បន្ទាប់ពីត្រលប់ពីបេសកកម្មការងារនៅប្រទេសថៃជាញឹកញយកន្លងមក តើលោកវណ្ណថានត្រលប់មួយជាមួយបទចម្រៀងថ្មីៗអ្វីខ្លះ? ទើបតែបញ្ចេញបទ«One Night With You» កាលពីកំឡុងខែវិច្ឆិកានេះមិនបានប៉ុន្មានផង លោកវណ្ណថានបានទំលាក់បទចម្រៀងមួយទៀតចំនងជើងយ៉ាងប្លែកទាក់ចិត្តតែម្តងដែលមានចំណងជើងថា ដបក៏បានអូនក៏បាន ក៏មិនប្លែកចិត្តដល់ថ្នាក់នៅពេលដឹងថាលោកបានណែនាំដៃគូចម្រៀងស្រីថ្មីដែលជាអ្នកចមម្រៀងស្រីជាន់ចាស់មួយរួបនោះដែរ។ លោកវណ្ណថានបាននាំយកកញ្ញា Siryka អតីតអ្នកចម្រៀង The Voice Cambodia មក្នុងបទចម្រៀងថ្មីរបស់លោក «Bottle Or Bae» កាលពីថ្ងៃទី៣១ ខែធ្នូកន្លងទៅនេះ លោកវណ្ណថានបានបញ្ចេញបទចម្រៀងថ្មីរបស់លោកសំរាប់ជាការអបអរដល់ពិធីបុណ្យឆ្លងឆ្នាំឆ្លងចូលឆ្នាំថ្មី២០២៣។ 

ខណៈដែលមានទស្សនិកជនជាច្រើនទន្ទឹងរង់ចាំការទំលាក់បទថ្មីរបស់សិល្បករដ៏ល្បីមួយរូបនេះប្រចាំផលិតកម្មបារមី ប៉ុន្តែគ្មាននរណាអាចនឹកស្មានដល់នោះទេថាលោកវណ្ណថានបាននាំយកដៃគូចម្រៀងស្រីមួយរូបទៀតមកក្នុងបទចម្រៀងរបស់លោក ហើយសំលេងរបស់នាងធ្វើអោយមនុស្សជាច្រើនបានស្គាល់យ៉ាងច្បាស់ថាគឺជាអតីតតារាចម្រៀងនៃកម្មវិធី The Voice  Cambodia កញ្ញាស៊ូ ស៊ីរីកា។ រឿងរ៉ាវមួយនេះចោទជាមតិលើកឡើងថាតើពេលនេះកញ្ញាស៊ូស៊ីរីកាបានក្លាយជាសមាជិករបស់ផលិតកម្មបារមីដែររឺហើយមែនទេ? ដោយមិនទាន់មានការអះអាងលើកឡើងយ៉ាងច្បាស់ណាមួយពីខាងផលិតកម្មបារមីនៅឡើយទេ រឺមិនបានដឹងថាតើនេះត្រឹមជាការសហការការងារមួយរវាងពួកគេរឺយ៉ាងណានោះទេ។  

យ៉ាងណាក្តីផងដែរ កញ្ញាស៊ូស៊ីរីកាហាក់ទទួលបានការស្វាគមន៍យ៉ាងកកក្តៅពីក្រុមបារមីផងដែរ ដោយកត់សម្គាល់ឃើញថានៅក្នុងវិដេអូមួយដែលមានលោក Vanthan និង ស៊ីរីកា បង្ហោះឡើងរួមគ្នា CEO នៃក្រុមបារមីអ្នកនាង Laura Mam បានចូលមកខមមែនអបអរសាទរនិងលើកទឹកចិត្តផងដែរ។ យ៉ាងណាមិញផងដែរបទចម្រៀងដែលមានចង្វាក់ភ្លេងតន្រ្តីខ្មែរបុរាណ«Bottle or Bae» រឺហៅម្យ៉ាងទៀតថា«ដបក៏បានអូនក៏បាន» នេះឃើញថាទទួលបានការចាប់អារម្មណ៍ខ្ពស់ពីសំណាក់មហាជនផងដែរ មិនថាទាំងចំណងជើងនៃបទចម្រៀង តែម្យ៉ាងវិញទៀតសោតអ្វីដែលធ្វើអោយបទចម្រៀងមួយនេះប្លែកគឺដោយសារតែសំណៀងច្រៀងរដឺននោះថែមទៀត។