BrotherlyHood ដៃគូកំពូលតារាចម្រៀងរ៉េបប្រចាំបារមីមួយគូនេះកំពុងត្រៀមចាប់ដៃគ្នាសាជាថ្មីផលិតបទថ្មីរួមគ្នាមួយទៀតមែនរឺទេ? កាលពីយប់ថ្ងៃទី២០ ខែកញ្ញាកន្លងទៅនេះ ដៃគូចម្រៀងម្ចាស់បទ«កំលោះស្រុកខ្មែរ» លោកវណ្ណថាន បានធ្វើការទំលាក់ឃ្លីបវិដេអូចំរៀងខ្លីមួយរបស់លោករួមគ្នាជាមួយនឹងលោកវណ្ណដានៅលើទំព័រហ្វេសប៊ុករបស់លោក ដោយភ្ជាប់ជាមួយនឹងប៉ារ៉ូលខេបសិនចំរៀងខ្លីដ៏ទាក់ទាញនៅខាងលើវិដេអូនោះថា «អូនចាំទេៗៗ» រួមជាមួយនឹង Emoji រូបខួរក្បាល និងការគិត។ 

ទាក់ទងនឹងការបង្ហោះនេះដែរ សង្កេតឃើញថាលោកវណ្ណដា និងលោកវណ្ណថានកំពុងតែអង្គុយធ្វើបទនេះជាមួយគ្នាបណ្តើរ និងច្រៀងទៅតាមចង្វាក់ភ្លេងជាមួយគ្នាបណ្តើរយ៉ាងជក់ចិត្តតែម្តង និងបន្ទាប់មកអ្នកទាំងពីរក៏លើកកែវជល់គ្នាឡើងយ៉ាង Chill & Fun ក្នុងការ Making Song នេះឡើងជាមួយគ្នា។ 

ខណៈដែលលោកវណ្ណថានក៏បានឆ្លៀតបន្ថែមនៅក្នុងខមមែនយ៉ាងលេងសើចថា«ចាំអត់ពេលជល់កែវជាមួយបង (Emoji សើច)» ដែលបណ្តាលអោយអ្នកគាំទ្រមួយចំនួនប្រតិកម្មយ៉ាងលេងសើចទៅវិញថា«ចាំតើជល់ហើយដាច់ហ្នឹងមែន»។ ចំណែកឯបណ្តាអ្នកគាំទ្រជាច្រើនទៀតក៏បានចាប់ផ្តើមបង្ហាញការអន្ទះអន្ទែងនៅក្នុងការរង់ចាំបទចម្រៀងថ្មីរបស់ពួកគេមួយនេះ។ 

គួររំលឹកផងដែរថា បទ«កំលោះស្រុកខ្មែរ» របស់ពួកគេទាំងពីរបានចេញឡើងកាលពី៥ខែមុន នៅក្នុងអំឡុងដើមខែមេសា និងទល់ពេលនេះទទួលបានចំនួនទស្សនារហូតដល់ 67លាន Views ហើយ។ បទមួយនេះផងដែរក៏ត្រូវបានទាំងសរសេរ ទាំងរៀបចំ និងផលិតឡើងដោយលោកវណ្ណដា និងលោកវណ្ណថានរួមគ្នាផងដែរ។ តើនឹងមានអ្វីប្លែកនៅក្នុងស្នាដៃផលិតឡើងថ្មីដោយពួកគេទាំងពីរនាក់នេះ?