"Wednesday" គឺជាខ្សែភាពយន្តអាមេរិកថ្មីស្រឡាងនៅចុងឆ្នាំ២០២២របស់ Netflix ជាប្រភេទរឿងបែប Comedy Horror លាយឡំនឹង Supernatural បែប Goofy Goofy រៀបរាប់ពីដំណើរជីវិតរបស់ក្រុមគ្រួសារអាដាម ដោយមានស្រាយអាថ៌កំបាំងមួយចំនួននៅក្នុងសាច់រឿងផងដែរ។ ខ្សែភាពយន្តនេះត្រូវបានបានចាក់បញ្ចាំជាលើកដំបូងនៅក្នុង Netflix នៅក្នុងថ្ងៃទី២៣ ខែវិច្ឆិកាកន្លងទៅនេះ ហើយនៅពេលនេះទទួលបានប្រជាប្រិយភាព និងការចាប់អារម្មណ៍យ៉ាងខ្លាំងពីសំណាក់អ្នកលេងនៅលើប្រព័ន្ធអ៊ីធឺណែត។ ត្រឹមរយៈពេល១សប្តាហ៍នៃការចេញផ្សាយប៉ុណ្ណោះក៏បានបំបែកកំណត់ត្រាថ្មីជាប់នៅលើ Netflix ទៅហើយ។ នៅខណៈពេលចេញផ្សាយនៅលើ Netflix ភ្លាមត្រឹមរយៈពេល១សប្តាហ៍គត់ខ្សែភាពយន្តមួយនេះដែលសម្តែងឡើងដោយ Jenna Ortega ដោយត្រូវបានស្គាល់ថាជា Wednesday Addams បានធ្វើអោយរឿងនេះផ្ទុះរហូតទទួលបាន៣៤១.២លានម៉ោងទស្សនាដោយនាំមុខខ្សែភាពយន្ត "Stranger Things 4" ទទួលបានកំណត់ត្រាត្រឹម៣៣៥លានទស្សនាប៉ុណ្ណោះនៅក្នុងការចេញផ្សាយនៃសប្តាហ៍ដំបូង។
"Wednesday" ក៏ជាខ្សែភាពយន្តមួយទទួលបានចំណាត់ថ្នាក់លេខ១នៅទូទាំង៨៣ប្រទេសក៏ដូចគ្នាផងដែរនឹងកំណត់ត្រានៃរឿង "Stranger Things 4"។ រាប់ចាប់តាំងពីពេលខ្សែភាពយន្តមួយនេះត្រូវបានចាក់បញ្ចាំងមកវាបានក្លាយជារឿងមួយទទួលបានចំណាប់អារម្មណ៍ខ្ពស់ពីគ្រប់មជ្ឈដ្ឋាន និងបានឡើងលើខ្ពស់ជាងគេបង្អស់នៅលើតារាង Watched List របស់អ្នកទស្សនាដោយសង្កេតឃើញថានាំមុខរឿងមួយចំនួនដូចជា "The Crown", "1899" និង "Dead to Me"។ រឿងមួយនេះផងដែរមានការចូលរួមសម្តែងដោយ Jenna Ortega, Gwendoline Christie, Riki Lindhome, Jamie McShane, Fred Armisen និង Christina Ricci ជាដើម និងដឹកនាំសម្តែងឡើងដោយលោក Tim Burton។ គួរបញ្ជាក់ផងដែរខ្សែភាពយន្ត Wednesday នេះគឺដកស្រង់ចេញពីរឿងរបស់គំនូរជីវចលរបស់លោក Charles Addams និងត្រូវបានបំបែកជា Screenplay សរសេររៀបរាប់ឡើងដោយ Alfred Gough និង Miles Millar ផងដែរ។
