មួយរយៈពេលចុងក្រោយនេះ លោកវណ្ណដាបានចែករំលែកសារជាញឹកញាប់ទាក់ទងទៅនឹងព្រឹត្តិការណ៍ Sea Games នៅកម្ពុជា។ ដូចជាកាលពីមួយសប្តាហ៍កន្លងទៅនេះ លោកវណ្ណដាបានសរសេរសារមួយភ្ជាប់នឹងរូបភាពរបស់លោកនិងក្រុមការងារមួយសន្លឹកនៅលើគណនី Instagram ឡើងថា«Don’t gain the world and lose your soul, Wisdom is better than silver or gold» ដែលហាក់ដូចជាមានខ្លឹមសារបង្កប់អត្ថន័យម្យ៉ាងដ៏ជ្រាលជ្រៅ មិនថាអ្នកនៅទីណា មានតួនាទីជាអ្វី សូមអ្នកកុំបោះបង់ខ្លួនឯងដើម្បីពិភពលោក ព្រោះតំលៃពិតប្រាកដគឺភាពខាងក្នុង មិនថាវាល្អ រឺមិនទាន់ល្អគ្រប់គ្រាន់នៅឡើយ។ ចំណែកឯកាលពីថ្ងៃសៅរ៍ សប្តាហ៍មុននេះ លោកវណ្ណដាក៏បានចែករំលែកសារមួយទៀតទាំងនៅលើហ្វេសប៊ុក និង Instagram បន្ទាប់ពីចូលរួមសម្តែងនៅក្នុងព្រឹត្តិការណ៍ Sea Games រួចមក ដោយបាននិយាយឡើងថា«បើនិយាយពីអារម្មណ៍ពិតថ្ងៃបើកSea Game លើកទី៣២ កម្ពុជាជាម្ចាស់ផ្ទះនោះគឺខ្ញុំបានចូលរួមសម្តែង និងទស្សនាដោយផ្ទាល់ ពិតជាមានមោទកភាពបំផុតក្នុងនាមជាកូនខ្មែរ ស្ទើរតែស្រក់ទឹកភ្នែក និងមិនចង់ព្រិចភ្នែកនៅពេលបានទស្សនាផ្ទាល់នៃទិដ្ឋភាពដ៏កម្រមួយនេះ»។ គួរកត់សម្គាល់ថានៅក្នុងពេលបន្តបន្ទាប់គ្នានោះផងដែរ លោកវណ្ណដាក៏បានចែករំលែករូបភាពទាក់ទងនឹងព្រឹត្តិការណ៍ Sea Games នៅលើ Instagram Story ជាច្រើនដូចជាសារទៅកាន់កញ្ញា Khan Jessa ជាដើម។ លុះមកដល់ថ្ងៃទី៨ ខែឧសភានេះ លោកវណ្ណដាក៏ទើបតែបានភ្ជាប់ជាមួយសារជូនពរ ហើយគាំទ្រទៅកាន់កីឡាករខ្មែរយើងដោយរូបភាពមួយចំនួនរបស់លោកចូលរួមទស្សនាដោយផ្ទាល់នៅក្នុងពហុកីឡាដ្ឋានដោយបានសរសេរឡើងថា«ចូលរួមលើកទឹកចិត្ត និងគាំទ្រកីឡាករខ្មែរយើង ស៊ូៗបងៗ ស៊ូបន្តទៀត»។ តើទស្សនិកជនយល់ឃើញយ៉ាងណាដែរចំពោះការបង្ហាញចំណាប់អារម្មណ៍របស់លោកវណ្ណដា?
