កាលពីថ្ងៃទី ២០ ខែឧសភា ឆ្នាំ ២០២២ បទចម្រៀងថ្មីពីរបទរបស់ លោក វណ្ណដា គឺ រង្វង់ក្រចក និង ជីវិតគឺជាល្បែង បានចេញផ្សាយជាផ្លូវការនៅក្នុង បណ្តាញយូធូបផ្ទាល់របស់លោក។សម្រាប់ការផលិតបទទាំងពីរនេះ លោកវណ្ណដា និងក្រុមបុគ្គលិករបស់ផលិតកម្មបារមី បានទៅបោះជម្រុំតន្រ្តី ក្នុងក្រុងកែប។ ម្យ៉ាងវិញទៀត​ Producers បទនេះ មានគ្នាសរុបចំនួន ៧នាក់និងក្រុមការងារជាច្រើននាក់ទៀត។លោកនិងក្រុមការងារបានស្នាក់នៅរយៈពេល ១៤ ថ្ងៃដើម្បីបន្ថែមរសជាតិឲ្យអាល់ប៊ុម Skull ២ របស់លោក បន្ទាប់ពីលោកបានបង្ហាញពួកគេពីគ្រឹះនៃអាល់ប៊ុមនេះ នៅក្នុង Ep. ១។

ប្រហែលវាមិនមែនជារឿងដែលគួរឲ្យភ្ញាក់ផ្អើលទេសម្រាប់បទចម្រៀងរបស់លោកវណ្ណដាដែលតែងតែល្បី និងមានចំនួនអ្នកចូលស្តាប់សុទ្ធតែខ្ទង់ M រហូត។ មុនដំបូង Admin សូម Review បទ រង្វង់ក្រចក មុនគេ បទនេះត្រូវបាន សរសេរដោយ លោកវណ្ណដា និង​ចូលរួមសហការផលិតដោយលោក មុត ភារិន (Mut Phearin), Songha, Daniel Chea, Daniel Omens។ចំណុចពិសេសរបស់បទនេះ​ គឺត្រង់ចំណុចដំបូងដែលផ្តើមឡើងដោយសម្លេងដ៏គ្រលួច របស់ ឡូរ៉ា ម៉ម (Laura Mam)ដែលធ្វើអោយកាន់តែអន្លង់អន្លោច។ វាជាប្រភេទបទបែបរ៉េប លន្លុងលន្លោច រៀបរាប់អំពីទុក្ខសោក និងភាពលំបាកនៃជីវិត។ប្រៀបបីដូចជា ឃ្លាមួយលោកបានលើកឡើងថា រស់នៅពឹងអាត្មា ពេលធ្វើការមានច្រើនជាងដេក ជាដើម។ សម្រាប់បទទីពីរវិញ គឺ ជីវិតគឺជាល្បែង ដែលបានចេញ Premiered កាលពីថ្ងៃទី ២០ ខែឧសភាដូចគ្នា ។បទចម្រៀនេះមានលក្ខណៈហានក្លា និងឆ្លុះបញ្ចាំងអំពីជីវិតរបស់មនុស្សយើងពិតៗដែលគ្រប់គ្នាសុទ្ធតែធ្លាប់បានឆ្លងកាត់នៅរឿងរ៉ាវលំបាកៗដែលមនុស្សយើងមិនអាចគេចផុតបាន។ អ្វីដែលកាន់តែពិសេសទៅទៀតនោះ បទចម្រៀង Parenthesis នេះ ត្រូវបាន Promote នៅលើ​ ​App Streaming Service ល្បីៗ ដូចជា Resso របស់ឥណ្ឌូនេស៊ី Apple Music & Spotify ផងដែរ ។ 

អត្ថបទដោយ​ KuyDorng