កាលពីថ្ងៃសៅរ៍ ទី២១ ខែតុលាកន្លងទៅនេះ កម្មវិធី Vin Vitou-Release Party របស់លោក Vin Vitou សមាជិកតារាចម្រៀងរ៉េបនៃផលិតកម្ម Klapyahandz បានរៀបចំឡើងយ៉ាងឡូយអស់ស្ទះនៅ Space Club។ ដោយនៅក្នុងព្រឹត្តិការណ៍ដ៏វិសេសអស្ចារ្យនេះ សង្កេតឃើញថាពិតជាមានរូបភាពប្លែកទាក់ភ្នែកមែនទែន ទាំងការបាញ់ពណ៌ភ្លើង ការរៀបចំឆាក ដូចជា Background ចាក់បញ្ចាំងផ្ទាំង LED ដ៏ធំ និងកាន់តែពិសេសប្លែកថែមទៀតនោះ នៅក្នុងកម្មវិធីនេះភ្ញៀវអញ្ជើញចូលរួមទទួលបានកាដូពិសេសជាម៉ាសបាំងមុខពណ៌សម្នាក់មួយ ដែលអាចអោយពួកគេពាក់រាំលេងយ៉ាងស្ទាវតែម្តង Enjoy ជាមួយនឹងបរិយាកាស Nightclub។
មិនតែប៉ុណ្ណោះពួកគេក៏នៅទទួលបានផ្ទាំងរូបភាព Poster អាល់ប៊ុមរបស់លោក Vin Vitou ម្នាក់មួយថែមទៀតជាកាដូអនុស្សាវរីយ៍ ដែលធ្វើអោយបណ្តាអ្នកចូលរួមជាច្រើននាក់មកសុំហត្ថលេខារបស់លោកផងដែរចុះនៅលើរូបភាពដ៏ស្រស់ស្អាតមួយនេះ។ គឺមានកាដូចែកជូនទស្សនិកជនថែមទៀតដែលជាម៉ាសបាំងមុខពណ៌ស និងរូបភាព Poster អាល់ប៊ុមរបស់លោកផ្ទាំង។
ចំណែកសិល្បករល្បីៗរបស់យើងដែលប្រទះឃើញចូលរួមនៅក្នុងកម្មវិធីមួយនេះ មានដូចជាលោក RuthKo លោក Kwan ដែលលោកព្រមទាំងមកជាមួយឈុតអវកាសថែមទៀតផង ហើយក៏មាន Vlogger ល្បីៗដូចជាលោកសៀក និងលោកឆេងសុភ័ក្រ្តផងដែរ។ គួររំលឹកផងដែរថា អាល់ប៊ុម Release របស់លោក Vin Vitou ចុងក្រោយនេះគឺមានឈ្មោះថា «REFLEXION» ដែលមានរហូតទៅដល់១៣បទ និងជាពិសេសគួរអោយចាប់អារម្មណ៍បានថានៅក្នុងអាល់ប៊ុមនេះមានចំនុចប្លែកត្រង់ថានៅខាងមុខបទចម្រៀងនីមួយមានបន្ថែមនូវសំលេង Dialogue ចូលទៀត ហាក់រៀបរាប់ដូចជាខ្សែរឿង។
