ថ្មីៗនេះហាក់ដូចជាពុំសូវលេចចេញនូវព័ត៌មានថ្មីអំពីលោកវណ្ណដាច្រើនដូចពេលដែលចេញនូវបទចម្រៀង Run The town ជាមួយតារារ៉េបថៃនោះទេ។ យ៉ាងណាមិញ រាល់អ្នកគាំទ្រទាំងអស់សុទ្ធសឹងតែរង់ចាំដល់ថ្ងៃនៃការចេញ Album ជាផ្លូវការនៅថ្ងៃទី២០ ខែឧសភានេះ និងចង់ដឹងថានៅមានអ្វីពិសេសកើតឡើងនៅថ្ងៃនោះ។ ប៉ុន្តែថ្មីៗនេះ មានលេចចេញនៅវីដេអូខ្លីមួយនៅក្នុងបណ្តាញសង្គមតិកតុកដែលមានឈ្មោះថា @Ny Muy Pheak បានដែលបានថតនៅសកម្មភាពក្រៅឆាករបស់លោកវណ្ណដា កំពុងតែដើរទៅរកឡានក្រហមមួយជាមួយនឹងក្រុម Camera Man ជាច្រើនហូរហែ កំពុងតែផ្តិតយករូបភាពលោកនៅឡាននោះផងដែរ។
មានអ្នកគាំទ្រជាច្រើនបានខមិននៅលើវីដេអូនោះ និងមានការត្រេកអរដែលបានឃើញនៅសកម្មភាពដ៏កម្រមួយនេះ។ អ្វីដែលកាន់តែភ្ញាក់ផ្អើលទៅទៀតនោះ តាមរយៈវីដេអូមួយនៅក្នុង Story Instagram របស់កញ្ញា កៅ សុភា កាលពីម្សិលមិញនេះ ដោយមានទាំងវត្តមានក្រុមការងាររបស់លោកកន្លងមកផងដែរ បានបង្ហោះនិងចែករំលែកនូវអំពីសកម្មភាពនៃការរៀបចំថតមួយដែលមានលោក វណ្ណដា កំពុងតែអង្គុយពិនិត្យមើលទៅលើ Camera ហើយនិងក្រុមការងារបស់លោកកំពុងតែរៀបចំប្លង់ និងទីកន្លែង ដោយនៅក្នុង Story ដដែលនោះ ពួកគាត់បានទាំងនិយាយថា ថ្ងៃនេះសប្បាយចិត្តណាស់បានមកថតជាមួយ តារា វណ្ណដា។
ដែលនេះសរបញ្ញាក់ថាជាវាអាចជាសកម្មភាពនៃការថត MV ថ្មីរបស់លោកឬអាចជាសាច់រឿងថ្មី ដែលលោកកំពុងព្យាយាមលាក់បាំង។ ម្យ៉ាងវិញទៀតតាមរយៈភ័ស្តតាងនេះ យើងអាចនិយាយបានថា បទចំរៀងថ្មីរបស់ វណ្ណដា នឹងមកដល់មុននៃថ្ងៃ Album Skull ទី២ ឬចំនឹងថ្ងៃនោះតែម្តង ដើម្បីជាកាដូចំណងដៃសម្រាប់ ហ្វែនៗរបស់លោក។ ជាមួយគ្នានេះដែរ មានអ្នកគាំទ្រជាច្រើនមានចម្ងល់អំពីសកម្មភាពចម្លែកៗទាំងនេះ ពីព្រោះសកម្មភាពនេះមើលទៅវាធំដុំ អូរអរហើយក្រុមការងារក៏ច្រើនទៀតផងដែរ៕
អត្ថបទដោយ Calvin Nann & KuyDorng