បន្ទាប់ពីការប្រឡងផ្ទាល់នៃកម្មវិធី The Rapper Cambodia នៅតាមបណ្តាខេត្តក្រុងត្រូវបានប្រកាសចប់កាលពីថ្ងៃទី២២ ខែកក្កដាកន្លងទៅនេះ កាលពីពេលថ្មីៗនេះ កម្មវិធី The Rapper Cambodia ទើបតែបានចែករំលែកដំណឹងថ្មីមួយដល់ទស្សនិកជនទាក់ទងនឹងឳកាសចូលទស្សនាការថត TV Show The Rapper Cambodia នេះផ្ទាល់ទាំង១២វគ្គតាមរយៈទំព័រហ្វេសប៊ុករបស់ខ្លួន។
យ៉ាងណាមិញ ថ្វីបើមិនមានការចែករំលែកណាមួយទាក់ទងនឹងវគ្គបន្តនៃកម្មវិធី The Rapper Cambodia នេះទេ ស្រាប់តែកាលពីថ្ងៃទី១៥ ខែសីហាកន្លងទៅនេះ នៅលើ Story របស់ផលិតកម្មបារមី ក៏ដូចជា The Rapper Cambodia បានធ្វើការចែករំលែកឡើងពីសកម្មភាពនៃពិធីជប់លៀងមួយរបស់ក្រុម The Rapper Cambodia ដែលហៅថា The Rapper Cambodia Icebreaker Party។
ដោយនៅក្នុងនោះ មានទាំងបេក្ខជនចូលរួមប្រកួត និងក្រុមការងារនៃកម្មវិធីបានអញ្ជើញចូលរួម ចែករំលែកភាពស្និទ្ធស្នាល និងផ្តោះប្តូរសមត្ថភាពគ្នាទៅវិញទៅមកនៅក្រោមបរិយាកាសតន្រ្តី Hip Hop ដ៏រន្ថើនសប្បាយរីករាយ។
គួរបញ្ជាក់ផងដែរ កម្មវិធីមួយនេះបានរៀបចំធ្វើឡើងនៅឯ Rooftop នៃសណ្ឋាគារមួយកន្លែងក្នុងរាជធានីភ្នំពេញ។ អ្វីដែលគួរអោយចាប់អារម្មណ៍ផងដែរ តាមរយៈ Story ដែលត្រូវបានបង្ហោះនោះ ក៏មានជាប់ដោយវត្តមានរបស់លោក Mann VannDa ផងដែរ កំពុងងក់ក្បាលទៅតាមចង្វាក់ភ្លេងខណៈដែលមានបេក្ខជនម្នាក់កំពុងបង្ហាញសមត្ថភាពរ៉េបមកកាន់លោក។
នៅលើ Story បានភ្ជាប់ជាមួយនឹងខេបសិនផងដែរថា«Imagine you got to drop your bar in front of VD. Stay tuned for the show…»។ ចុះទស្សនិកជនយល់ឃើញយ៉ាងណាដែរ?