កាលពីយប់ថ្ងៃទី១២ ខែមីនាកន្លងទៅនេះ លោកវណ្ណដាទើបតែបានចេញផ្សាយ Teaser Clip ចម្រៀងថ្មីរបស់លោកនៅលើកម្មវិធីបណ្តាញទំនាក់ទំនងផ្សេងៗដូចជា Tik Tok, Facebook និង Instagram ជាដើម។ វិដេអូ Clip មួយនេះផងដែរបានភ្ជាប់ជាមួយសារខ្លីពីលើថា «First thing first» ដ៏គួរអោយចាប់អារម្មណ៍មួយ និងមានបង្ហាញរូបលោកក្នុងឈុត Suit ពណ៌ខ្មៅឈរកាន់កែវស្រាយ៉ាងស្រស់ទាក់ទាញប៉ុន្តែពោរពេញដោយទឹកមុខសោកសៅ។ គួរអោយកត់សម្គាល់ដែរថាវិដេអូដ៏អាថ៌កំបាំងនេះបានទាក់ទាញចំណាប់អារម្មណ៍មហាជនជាច្រើន ហើយលោកវណ្ណដាមិនដែលបរាជ័យនោះឡើយនឹងពន្ញាក់អារម្មណ៍អ្នកគាំទ្ររបស់លោក។ មិនខុសពីបទមុនៗរបស់លោកនោះទេ លោកតែងតែមានវិធីក្លែងនិងថ្ពក់ចិត្តអ្នកស្តាប់ជាមុនតាមរយៈ​​​ Clip វិដេអូចម្រៀងខ្លីៗរបស់លោកដោយស្ទាយល៍ប្លែកៗ។ យ៉ាងណាមិញតាមរយៈបទចម្រៀងមួយនេះ មិនបានធ្វើអោយអ្នកគាំទ្រពិបាកស្មាននោះទេថាជាការជិតចេញផ្សាយនូវបទចម្រៀងថ្មីរបស់លោក។ គួរអោយចាប់អារម្មណ៍ផងដែរអ្នកគាំទ្រមួយចំនួនដែលបានស្តាប់បទចម្រៀង Teaser នោះរួចមក បានបញ្ចេញមតិយោបល់អោយដឹងថានេះប្រហែលជាបទចម្រៀងថ្មីដែលលោកវណ្ណដាទើបតែតាក់តែងឡើងនោះទេ ដោយសារតែនៅក្នុង​​​បទចម្រៀងនោះបានផ្តើមឡើងពីការនឹករលឹករបស់លោកវណ្ណដាទៅកាន់ Alien ឆ្កែសំណព្វរបស់លោកដែលទើបតែបាត់បង់ជីវិតថ្មីៗនេះ។ ចំណែកអ្នកស្តាប់ផ្សេងៗទៀតបានបង្ហាញអារម្មណ៍ Relate ទៅនឹងបទចម្រៀងថ្មីរបស់លោកវណ្ណដាមួយនេះផងដែរដែលជាប្រភេទបទមនោសញ្ចេតនាអំពីរសជាតិជីវិតលាយឡំនឹងភាពសោកសៅ។ គួរបញ្ជាក់ផងដែរថានៅក្នុងចំណោមបណ្តាញទំនាក់ទំនងទាំង៣នេះ នៅលើ Tik Tok លោកវណ្ណដាទទួលបានចំនួនទស្សនាច្រើនជាងគេបង្អស់រហូតដល់ 238.5K Views ត្រឹមតែរយៈពេល១២ម៉ោងប៉ុណ្ណោះ តាមពីក្រោយដោយ Facebook និង Instagram រៀងគ្នា។ ចុះទស្សនិកជនយល់យ៉ាងណាដែរចំពោះបទចម្រៀងថ្មីរបស់លោកវណ្ណដាមួយនេះ? Let me know in your comment below!