តើមានអ្វីថ្មីនៅក្នុងទំនាក់ទំនងរវាងរ៉េបផ័រទាំងពីរជំនាន់នេះដែលជាលោកខ្មែរមួយជីវិត និងលោកវីតូ? ខណៈដែលទទួលបានថាអ្នកទាំងពីរសុទ្ធសឹងតែជាសិល្បករទើបតែឈានជើងចូលមកក្នុងផលិតកម្មបារមីដូចគ្នា។ តើផលិតកម្មបារមីកំពុងសំលឹងឃើញអ្វីនៅក្នុងការចាប់ដៃសហការក្នុងបទថ្មីរវាងពួកគេទាំងពីរនេះ? ពិតជាដៃគូថ្មីថ្មោងដ៏គួរអោយចាប់អារម្មណ៍មួយ កន្លងមកឃើញលោកខ្មែរមួយជីវិតធ្លាប់បានចាប់ដៃគូសហការជាមួយសិល្បករមួយចំនួនរួចមកហើយ ដូចជាលោក NPN នៅក្នុងបទ«ឆក់ព្រលឹង» និងបទ«Who’s Next?» ជាមួយនឹងលោកវណ្ណដា និងលោក Norith នៃផលិតកម្មបារមីជាដើម ប៉ុន្តែពិតជាមានការភ្ញាក់ផ្អើលមែនទែន ដែលបទថ្មីបន្ទាប់របស់លោកខ្មែរមួយជីវិតគឺជាការចាប់ដៃគូជាមួយនឹងប្រុសស្អាតរ៉េបផ័រលោកវីតូទៅវិញ។

គួរបញ្ជាក់ផងដែរថា លោកវីតូមិនត្រឹមតែជារ៉េបផ័រ រឺតារាចម្រៀងម្នាក់ប៉ុណ្ណោះ លោកថែមទាំងមានទេពកោសល្យជាច្រើនទៀតនៅក្នុងផលិតកម្មបារមី ដូចជាជាអ្នក Mix បទចម្រៀងជាដើម។ គួរបញ្ជាក់មួយវិញទៀតសោត បទ«Who’s Next?» ដែលជាបទផ្ទុះកក្រើកចាត់ទុកថាជា Khmer Cypher 2 ក៏ត្រូវបាន Mix បទភ្លេងដោយលោកវីតូផងដែរ។ ចំណែកកាលពីថ្ងៃទី១៧ ខែវិច្ឆិកាកន្លងទៅនេះ លោកខ្មែរមួយជីវិតក៏បាន Surprise Release ឡើងថាពួកគេទាំងពីរនេះបានមានបទចម្រៀងរួមគ្នាមួយបទ ដែលមានចំណងជើងថា«Hit Da Club»។ 

បទ«Hit Da Club» នេះត្រូវបាននិពន្ធតាក់តែងដោយពួកគេទាំងពីរផ្ទាល់។ ការ Collab មួយនេះធ្វើអោយអ្នកទាំងពីរផ្ទុះឡើងចំនួនទស្សនាបានប្រមាណ 250K ហើយនៅលើយូធូបឆាណែលរបស់លោកខ្មែរមួយជីវិតផ្ទាល់ត្រឹមរយៈពេល៥ថ្ងៃប៉ុណ្ណោះ និងទទួលបានការចាប់អារម្មណ៍យ៉ាងច្រើនជាពិសេសពីសំណាក់អ្នកគាំទ្ររបស់លោកវីតូផ្ទាល់។ គួរសង្កេតបានថា បទចម្រៀងចុងក្រោយរបស់លោកវីតូដែលចេញផ្សាយនៅលើឆាណែលយូធូបផ្លូវការរបស់លោកគឺជាបទ«Her Eyes» ដែលចេញផ្សាយកាលពីថ្ងៃទី០៣ ខែវិច្ឆិកាកន្លងទៅនេះ។