាឌីនជាមេដឹកនាំ ។
បេសកកម្មតាមកម្ទេចភេវរករទាំងនេះបានធ្វើអោយចំណាយពេលយ៉ាងច្រើនរួមទាំងការចំណាយប្រាក់រាប់ម៉ឺនលានដុល្លានិងធនធានមនុស្សយ៉ាងសម្បើម ដែលមិនធ្លាប់មានក្នុងប្រវត្តិសាស្ត្រអាមេរិក ។
រយៈពេល២០ឆ្នាំមកនេះ អាមេរិកនិងសមពន្ធ័មិត្តបានដកកងទព័ចេញពីប្រទេសអាហ្វហ្គានីស្ថានអស់ហើយ ដោយហេតុផលថាខ្លួនបានបង្ក្រាបនិងសម្លាប់មេភេវរករអូសាម៉ាន់ បេឡាឌីននិងក្រុមភេវរកម្មផ្សេងៗទៀត ដូចនេះបេសកកម្មរបស់អាមេរិកក៍ត្រូវបញ្ចប់ផងដែរ ។ ប៉ុន្តែអ្វីដែលបញ្ហានៅក្នុងប្រទេសអាហ្វហ្គានីស្ថាននិងពលរដ្ឋអាហ្វហ្គានីស្ថាន ក្រោយអាមេរិកដកខ្លួនចេញ គឺមិនទាន់មានមហាអំណាចណាមួយមកទទួលខុសត្រូវ ចំពោះជោគវាសនារបស់ប្រជាជាតិមួយនេះនៅឡើយ ទោះរបបថ្មីក្រោមការដឹកនាំដោយក្រុមតាលីបង់ បានសន្យាថាមានការគោរពសិទ្ធិមនុស្សប៉ុន្តែ នៅតែមានជនភៀសខ្លួនរាប់ម៉ឺននាក់ក្នុងមួយថ្ងៃៗ បានដង្ហើយការសុំជំនួយនិងសុំសិទ្ធិជ្រោកកោនពីបរទេស នេះហើយលទ្ធផលពីមហាអំណាចអាមេរិក ។
