គ្រប់ជំហានណាមួយរបស់លោកវណ្ណដាសុទ្ធតែបង្កប់នូវគោលបំណង ដែលតែងតែធ្វើអោយអ្នកគាំទ្រជាច្រើនព្យាយាមទស្សន៍ទាយដំណើររបស់លោកនាពេលខាងមុខ។ចំណែកនៅពេលថ្មីៗនេះ លោកវណ្ណដាក៏បានបញ្ចេញវិដេអូថ្មីប្លែកមួយនៅលើ Tik Tok ផងដែរ ដែលទំនងជាការផ្សារភ្ជាប់ទៅនឹងបទចម្រៀងថ្មីរបស់លោកដែលហៀបនឹងចេញផ្សាយឆាប់ៗនេះ។ កាលពីថ្ងៃទី០៦ ខែមករាកន្លងទៅនេះ លោកវណ្ណដាបានបញ្ចេញវិដេអូចម្រៀងមួយទាំងនៅលើបណ្តាញសង្គមហ្វេសប៊ុក និង Tik Tok ដោយបានធ្វើអោយអ្នកគាំទ្រមានការភ្ញាក់ផ្អើលមែនទែនព្រោះនេះអាចនិយាយបានថាជាវិដេអូទី២ហើយដែលលោកវណ្ណដាលេង Tik Tok។
ក្នុងសំលៀកបំពាក់នៅផ្ទះ កន្សែងបង់ក Filterពុកមាត់ និងដងវ៉ែនតាខ្មៅ ធ្វើអោយលោកវណ្ណដាមានភាពស៊ិចស៊ីមែនទែន បណ្តាអ្នកគាំទ្រលោកវណ្ណដាមិនអាចអូសរំលងបានទេ ហើយថែមទាំងបានស្តាប់បទចម្រៀងថ្មីនៅក្នុងការច្រៀងរបស់លោកទៀតកាន់តែមិនបានធ្វើអោយខកបំណង។ លោកវណ្ណដាបញ្ចេញវិដេអូដ៏ប្លែករបស់លោកជាខនសេបមួយនៅក្នុងការបង្ហើបបទចម្រៀងថ្មីរបស់លោកនាពេលខាងមុខ ទាំងនេះគឺជាអ្វីដែលអ្នកគាំទ្រចាប់បាន។ ជាមួយនឹងស្ទាយល៍ប្តូរផ្លាស់ថ្មីៗជារឿយ ស្ទើរតែធ្វើអោយអ្នកគាំទ្រចាប់មិនបាន ខនសិបនៃបទចម្រៀងថ្មីក៏កាន់តែថ្មីស្រឡាង លោកវណ្ណដាហាក់ដូចជាលើកឡើងអំពីជីវិតការងារ និងការរស់នៅក្នុងបទចម្រៀងមួយនេះ ដោយលោកបានសរសេរឡើងនូវខេបសិនថា «ចូលធ្វើការធម្មតា ធម្មតា»។ លោកវណ្ណដាម្តងនេះហាក់ដូចជា Follow Trend ត្រលប់មកវិញ ដូចជាសង្គមបច្ចុប្បន្នតែងនិយាយថា«ស្អែកធ្វើសំណង់ធម្មតា»ទេ។
តើលោកវណ្ណដាជ្រើសរើស Follow Trend ជំនួសអោយការបង្កើត Trend មែនដែររឺទេ? មិនថានេះគឺជាវិធីសាស្រ្ត Marketing មួយនៅក្នុងការ Follow Trend នោះទេ តែលោកវណ្ណដាបានបង្កើតភាពអស្ចារ្យមួយនៅក្នុងបទចម្រៀងនេះដោយភាពច្នៃប្រឌិត និងការរួមបញ្ចូលគ្នានូវធាតុផ្សំជាច្រើន។ ម្យ៉ាងទៀតចម្រៀងមួយនេះប្រហែលជាបទថ្មីបន្ទាប់មួយទៀតរបស់លោកដែលអាចធ្វើអោយអ្នកគាំទ្រ Feel Relate បានទៀតហើយ។ ចុះទស្សនិកជនទាំងអស់គ្នាមានការចាប់អារម្មណ៍បែបណាខ្លះចំពោះការ Highlight បទចម្រៀង Teaser មួយនេះកុំភ្លេចខមមែនប្រាប់អេដមីនម្នាក់មួយផងណា!
