ថ្ងៃមុន តន់ ច័ន្ទស៊ីម៉ា ច្រៀងបែបសប្បាយរីករាយ ថម និង បាលី ​វិញ បែបអ្នកក្លាហាន​ ហើយចុះខុសប្លែកអី តែអាយដល ពេជ្ជរិទ្ធ​ មកជោគជាំ អណ្តឹតអណ្តក អីតែឯង ហើយចំពេលចូលឆ្នាំទៀត។ សួរស្តី ហ្វែនៗទាំងអស់គ្នា! បទចូលឆ្នាំ ឆ្នាំ​នេះ ដឹងតែកប់សារីនិងផ្ទុះទៀតហើយ មានទាំងសប្បាយ និងទឹកភ្នែក។ ឥឡូវ Admin សូមធ្វើ Reaction ទាំងទឹកភ្នែកដែរហើយ​ សម្រាប់បទថ្មីរបស់ អាយដល ពេជ្ជរិទ្ធ គឺ រាំទាំងទឹកភ្នែក។ ដូច្នេះតើវាមានអត្ថន័យនិងជោគជាំយ៉ាងណា? តោះចាប់ផ្តើមទាំងអស់គ្នា! 

“រាំទាំងភ្នែក” គឺជាចង្វាក់ថ្មី ប្លែក​ មានទាំងកាព្យ មានទាំង រ៉េប ហើយបែបសប្បាយផង និងកំសត់ផង​ ពីព្រោះអី​ អាយដល ពេជ្ជរិទ្ធ ច្រៀងផង រាំផង Sad ផង​ ទាំងទឹកផ្នែក ហើយ Admin ស្តាប់ទៅដូចជាចង់សើចបន្តិច Sad បន្តិចតាមដែរហើយនៀក។ តាមពិតទៅ បទនេះគឺពិតជា​ឡូយហើយពិសេសតែម្តង សម្រាប់ថ្ងៃចូលឆ្នាំខាងមុខ ហើយគ្រាន់តែលឺភ្លេងភ្លាម សូម្បីតែអ្នកដែលមិនចេះរាំក៏នៅមិនសុខដែរ​។ ចំណែក អត្ថន័យបទនេះវិញ ក៏បាញ់ចំ​ Admin និងហ្វែនៗមួយចំនួនមិនស្ទើរដែរ ជាពិសេសត្រង់ឃ្លាថា “ខ្លួនខ្ញុំយំកម្សត់ មកជួបស្នេហ៍ក្បត់ចំពេលចូលឆ្នាំ” “ឲ្យធ្វើម៉េច បើ Sad ចំពេលគេរាំ” “ផ្សាឈឺអនេក ទឹកភ្នែកបងស្រក់លិចស្រែ” “រាំទាំងយំ ព្រោះខ្ញុំរាំបាត់គូរស្នេហ៍” និង “អាវខ្ញុំក៏សើមដែរ តែសើមព្រោះជូតទឹកភ្នែកទេ ឈឺដូចម៉ែជេរ គេរាំបែបកម្សាន្ត ឯងវិញរាំបានតែកម្សត់”​ ដូច្នេះពេលចូលឆ្នាំ កុំភ្លេចយកក្រដាស់ ឬ ពាក់អាវឲ្យក្រាស់ៗផង ដើម្បីបានជូតទឹកផ្នែកទាំងអស់គ្នា។

តែទោះជាយ៉ាងណាក៏ដោយ មិនទាន់ដល់ចូលឆ្នាំផង មានហ្វែនៗខ្លះទឹកភ្នែកបណ្តើរៗ​បាត់ហើយ ដូចជាអ្នកខ្លះ ខំមឹន នៅក្នុង Channel ផ្លូវការរបស់លោកថា “បទនេះពិតជាពិរោះខ្លាំងណាស់បង ស្តាប់ហើយ សើចផង យំផង ព្រោះត្រូវរឿងពេក”។ ចំណែកហ្វែនៗខ្លះទៀតនិយាយថា “បទនេះពិរោះខ្លាំង ទោះបីជាស្តាប់ច្រើនដងហើយក៏ដោយ ក៏នៅមិនធុញដែរ​​ ហើយម្យ៉ាងវិញទៀត តឹកដៃនិពន្ធខ្លាំងដូចជាបទសម័យដើមដែរ” “បទនេះចាក់ដោតដល់ហើយ” “Wow! ពិរោះខ្លាំងណាស់ អាយដល” និង “ហូរទឹកភ្នែកកំពុងសើច” ជាដើម។ តែសម្រាប់ហ្វែនៗទាំងអស់គ្នាវិញ យល់យ៉ាងណាដែរ?សូមកុំភ្លេចចូលទៅស្តាប់បទពេញនៅ Channel ផ្លូវការរបស់អាយដលផងណា៕