កាលពីពេលថ្មីៗនេះ លោកវណ្ណដាបានរំលឹកឡើងម្តងទៀតអំពីកម្មវិធី The Rapper Cambodia ដែលនឹងឈានចូលមកដល់វគ្គ Online Audition កាលពីថ្ងៃទី២០ ខែឧសភាកន្លងទៅនេះ។ គួរបញ្ជាក់ផងដែរ យោងទៅតាមការចេញសេចក្តីប្រកាសផ្លូវការ កម្មវិធី The Rapper Cambodia នេះនឹងចាប់ផ្តើមបើកវគ្គ Online Audition ចាប់ពីថ្ងៃទី២០ ខែឧសភានេះ រហូតដល់ថ្ងៃទី៩ ខែមិថុនាខាងមុខនេះ។
សង្កេតឃើញថាបន្ទាប់ពីលោកវណ្ណដាបានចេញវិដេអូពន្យល់រៀបរាប់ពីវិធីចូលរួមប្រកួត Online Audition និងប្រាប់ពីវិធីដាក់ពិន្ទុតាមរយៈខេបសិនខាងក្រោម ត្រឹមរយៈពេលប៉ុន្មានថ្ងៃមកនេះនៃការបើកវគ្គប្រកួត មហាជនជាច្រើននាក់បានចាប់ផ្តើមបញ្ចេញសមត្ថភាពរ៉េប និងស្នាដៃរបស់ពួកតាមរយៈវិដេអូដែលបង្ហោះឡើងនៅលើប្រព័ន្ធអ៊ីធឺណែត ជាមួយនឹង Slash Tag ទាំង៣ទៅតាមលក្ខខណ្ឌនៃការប្រកួត។
ជាមួយនឹងគ្នានេះដែរ គួររំលឹកថាដើម្បីចូលរួមប្រកួតទស្សនិកជនទាំងអស់គ្នាគ្រាន់តែចូលទៅកាន់ Tik Tok របស់ The Rapper Cambodia រឺ Baramey Productionដើម្បីជ្រើសរើសពីភ្លេងទាំង៥មកប្រើប្រាស់ធ្វើSound សំរាប់វិដេអូរ៉េបនៅលើ TikTok និងភ្ជាប់ជាមួយនឹង Hashtag #TheRapperOnlineAudition #TheRapperxHanuman #Baramey។ បន្ទាប់មកចូលទៅបំពេញ Form នៅក្នុង Bio នៅលើ Tik Tok The Rapper Cambodia ជាការស្រេច។ ចុះទស្សនិកជនទាំងអស់គ្នាមានចំណាប់អារម្មណ៍យ៉ាងណាដែរ?