ទស្សនិកជននៅលើបណ្តាញសង្គមមានការភ្ញាក់ផ្អើលខ្លាំងមែនទែនពេលលោកវណ្ណដាទំលាក់បទថ្មីរបស់ខ្លួនដែលមានចំណងជើងថា "JO 2" នៅថ្ងៃទី២៩ ខែតុលាកន្លងទៅនេះ ដែលជាបទមួយធ្វើអោយមហាជនមានការព្រឺរោមមិននឹកស្មានថាលោកវណ្ណដាហាក់ដូចជាមានកំហឹងខ្លាំងសម្បារនឹងតារារ៉េបលោកជីដេវីតសោះ។ ធម្មតាលោកវណ្ណដាតែងតែនៅតែរក្សាស្ងប់ស្ងាត់មិនបង្កជំលោះ មិនតបតនឹងជំលោះតែនរណាទៅនឹកស្មានដល់លោកវណ្ណដាលេងមួយខ្លាំងដៃស្ងាត់ៗទំលាក់ Diss Track ជូនលោកជីដេវីតជាកាដូចុកឈាមនៅក្នុងថ្ងៃប្រគំតន្រ្តីខ្នាតធំរបស់លោកជីដេវីតតែម្តង។

មួយបទនេះមហាជនសង្កេតឃើញថាលោកវណ្ណដាកាន់តែប្លែកខុសពីសញ្ជាតិញាណរាល់ដងរបស់លោក។ គេមិនដែលឃើញលោកវណ្ណដាមានគំនុំគុំគួនខឹង និងកាចសាហាវដល់ថ្នាក់នេះដៀលដល់សិល្បករណាមួយឡើយ។ ម្យ៉ាងទៀតក៏មានអ្នកខ្លះទៀតវិភាគថា នេះជាជំហ៊ានថ្មីមួយនៃការសម្តែងរបស់លោកវណ្ណដា​​​ដោយធ្លាប់បានបញ្ជាក់ថា លោកនៅមានសល់បទជាច្រើនទៀតសំរាប់ Skull 2 រដូវកាលទី២ ដោយបទចំរៀងនៅក្នុងរដូវកាលទី១ធ្លាប់តែជាបទសេធតែសំរាប់រដូវកាលទី២នឹងមានរសជាតិផ្សេងទៀតធ្វើអោយទស្សនិកជនមានការភ្ញាក់ផ្អើល។

ឥលូវនេះមហាជនអាចគាស់រំលើកឃើញហើយរសជាតិថ្មីមួយទៀតសំរាប់រដូវកាលទី២នេះគឺជារសជាតិបែបខឹង និងគ្រោះថ្នាក់កាចសាហាវរបស់លោកវណ្ណដាដែលធ្វើអោយអ្នកស្តាប់ហើយមានការចុកឈាមខ្លាំងមែនទែន។ គួរបញ្ជាក់ផងដែរលោកវណ្ណដាក៏បានបញ្ជាក់ថាអាល់ប៊ុក Skull2 រដូវកាលទី២របស់លោកនឹងបញ្ចេញឡើងនៅចុងឆ្នាំ២០២២ខាងមុខឆាប់ៗនេះហើយ។