តារាហ៊ីបហប់នៃផលិតកម្ម KlapYaHandz និងជា Host របស់កម្មវិធី The Rapper Cambodia លោក Vin Vitou ទើបតែបញ្ចេញព័ត៌មានកាលពីពេលថ្មីៗនេះថា បទចម្រៀង«On My Way» របស់លោកនៃអាល់ប៊ុម REFLEXION នឹងត្រៀមចេញផ្សាយ M/V ជាផ្លូវការនៅក្នុងពេលឆាប់ៗនេះហើយ។ 

គួរបញ្ជាក់ផងដែរថា អាល់ប៊ុម REFLEXION របស់លោកបានចេញផ្សាយឡើងជាផ្លូវការកាលពីថ្ងៃទី១៨ ខែសីហាកន្លងទៅនេះ ដែលមានរយៈពេលប្រហែលជា១ខែកន្លងផុតទៅហើយ។ នៅក្នុងពេលជិតចេញផ្សាយអាល់ប៊ុមនេះផងដែរ លោក Vin Vitou បានរៀបរាប់អោយដឹងតាមរយៈការបង្ហោះនៅលើបណ្តាញសង្គមហ្វេសប៊ុកថា អាល់ប៊ុម REFLEXION នេះ IS MORE THAN JUST MUSIC ទៅទៀត វាគឺជាអាល់ប៊ុមដែលលោក និងក្រុមការងារបានចំណាយពេលធ្វើរហូតដល់ទៅ២ឆ្នាំ និងមានបទចម្រៀងសរុបទាំងអស់ចំនួន១៣បទ ដែលមានអត្ថន័យខុសៗគ្នាដោយឆ្លុះបញ្ចាំងពីបីសាចនៅក្នុងចិត្តរបស់មនុស្សម្នាក់ៗ។

កត់សម្គាល់ឃើញថា ដោយនៅក្នុងនោះបានចាប់ផ្តើមឡើងដោយបទជាបន្តបន្ទាប់រួមមាន NEGLECT, WALL, SCAR, SLEEP, GOING UP, RINKADING, ON MY WAY, BIO, BACK LIGHT, REFLEXION, OUR TURN, AMONG US និង​​​COURAGEOUS។​​​ 

ខណៈដែលនៅក្នុងនោះផងដែរ បទចម្រៀងទី២របស់លោក «Wall» បានចេញផ្សាយ M/V ជាផ្លូវការរួចមកហើយកាលពីថ្ងៃទី២០ ខែឧសភាកន្លងទៅនេះ។ គួរអោយចាប់អារម្មណ៍បានថាតារាហ៊ីបហប់នៅក្នុងផលិតកម្ម KlapYaHandz ដទៃទៀតរួមមានលោក Vi70, លោក Vuthea, លោក RuthKo និង Dj Chee ជាដើម។ តើទស្សនិកជនមានចំណាប់អារម្មណ៍យ៉ាងណាទៅលើអាល់ប៊ុម REFLEXION នេះរបស់លោក?