កាលពីថ្ងៃ១៥ ខែវិច្ឆិកា ថ្មីៗកន្លងមកនេះលោក វណ្ណថាន បានចែករំលែកការបង្ហោះមួយឡើងនៅលើទំព័រហ្វេសប៊ុកផ្លូវការរបស់លោកដោយលោកបានភ្ជាប់ជាមួយដំណឹងគួរជាមោទនភាពភាពមួយសំរាប់សិល្បករនៃប្រទេសកម្ពុជា។ លោកវណ្ណថានបានបង្ហាញមកកាន់សាធារណៈជនអោយបានដឹងថានាពេលខាងមុខនេះលោកនឹងមានការប្រគំតន្រ្តី Tour មួយនៅក្នុងប្រទេសថៃនៅក្នុងអំឡុងខែវិច្ឆិកា និងខែធ្នូឆ្នាំ២០២២នេះ។ 

លោកវណ្ណថានបានឆ្លៀតរៀបរាប់អោយដឹងថាជាឪកាសវិសេសមួយដែលលោកបានចូលរួមនៅក្នុងកម្មវិធី Asean Music Showcase Festival នៅក្នុងប្រទេសសឹង្ហបុរីកន្លងមកទើបធ្វើអោយឆាកអន្តរជាតិមើលឃើញពីសមត្ថភាពរបស់លោកដែលជាសិល្បករកម្ពុជាមួយរូប ម្ល៉ោះហើយទើបលោកឪកាសត្រូវបានអញ្ជើញចូលរួមនៅក្នុងការប្រគំតន្រ្តីពីរផ្សេងទៀតនៅក្នុងប្រទេសថៃដែលមានឈ្មោះថា MAHO RASOP Music Festival និង WONDERFRUIT Music Festival ដោយឡែកលោកក៏មានការប្រគំតន្រ្តីមួយទៀតផងដែរនៅក្នុងប្រទេសថៃដែលត្រូវបានអញ្ជើញមុនពេលទៅសម្តែងនៅប្រទេសសឹង្ហបុរីទៅទៀត ដោយលោកទៅសម្តែងជាសិល្បករជួយ Support អោយលោកវណ្ណដានៅក្នុងការប្រគំតន្រ្តី Big Mountain Music Festival។

គួរបញ្ជាក់ផងដែរថាការប្រគំតន្រ្តី  MAHO RASOP Music Festival នេះនឹងធ្វើឡើងនៅថ្ងៃទី១៩ និងទី២០ ខែវិច្ឆិកាខាងមុខនេះនៅឯទីក្រុងបាំងកក រីឯការប្រគំតន្រ្តី Big Mountain Music Festival វិញនឹងធ្វើឡើងនៅថ្ងៃទី១០ និងទី១១ ខែធ្នូនៅឯខេត្ត Phetchaburi និងចំណែកឯការប្រគំតន្រ្តី WONDERFRUIT Music Festival នឹងធ្វើឡើងនៅថ្ងៃទី១៥ដល់ថ្ងៃទី១៩ ខែធ្នូបន្តបន្ទាប់គ្នានៅក្នុងទីក្រុង Pattaya។