កាលពីយប់ថ្ងៃទី២៨ ខែមិថុនាកន្លងទៅនេះ លោកវណ្ណដាបានបង្វែរអារម្មណ៍ទស្សនិកជនមក១៨០ដឺក្រេតែម្តង ជាមួយនឹងការ Surprise Drop ឃ្លីបវិដេអូចម្រៀង Collab ថ្មីមួយរបស់លោកនូវបទ«10» ជាមួយនឹងលោក YCN RAKHIE និងលោក ALL3RGY។
លោកវណ្ណដាបានសរសេរឡើងភ្ជាប់ជាមួយនឹងចំណងជើងវិដេអូថា«How bout pool party?» ព្រមទាំងបាន Mention ដៃគូចម្រៀងទាំងពីរនាក់ចូលផងដែរ ខណៈដែលលោក YCN RAKHIE បានចូលមកខមមែនដាក់ Emoji យកដៃបិទមាត់ ជាមួយនឹងពាក្យ Soon Soon ដែលអាចទាញសេចក្តីថាប្រហែលជាបទចម្រៀង Collab ថ្មីរបស់ពួកគេមួយនេះនឹងអាចចេញឆាប់ៗនេះហើយ។ យ៉ាងណាមិញលោក ALL3RGY ក៏បានធ្វើការចែករំលែកបន្តការបង្ហោះរបស់លោកវណ្ណដានេះផងដែរ ជាមួយនឹង Emoji មួយចំនួនដែលបង្ហាញពីការគាំទ្រ និងសហការយ៉ាងស្អិតរមួតរបស់ពួកគេ។
បណ្តាគាំទ្រមួយចំនួនធំរបស់ពួកគេ ជាពិសេសអ្នកគាំទ្របទ«10» នេះផងដែរ ក៏បានបង្ហាញចំណាប់អារម្មណ៍ថាចង់បទចំរៀង Full Version នេះនឹងបានចេញឆាប់ៗ ដោយសង្កេតឃើញថានៅលើប៉ារ៉ូលចំរៀង និងបទភ្លេងត្រូវបានកែច្នៃ និងកែសំរួលខ្លះៗ។
ម្យ៉ាងទៀតកត់សម្គាល់ផងដែរថា តាមរយៈឃ្លីបវិដេអូចំរៀងមួយនេះ ក៏បាន Highlight ដកស្រង់យកសកម្មភាពពិតៗមួយចំនួនយ៉ាងគួរអោយចាប់អារម្មណ៍របស់សិល្បករយើងផងដែរ ដែលហាក់បង្ហាញអោយឃើញពីជ្រុងមួយនៃជីវិតរបស់សិល្បករ បូករួមនឹងការផ្សាភ្ជាប់ជាមួយនឹងអ្នកគាំទ្រ ក្រុមការងារ ក៏ដូចជាកម្លាំងចិត្ត និងភាពសប្បាយរីករាយ។ តើទស្សនិកជនយល់ឃើញយ៉ាងណាដែរ?
