សួស្តីទាំងអស់គ្នាជួបគ្នាជាមួយ Admin ម្តងទៀត! តើអ្នកទាំងអស់គ្នាកំពុងតែទន្ទឹងរងចាំដំណឹងថ្មីពីលោក វណ្ណដា មែនទេ? សម្រាប់ Admin វិញក៏ទន្ទឹងរង់ចាំដូចគ្នា ហើយអ្វីដែល Admin ចង់ដឹងខ្លាំងនោះ គឺចង់ដឹងថាតើ អាយដល របស់យើងនឹងមានអ្វីសម្រាប់ Surprise នូវចុងខែនេះឬក៏អត់។ ជាក់ស្តែង កាលពី២ថ្ងៃមុន លោក វណ្ណដា បានបង្ហោះសារជាវីដេអូខ្លីមួយនៅក្នុង Story ហ្វេសប៊ុកផេកផ្លូវការ របស់លោកផ្ទាល់ ដែលបង្ហាញអំពីតម្រុយមួយចំនួនដល់យើងទាំងអស់គ្នាឲ្យដឹងជាមុនថា លោកកំពុងតែត្រៀមចេញបទចម្រៀងឬ MV ថ្មីដែលលោកនឹងចេញក្នុងពេលឆាប់ៗនេះ។ ហើយអ្វីដែលកាន់តែពិសេសថែមទៀតនោះ តាមរយៈ Video ខ្លីដដែលនោះបានបង្ហាញអំពីសមាជិកនៃការច្រៀងរួមគ្នានៅក្នុងបទចម្រៀងនេះ ប៉ុន្តែមិនបានបង្ហាញមុខនៃសមាជិកទាំង៤នោះទេ។ អ្នកគាំទ្ររបស់លោកបូករួមទាំង Admin ផងដែរ ពិតជាមានការចាប់អារម្មណ៏លើសមាជិកម្នាក់ ដែលបានពាក់អាវពណ៌ក្រហមលាយជាមួយនឹងពណ៌ស ដែលមានលក្ខណៈស្រដៀងទៅនឹងអាវមួយ ដែលអាវមួយរបស់លោកវណ្ណដា ដែលបានពាក់ចូលរួមកម្មវីធី VannDa Meet & Greet កាលពីខែមីនា។
អ្វីដែលកាន់តែភ្ញាក់ផ្អើលទៅទៀតនោះ គឺលើកនេះនឹងអាចមានច្រៀងរួមគ្នា រវាងលោក វណ្ណដា និងតារារ៉េបថៃ ដោយសារតែនៅលើវីដេអូដដែលនេះផងដែរ បាននូវស្លាកសញ្ញារបស់ High Cloud Entertainment ដែលជាផលិតកម្មចម្រៀងដែលមានការគ្រប់គ្រងដោយលោក F.Hero ផងដែរ ដែលនេះអាចជាសញ្ញាមួយបង្ហាញថា បទចម្រៀងថ្មីនេះអាចនឹងមានការចំណាយ និងការចូលរួមច្រៀងពីតារាចម្រៀងរ៉េបផ្សេងៗទៀត ដែលស្ថិតនៅក្នុងផលិតកម្មនេះផងដែរ។
យ៉ាងណាមិញ Admin ក៏ធ្លាប់បានធ្វើវីដេអូមួយរួមមកហើយ ដែលបង្ហាញថាចម្រៀងរវាងលោក វណ្ណដា នឹងតារារ៉េបរបស់ថៃនឹងអាចកើតឡើងពិតប្រាកដ និងអាចចេញក្នុងពេលឆាប់ៗខាងមុខនេះ ដែលយើងគ្រប់គ្នាពុំអាចស្មានដឹង។
ទោះបីជាលោក វណ្ណដា មិនទាន់បានប្រកាសជាផ្លូវការថា នឹងចេញបទចម្រៀងថ្មីនេះនៅពេលណាអោយពិតប្រាកដក៏ពិតមែន ប៉ុន្តែលោកបានធ្លាប់បង្ហាញនូវសារអបអរសាទរនូវការទទួលបានអ្នក Subscribe នៅលើ YouTube ចំនួន3លាននាក់ ដោយអបជាមួយសារមួយឃ្លាថា សម្រាប់បងប្អូនដែលរង់ចាំបទ ចម្រៀងចូលឆ្នាំខ្មែររបស់ខ្ញុំគឺ sadly ខ្ញុំអត់មានពេលច្រើនសម្រាប់ធ្វើក្នុងឆ្នាំនេះទេ ប៉ុន្ដែខ្ញុំនឹងមាន Project ដ៏ធំមួយដែលខ្ញុំបានធ្វើការលើវាជាយូរមកហើយ ហើយវានឹងកើតឡើងនៅក្នុងខែនេះផងដែរ កុំភ្លេចរង់ចាំតាមដានទាំងអស់គ្នា! តាមរយៈសារមួយនេះ អ្នកគាំទ្ររបស់លោកជាច្រើននាក់ជឿជាក់ថាកាលបរិច្ឆេទនៃការចេញបទចម្រៀងនេះនឹងអាចចេញនៅចុងខែមេសានេះជាក់ជាមិនខាន៕
អត្ថបទដោយ Calvin Nann & KuyDorng