នាពេលថ្មីៗនេះ មានការភ្ញាក់ផ្អើលពីសំណាក់មហាជន និង បណ្តាញវេបសាយថ៍សារព័ត៌មានជាច្រើនទាំងខ្មែរ និងបរទេស បានចុះផ្សាយអំពីការជួបជុំគ្នាដែលគ្រប់គ្នាពុំដែលនឹកស្មានដល់រវាង តារាចម្រៀងរ៉េបកម្ពុជា លោកវណ្ណដា​និងតារាចម្រៀងរ៉េបថៃដ៏ល្បី F.HERO និង Producer Nino ដែលទទួលបានពានរង្វាន់ជាច្រើនផងដែរ។ សូមបញ្ជាក់ផងដែរថា កាលពីថ្ងៃម្សិលមិញ លោក F.Hero ជាតារារ៉េបរបស់ថៃដែលធ្លាប់ច្រៀងរួមគ្នាជាមួយនឹងលោក BamBamដែលជាតារាចម្រៀងថៃកាត់កូរ៉េនិង​លោកSpriteដែលជាតារាចម្រៀងរ៉េបវ័យក្មេងរបស់ថៃនិងជាម្ចាស់ពាន The Rapper របស់ស្ថានីយ៍ទូរទស្សន៍ថៃ Workpoint បានធ្វើការចែករំលែកនូវរូបភាពពីរក្នុងថ្ងៃតែមួយគឺរូបទី១ បានចែករំលែកអបជាមួយពាក្យថា ONE LOVE UNDER HIPHOP​ ដែលមានន័យថា ក្តីស្រឡាញ់ដែលស្ថិតក្រោមតន្រ្តី​ HIP HOPតែមួយនិងរូបភាពជួបជុំអាហាររួមគ្នាជាមួយក្រុមការងារជាច្រើនអ្នកទៀតផងដែរ មិនយូរប៉ុន្មាន លោកក៏បានចែករំលែករូបមួយផ្សេងទៀតដែលមានរូបលោកវណ្ណដា និង Producer Nino ដែលស្ថិនក្នុងStudioធ្វើបទចម្រៀងជាមួយគ្នាអបជាមួយ Caption ថា We’re making history ដែលមានន័យជាភាសាខ្មែរថា យើងនឹងបង្កើតប្រវតិ្តសាស្ត្រមួយ ។

អ្វីដែលកាន់តែពិសេសទៅទៀតនោះគឹតារារ៉េបថៃម្នាក់ទៀតគឺលោក Sprite បានផុសរូបរួមគ្នាមួយជាមួយលោកវណ្ណដា និងបានយកចំណងជើងបទចម្រៀងរបស់លោកវណ្ណដាមួយក្រោមចំណងជើងថា​ “Time To Rise” នៅក្នុង Caption របស់លោកផងដែរ។ ប៉ុន្តែយើងសង្កេតឃើញថា Account ឬផេកផ្លូវការរបស់លោក មិនមានការផុសអ្វីអំពីព្រឹត្តិការណ៏ទាំងអស់នេះនោះទេ។

យ៉ាងណាមិញ​ ក្រោយពីការផុសរូបជាច្រើនសន្លឹករបស់តារារ៉េបថៃល្បីៗនៅលើបណ្តាញសង្គម Instagram ទាំងនេះបានធ្វើអោយអ្នកគាំទ្ររបស់ប្រទេសនីមួយៗមានការត្រេកអរនិងចង់ឃើញការសហការច្រៀងរួមគ្នារបស់Idolពួកគេជាខ្លាំង ពីព្រោះថាកម្រនឹងមានព្រឹត្តិការណ៏នៃការផលិតបទចម្រៀងរវាងប្រទេសកម្ពុជានិងថៃបែបនេះខ្លាំងណាស់។

អត្ថបទដោយ Calvin Nann & Mao KuyDorng