កាលពីថ្ងៃទី២៩ ខែធ្នូ ឆ្នាំ២០២២កន្លងទៅនេះ ដៃគូសម្តែងនៅក្នុងបទ«អាមិចទេស» របស់លោក Kingchi បានធ្វើការចេញផ្សាយបទចម្រៀងហ៊ីបហប់ដំបូងបំផុតរបស់ខ្លួនដែលមានចំណងជើងថា«កូនអ្នកស្រែ» នៅលើឆាណែលយូធូបផ្លូវការរបស់លោកមានឈ្មោះថា VanndyOfficial។ គួរបញ្ជាក់ផងដែរកាលពីពេលកន្លងទៅនេះបទ«អាមិចទេស»របស់លោក Kingchi បានធ្វើឡើងយ៉ាងកក្រើកទាំងនៅលើបណ្តាញសង្គម និងកម្មវិធីចាក់ចម្រៀងនានា។ ជាក់ស្តែងនៅលើបណ្តាញសង្គម Tik Tok នៅក្នុងគណនីផ្លូវការរបស់កម្មវិធី Pleng ផ្ទាល់ផងដែរ ក៏មានការបង្ហោះឈុតឆាកសម្តែងខ្លីមួយដោយលោក Vanndy និងតារាសម្តែងស្រីម្នាក់សំរាប់ Highlight លើបទចម្រៀង«អាមិចទេស» របស់លោកKingchiដើម្បីអោយទស្សនិកជនមានការចាប់អារម្មណ៍ និងចូលទៅស្តាប់ផ្ទាល់នៅកម្មវិធីPlengរបស់ពួកគេ។ 

លោកវណ្ណឌីបានសាងភាពទាក់ទាញមួយយ៉ាងគួរអោយចាប់អារម្មណ៍ និងធ្វើអោយមហាជនកាន់តែស្គាល់លោករឹតតែខ្លាំង។ យ៉ាងណាមិញផងដែរត្រលប់មក្នុងបទចម្រៀងដំបូងរបស់លោកនេះវិញក៏ឃើញមានសន្ទុះនៃការគាំទ្រដ៏ច្រើនលើសលប់បើប្រៀបធៀបទៅនឹងចំនួន Subscribersដ៏ស្តួចស្តែងដែលទើបតែចាប់ផ្តើមមានឡើងប៉ុណ្ណោះ។ កាន់តែច្បាស់ជាងនេះផងដែរចំនួនអ្នកចូលទស្សនានៅលើបទចម្រៀងរបស់លោកត្រឹមតែរយៈពេល១ខែមានការកើនឡើងរហូតទៅដល់ជាង៧ម៉ឺនដងទៅហើយនៅលើយូធូប ដោយបានផ្សារភ្ជាប់ជាមួយនឹងដំណឹងរីករាយមួយកាលពីពីរសប្តាហ៍មុននេះ ដោយលោក Vanndyបានបញ្ជាក់នៅក្នុងការបញ្ចេញមតិក្រោមវិដេអូចម្រៀងរបស់លោកថានាពេលឆាប់ៗខាងមុខនេះលោកនឹងចេញផ្សាយបទចម្រៀងទី២របស់លោកផងដែរ។ តើទស្សនិកជនពេញចិត្តបទចម្រៀង«កូនអ្នកស្រែ» នេះកំរិតណា? Let’s help support our new rapper and let me know in your comment below!