Life is Fun, Life is Bak Kalo លោកវណ្ណដាបានត្រៀមខ្លួនរួចជាស្រេចដើម្បីផ្តត់ជូនអ្នកគាំទ្រ របស់ខ្លួននូវ អាលប៊ុមថ្មី Skull2 រដូវកាលទី១ ដែលនឹងមានការចេញផ្សាយជាផ្លូវការនៅការបណ្តាញចាក់ចម្រៀងជាសកលលោក Spotify នៅថ្ងៃទី១ ខែកក្កដា និងនៅថ្ងៃទី៣ នៅលើ YouTube នាខែកក្កដា ឆ្នាំ២០២២ ខាងមុខនេះ។ ជាក់ស្តែងកាលពីល្ងាចថ្ងៃទី ២៥ ខែមិថុនា កន្លងទៅនេះ ហ្វេកប៊ុកផេកផ្លូវការរបស់ លោក វណ្ណដាបានធ្វើការផុសអង្រួនផ្លូវចិត្តមិត្តយុវវ័យសារជាថ្មីជាមួយនឹង Bokkalo Vibe ដោយអបជាមួយនឹងសារមួយឃ្លាថា វីដេអូចម្រៀងថ្មី ជាមួយនឹងអាល់ប៊ុមនាថ្ងៃទី ១ ខែ កក្កដា ខាងមុខនេះ។ មិនតែប៉ុណ្ណោះក៏មានដាក់ជាមួយនឹង #VannDaxHanuman ផងដែរ ដែលនេះហើយទើប បណ្តាលអោយអ្នកគាំទ្ររបស់លោកជាច្រើនរំពឹងបាននូវតន្រ្តីបែបញាក់កន្ត្រាក់អារម្មណ៏សារជាថ្មីនៅថ្ងៃការ Release ខាងមុខនេះ។
មិនតែប៉ុណ្ណោះ តាមរយៈអាខោន IG ផ្លូវការរបស់លោក ក៏បានធ្វើការផុសជាមួយនឹងរូបភាពពីលើអាគារមួយនៅក្បែរការិយាល័យផលិតកម្មបារមី ដោយអនុញ្ញាតអោយអ្នកគាំទ្រសួរសំណួរខ្លះៗទៅកាន់រូបលោក។ ប៉ុន្មានម៉ោងក្រោយមក លោកវណ្ណដាបានចែករំលែកសំណួរដែលអ្នកគាំទ្រសួរអំពីសុខទុក្ខរបស់លោក និងបានថែមទាំង Say នូវសារជាច្រើនថា ជាដំបូង ខ្ញុំសង្ឃឹមថាអ្នកទាំងអស់គ្នានឹងសុខសប្បាយជិវិតក៏មានភាពសប្បាយរីករាយ ជីវិតក៏អាចជាការបូកគីឡូ ជីវិតរបស់ខ្ញុំត្រូវបានផ្លាស់ប្តូរជាខ្លាំងមួយរយៈចុងក្រោយនេះ Schedule របស់ខ្ញុំពិតជាមមាញឹកខ្លាំងណាស់ ខ្ញុំបានលុបចោលការចូលរួមកម្មវិធីទូរទស្សន៏ជាច្រើន ការថតចម្រៀង និងថតវីដេអូចម្រៀងត្រូវបានធ្វើក្នុងពេលតែមួយ។ មានពេលខ្លះខ្ញុំគេងបានត្រឹមតែ៣ម៉ោងប៉ុណ្ណោះ ហើយឥឡូវនេះរហូតដល់ស្នាក់នៅOfficeរបស់ក្រុមការងារទៅហើយ ហើយអ្វីដែលពិបាកចិត្តទៅទៀតនោះ ខ្ញុំស្ទើរតែគ្មានពេលបានមើលថែខ្លួនឯងដូចមុននោះទេ សង្ឃឹមថាការលះបង់ទាំងនេះនឹងអាចជួយដល់ប្រទេសជាតិ វប្បធម៏ របស់យើងទាំងអស់គ្នា។
ចង់ដឹងថាវីដេអូចម្រៀងថ្មីនេះនឹងជាបទចម្រៀងដែលយើងពុំធ្លាប់បានស្តាប់ពីមុនមក ឬ ជាបទចម្រៀងពីរបទដែលលោកធ្លាប់បាន Release ចុងក្រោយនេះគឺ Parenthessis ឬ life is a game កុំភ្លេចទន្ទឹងរង់ទាំងអស់គ្នានៅថ្ងៃទី១ខែកក្តដា ខាងមុខនេះ។
អត្ថបទដោយ Calvin Nann