កាលពីថ្ងៃទី១៨ ខែមេសាកន្លងទៅថ្មីៗនេះ លោកម៉ានវណ្ណដាទើបតែបានទំលាក់វិដេអូថ្មីមួយនៅលើបណ្តាញសង្គម Tik Tok ដែលកំពុងតែធ្វើអោយអ្នកគាំទ្រផ្ទុះសំណើចឡើងខ្លាំងតែម្តង។ យ៉ាងណាមិញផងដែរ វាគឺជាវិដេអូមិននឹកស្មានដល់ដែលធ្វើស៊ីផ្លូវអារម្មណ៍អ្នកគាំទ្រមួយទៀតហើយពីលោកវណ្ណដា ដោយរូបលោកបានបញ្ចេញឡើងជាមួយនឹងការប្រើ Original Sound ពីកូនអ្នកស្រែក៏មានបេះដូង និងបានបង្ហាញសកម្មភាព និងទឹកមុខចូលតួទៅតាមបទចំរៀងយ៉ាងកំប្លែងតែម្តង។ សង្កេតឃើញថាអ្នកគាំទ្រជាច្រើនបានបង្ហាញប្រតិកម្មលាន់មាត់ប្លែកៗគ្នានឹងការសម្តែងរបស់លោកវណ្ណដា ដោយពួកគេបញ្ចេញមតិឆ្លើយតបដោយប្រើពាក្យរបៀបបែបលេងសើចទៅវិញនឹងអាយដលរបស់ខ្លួន។ កត់សម្គាល់ផងដែរថា ក្នុងរយៈពេល២៤ម៉ោងប៉ុណ្ណោះ វិដេអូចែករំលែកឡើងនៅលើ Tik Tok មួយនេះរបស់លោកវណ្ណដាមានចំនួនចូលទស្សនារហូតដល់ 2.2 លានដងហើយ។ គួរបញ្ជាក់ផងដែរថា Original Sound របស់កូន
អ្នកស្រែក៏មានបេះដូងនេះត្រូវបានបញ្ចេញឡើងនៅក្នុងគណនី Tik Tok មានឈ្មោះថា eminiminamino កាលពី២ថ្ងៃមុន និងទទួលបានប្រជាប្រិយភាពយ៉ាងខ្លាំង។ លោក eminiminamino បានសរសេរឡើងនៅលើវិដេអូច្រៀងរបស់លោកផ្ទាល់ថា«ដូចVannDa រឺនៅ?» ដែលធ្វើអោយអ្នកនិយមប្រើប្រាស់បណ្តាញសង្គម Tik Tok ដទៃទៀតនាំគ្នាអស់សំណើចនឹងការស្រែកច្រៀងយ៉ាងតឹងផ្អឹះតឹងសរសៃករបស់លោក ហើយបានឆ្លើយតបលេងសើចនឹងលោកវិញទៅតាមបែបផែនរបស់ខ្លួន។ ចុះតើទស្សនិកជនវិញចង់ឃើញវិដេអូកំប្លែងៗបែបនេះពីលោកវណ្ណដាថែមទៀតដែររឺទេ?
