កាលពីថ្ងៃទី១៦ ខែកុម្ភៈកន្លងទៅនេះ លោកវណ្ណថាននៃក្រុមបារមីបានធ្វើការទំលាក់បទចម្រៀងថ្មីមួយបទដែលធ្លាប់បានលើកទៅសម្តែងនៅលើឆាកតន្រ្តី  Hanuman x Baramey Appreciate Party កន្លងមកក្រោមចំណងជើងថា«One Month» ដោយបានចេញផ្សាយឡើងនៅលើបណ្តាកម្មវិធីចាក់ផ្សាយបទចម្រៀងនានាហើយ។ គួរអោយកត់សម្គាល់ផងដែរបទចម្រៀងមួយនេះមានចង្វាក់ភ្លេងយ៉ាងប្លែកគួរអោយចាប់អារម្មណ៍ប្រភេទបែបភ្លេងខ្មែរបុរាណរួមផ្សំនឹងចង្វាក់ Retro Disco Rock។ មួយវិញទៀតសោតអ្វីដែលមហាជនចាប់អារម្មណ៍ផងដែរនោះគឺភាពបញ្ច្រាសគ្នារវាងប៉ារ៉ូលចម្រៀង និងចង្វាក់ភ្លេងរបស់វាពោលគឺភ្លេងបែបសប្បាយៗ រឺឯទំនុកច្រៀងបែរជាកំសត់ទៅវិញរហូតដល់អ្នកខ្លះបានលើកឡើងថា«បទសេធអ្វីគួរអោយចង់រាំបែបនេះ Ok you win»។ 

ចំណែកលោកវណ្ណថានក៏បានលើកឡើងស្របពេលចេញផ្សាយបទនោះផងដែរថា «អ្នកខូចចិត្តបន្ទាប់ពីថ្ងៃ Valentine អោយ Stream ដោយសេរី»។ ម្យ៉ាងទៀតផងដែរបើពិនិត្យលើបទចម្រៀងមួយបទនេះសាធារណជនក៏បានលាន់មាត់សរសើរអំពីការច្នៃប្រឌិតដោយបញ្ចូលរបាំសហសម័យខ្មែរទៅក្នុងបទចម្រៀងមួយនោះផងដែរ ដោយសព្វថ្ងៃនេះកំពុងតែទទួលបានការគាំទ្រនិងទទួលស្គាល់យ៉ាងខ្លាំងពីសំណាក់អន្តរជាតិ។​​​ គួរបញ្ជាក់ផងដែរក​​​ន្លងមកលោកវណ្ណថានធ្លាប់បានធ្វើការរួមសហការជាមួយនឹងលោកវណ្ណដានិងអ្នកស្រី Laura Mam នូវបទចម្រៀងដ៏មានប្រជាប្រិយភាពមួយបទមានចំណងជើងថា«Tomorrow Forever» ចេញផ្សាយកាលពីចុងឆ្នាំ២០២១និងមកទល់ពេលនេះមានចំនួនអ្នកចូលទស្សនារហូតដល់១លាននាក់ឯណោះនៅលើយូធូប។ ចុះទស្សនិកជនទាំងអស់គ្នាពេញចិត្តបទចម្រៀងថ្មីរបស់លោកវណ្ណថានដែររឺទេ? Let me know in your comment below!