1. វិមានក្រឹមឡាំងអះអាងគ្មានសមត្ថភាពតាមដានមេដឹកនាំ Wagner
យោងតាមសារព័ត៌មាន Newsweek ចុះផ្សាយថ្ងៃទី០៦ ខែកក្កដាបានអោយដឹងថា ប្រធានាធិបតីបេឡារុស្ស លោក Aleksandr Lukashenko កាលពីថ្ងៃព្រហស្បតិ៍ បាននិយាយថា លោក Yevgeny Prigozhin ស្ថិតនៅក្នុងប្រទេសរុស្ស៊ី ទោះបីជាការពិតទៅមេដឹកនាំក្រុម Wagner ត្រូវបានគេសន្មត់ថាត្រូវបាននិរទេសនៅប្រទេសបេឡារុសដោយសារតែការបះបោរដែលបរាជ័យរបស់លោកប្រឆាំងនឹងទីក្រុងមូស្គូក៏ដោយ។ នៅពេលសួរអំពីកន្លែងលាក់ខ្លួនរបស់លោក Prigozhin ដោយអ្នកសារព័ត៌មាន អ្នកនាំពាក្យវិមានក្រឹមឡាំង លោក Dmitry Peskov បានច្រានចោលសំណួរនេះ។ លោក Peskov បាននិយាយថា "យើងមិនបានតាមដានចលនារបស់លោកទេ។ យើងមិនមានលទ្ធភាព ហើយក៏មិនមានបំណងចង់ធ្វើរឿងនេះដែរ" ។ ការអត្ថាធិប្បាយរបស់លោក Peskov ដែលបង្ហាញអំពីភាពកង្វះការព្រួយបារម្ភពីវិមានក្រឹមឡាំងទៅលើលោក Prigozhin បាននាំឱ្យអ្នកសង្កេតការណ៍មួយចំនួនសម្តែងការមិនជឿ ដោយអ្នកជំនាញប្រាប់កាសែត Newsweek ថាវាអាចជាផ្នែកមួយនៃយុទ្ធនាការលាបពណ៌។
2. Biden ថាអ៊ុយក្រែនមិនទាន់អាចចូលរួមនឹងណាតូបានទេ
យោងតាមសារព័ត៌មាន CNN ចុះផ្សាយថ្ងៃទី៩ ខែកក្កដាបានអោយដឹងថា ប្រធានាធិបតី លោក Joe Biden បានប្រាប់ CNN នៅក្នុងបទសម្ភាសន៍មួយថា អ៊ុយក្រែនមិនទាន់ត្រៀមខ្លួនរួចរាល់សម្រាប់សមាជិកភាពណាតូនៅឡើយទេ ដោយបាននិយាយថាសង្រ្គាមរបស់រុស្ស៊ីនៅអ៊ុយក្រែនត្រូវតែបញ្ចប់ នៅមុនពេលដែលសម្ព័ន្ធមិត្តអាចពិចារណាដាក់បញ្ចូលទីក្រុង Kyiv ទៅសម្ព័ន្ធភាពរបស់ខ្លួន។ លោក Biden បានប្រាប់លោក Fareed Zakaria របស់ទូរទស្សន៍CNN ថា ខណៈពេលដែលការពិភាក្សាអំពីសមាជិកភាពជិតមកដល់របស់អ៊ុយក្រែនក្នុងអង្គការ NATO គឺមិនទាន់អាចសំរេចបាននៅឡើយ សហរដ្ឋអាមេរិក និងសម្ព័ន្ធមិត្តនៅក្នុងអង្គការ NATO នឹងបន្តផ្តល់ជូនប្រធានាធិបតីលោក Volodymyr Zelensky និងកងកម្លាំងរបស់លោកនូវសន្តិសុខ និងសព្វាវុធដែលពួកគេត្រូវការ ដើម្បីព្យាយាមបញ្ចប់សង្រ្គាមជាមួយរុស្ស៊ី។ លោក Biden បាននិយាយថា “ខ្ញុំមិនគិតថា មានការឯកភាពគ្នានៅក្នុងអង្គការ NATO អំពីថាតើត្រូវយកអ៊ុយក្រែនចូលក្នុងគ្រួសារណាតូនៅពេលនេះឬអត់ទេ នៅក្នុងពេលដែលពេលនេះគឺជាអំឡុងពេលពាក់កណ្តាលនៃសង្រ្គាម។ លោកបានបន្តទៀតថា“ឧទាហរណ៍ ប្រសិនបើអ្នកបានធ្វើនោះ អ្នកនឹងដឹង ហើយអ្វីដែលខ្ញុំចង់និយាយ–ពួកយើងបានប្តេជ្ញាចិត្តក្នុងការថែរក្សាការពារអធិបតេយ្យភាពដែលជាទឹកដីរបស់អង្គការណាតូ។ វាគឺជាការប្តេជ្ញាចិត្តដែលយើងទាំងអស់គ្នាបានធ្វើមិនថាជាមានបញ្ហាអ្វីនោះទេ។ បើសង្គ្រាមនៅតែកើតឡើង នោះយើងទាំងអស់គ្នានឹងនៅក្នុងសង្គ្រាម។ យើងនឹងនៅធ្វើសង្រ្គាមជាមួយរុស្សី បើដូច្នោះមែន»។
3. អ៊ុយក្រែនព្រមានពីការវាយប្រហារដ៏សាហាវ
យោងតាមសារព័ត៌មាន The New York Times ចុះផ្សាយថ្ងៃទី១ ខែកក្កដាបានអោយដឹងថា ខណៈដែលប្រទេសបេឡារុស្សបានបង្កើនសាររបស់ខ្លួនអំពីផែនការផ្តល់កន្លែងជ្រកកោន និងក៏ដូចជាការងារទៅដល់ក្រុមទាហានស៊ីឈ្នួល Wagner បន្ទាប់ពីការបះបោរបរាជ័យក្នុងប្រទេសរុស្ស៊ី កងកម្លាំងអ៊ុយក្រែនបាននិយាយថាពួកគេត្រៀមខ្លួនរួចជាស្រេចសម្រាប់ការគំរាមកំហែងដែលអាចកើតមានពីប្រទេសជិតខាងរបស់ពួកគេទៅភាគខាងជើង។ ក្នុងរយៈពេលប៉ុន្មានថ្ងៃថ្មីៗនេះ មន្ត្រីអ៊ុយក្រែនបានព្យាយាមបំបាត់ការព្រួយបារម្ភ ខណៈពេលប្រុងប្រៀបចំពោះការរៀបចំរបស់ពួកគេ ដោយប្រធានាធិបតីលោក Volodymyr Zelensky បានគ្រោងនឹងដំណើរផែនការពង្រឹងព្រំដែននៅក្នុងសុន្ទរកថាពេលយប់របស់លោក ហើយមេបញ្ជាការកំពូលបានសង្កត់ធ្ងន់ថា គ្មានការគំរាមកំហែងបច្ចុប្បន្នត្រូវបានរកឃើញទេ។ លោក Zelensky បានបង្ហាញថា ចារកម្មអ៊ុយក្រែនកំពុងតាមដានស្ថានការណ៍យ៉ាងដិតដល់ ដោយលោកបានបន្ថែមថា"យើងវិភាគយ៉ាងប្រុងប្រយ័ត្នរាល់ព័ត៌មាន និងការរំពឹងទុកណាមួយនៅគ្រប់ទិសទី"។ លោកបាននិយាយថា ឧត្តមសេនីយ៍កំពូលរបស់អ៊ុយក្រែនត្រូវបាន "ណែនាំឱ្យពង្រឹងទិសខាងជើង - ដើម្បីធានាសន្តិភាព"។
