ទស្សនិកជនជាច្រើនច្បាស់ជាកំពុងតែពិបាកធ្វើការសំរេចចិត្តហើយ នៅខណៈពេលដែលមានការប្រគំតន្រ្តីធំៗដល់ទៅ២ដែលនឹងធ្វើឡើងនៅក្នុងពេលស្អែកនេះ! ស្របពេលដែលមានមនុស្សជាច្រើននាក់ទន្ទឹងរង់ចាំការមកដល់នៃការប្រគំតន្រ្តីដ៏ធំប្រចាំឆ្នាំហៅថា EDM Raveground 2023 អស់រយៈពេលជាយូរមកហើយដែលនឹងធ្វើឡើងនៅថ្ងៃទី១០ ខែមិថុនាខាងមុខនេះ លោកវណ្ណដាឯណោះវិញក៏ទើបតែបានបោះពួយចោលដំណឹងដ៏រំជួលចិត្តមួយកាលពីពេលថ្មីៗនេះដែលជាការនាំយកបទពិសោធន៍នៃការប្រគំតន្រ្តីកម្រិតឌីជីថលដូចគ្នាហៅថា TrueFest ដែលនឹងធ្វើឡើងនៅក្នុងថ្ងៃជាមួយគ្នានេះតែម្តង។

ដំណឹងប្រហារជ្រាកបេះដូងអ្នកចូលរួមមួយនេះច្បាស់ជាកំពុងតែធ្វើអោយពួកគេពិបាកសំរេចចិត្តណាស់ហើយ រវាងការប្រគំតន្រ្តី EDM Raveground រឺមួយ TrueFest។ គួរបញ្ជាក់ផងដែរថាការប្រគំតន្រ្តី TrueFest នឹងមានសមាជិកសិល្បករក្រុមបារមីឯទៀតចូលរួមផងដែររួមមានកញ្ញា Sophia Kao, លោកវណ្ណថាន និងក្រុម Polarix និងអ្វីដែលលើសពីការមិនគួរជឿនោះគឺ ក្រុមបារមី La Cima Cartel មួយទៀតនោះគឺកំពុងតែចូលរួមសម្តែងការប្រគំតន្រ្តី EDM Raveground ទៅវិញដែលនឹងធ្វើឡើងនៅប្លុក Hip Hop Act នៃកម្មវិធី។

គួរអោយសោកស្តាយដែលពួកគេមិនអាចសម្តែងរួមគ្នាបាននៅក្នុងកម្មវិធីតែមួយ តែជាជំរើសរបស់អ្នកទាំងអស់គ្នាទេ ថានឹងគួរទៅព្រឹត្តិការណ៍មួយណា! កត់សម្គាល់ផងដែរថាទស្សនិកជនអាចចូលរួមកម្មវិធីទាំងពីរនេះតាមរយៈការទិញសំបុត្រចូលរួមនៅក្នុងកម្មវិធី Live By Wonderpass និងបញ្ជាក់ផងដែរថាថវិកាដែលបានពីការលក់សំបុទ្រ TrueFestនេះនឹងបរិច្ចាកទៅកាន់ Charity។ ចំណែកទីតាំងវិញការប្រគំតន្រ្តី EDM Raveground នឹងធ្វើនៅអគារ OCIC E-F-G ខណៈការប្រគំតន្រ្តី TrueFest នឹងធ្វើឡើងនៅផ្សារទំនើបអ៊ីអនម៉លសែនសុខ។តើទស្សនិកជនមានចំណាប់អារម្មណ៍យ៉ាងណាដែរទៅលើការប្រគំតន្រ្តីទាំងពីរនេះ?